Gold Price Today : పండుగ వేళ.. పసిడి ప్రియులకు శుభవార్త..!
Gold Price Today : బంగారం కొనుగోలు చేయాలనుకునే వారికి కాస్త ఊరట కలిగింది. వరుసగా పెరిగిన బంగారం ధరలు ఎట్టకేలకు శాంతించాయి. 4 రోజులు పెరిగిన తర్వాత ఎట్టకేలకు ఇవాళ స్థిరంగా ఉన్నాయి. మరోవైపు ఇంటర్నేషనల్ మార్కెట్లో ఒడుదొడుకులకు లోనవుతున్నాయి. ప్రస్తుతం ఎక్కడ గోల్డ్, సిల్వర్ రేట్లు ఎలా ఉన్నాయో తెలుసుకుందాం.
- Author : Kavya Krishna
Date : 13-01-2025 - 9:35 IST
Published By : Hashtagu Telugu Desk
Gold Price Today : భారతీయులకు బంగారం అంటే ప్రత్యేక అభిమానం ఉంటుంది. ముఖ్యంగా మహిళలకు బంగారు ఆభరణాలంటే ప్రియమైనవి. పండగలు, శుభకార్యాలు, ఇతర వేడుకల సందర్భంగా బంగారు ఆభరణాలు కొనుగోలు చేయడం విశేషంగా జరుగుతుంది. ఈ సందర్భాల్లో బంగారం డిమాండ్ మరింత పెరుగుతుంది. దేశీయంగా బంగారం ధరలు అంతర్జాతీయ మార్కెట్కు అనుగుణంగా మారుతూ ఉంటాయి. అక్కడ ధరలు పెరిగితే ఇక్కడ కూడా పెరుగుతాయి, అక్కడ తగ్గితే ఇక్కడ కూడా తగ్గుతాయి. అంతేకాక, బంగారం, వెండి ధరలు ప్రాంతానుసారంగా మార్పులుంటాయి.
ప్రస్తుతం, నాలుగు రోజుల పాటు పెరుగుదల తర్వాత దేశీయంగా బంగారం ధరలు తగ్గుముఖం పట్టాయి. హైదరాబాద్ నగరంలో 22 క్యారెట్ల బంగారం రేటు 10 గ్రాములకు రూ. 73,000 వద్ద ఉంది. గతంలో వరుసగా రూ. 150, రూ. 250, రూ. 350, రూ. 100 చొప్పున ధరలు పెరిగాయి. 24 క్యారెట్ల స్వచ్ఛమైన బంగారం రేటు ప్రస్తుతం తులానికి రూ. 79,640 వద్ద ఉంది.
హైదరాబాద్ మాదిరిగానే దేశ రాజధాని ఢిల్లీలో కూడా బంగారం ధరలు స్థిరంగా ఉన్నాయి. ఢిల్లీలో 22 క్యారెట్ల బంగారం రేటు తులానికి రూ. 73,150 ఉండగా, 24 క్యారెట్ల బంగారం ధర 10 గ్రాములకు రూ. 79,800 వద్ద ఉంది. బంగారం ధరల్లో హైదరాబాద్ కంటే ఢిల్లీలో స్వల్పంగా ఎక్కువగా ఉంటుంది.
వెండి ధరలు కూడా బంగారం ధరల మాదిరిగానే స్థిరంగా ఉన్నాయి. ఢిల్లీలో కిలో వెండి ధర రూ. 93,500 వద్ద ఉండగా, హైదరాబాద్లో కేజీ వెండి ధర రూ. 1,01,000 వద్ద ఉంది. స్థానిక పన్నులు, ఇతర అంశాలు కారణంగా బంగారం, వెండి ధరల్లో ప్రాంతాల ప్రకారం తేడాలు కనిపిస్తాయి.
Gautam Adani : ‘‘ఆ దేవుడు ఆదేశించాడు.. ఈ అదానీ పాటించాడు’’ : గౌతం అదానీ
