ABHFL: సంగారెడ్డిలో ఆదిత్య బిర్లా బ్రాంచ్ ప్రారంభం

Aditya Birla branch inaugurated in Sangareddy

ABHFL : దేశంలోనే వేగంగా వృద్ధి చెందుతున్న హౌసింగ్ ఫైనాన్స్ రంగంలో ప్రముఖ సంస్థ, ఆదిత్య బిర్లా క్యాపిటల్ లిమిటెడ్ అనుబంధ విభాగమైన ‘ఆదిత్య బిర్లా హౌసింగ్ ఫైనాన్స్ లిమిటెడ్’ (ABHFL) తెలంగాణలో తన ఉనికిని మరింత చాటుకుంది. వ్యూహాత్మక విస్తరణ ప్రణాళికలో భాగంగా సంగారెడ్డిలో సరికొత్త శాఖను సంస్థ లాంఛనంగా ప్రారంభించింది. దీంతో తెలంగాణ వ్యాప్తంగా ఆదిత్య బిర్లా హౌసింగ్ ఫైనాన్స్ మొత్తం బ్రాంచ్‌ల సంఖ్య 10కి చేరుకుంది. ఇండోర్-హైదరాబాద్ ఎకనమిక్ కారిడార్ పుణ్యమా అని సంగారెడ్డి జిల్లా నేడు పారిశ్రామికంగా, వాణిజ్యపరంగా శరవేగంగా దూసుకుపోతోంది. ఈ ప్రాంతంలో పెరుగుతున్న కనెక్టివిటీ కారణంగా వేతన జీవులతో పాటు స్వయం ఉపాధి పొందే వర్గాల్లో అఫోర్డబుల్ హౌసింగ్ (సరసమైన గృహాలు), హోమ్ లోన్స్‌కు విపరీతమైన డిమాండ్ ఏర్పడింది. ఈ డిమాండ్‌ను అందిపుచ్చుకుంటూ కస్టమర్ల గృహ కొనుగోలు, నిర్మాణం మరియు మరమ్మతుల అవసరాలకు సులభంగా రుణ సాధనాలను అందించేందుకు ఈ కొత్త శాఖను అందుబాటులోకి తెచ్చారు.

డిజిటల్ సేవల మేళవింపు.. జూన్ 30 వరకు ప్రత్యేక లాంచ్ ఆఫర్లు
వివిధ వర్గాల కస్టమర్ల ఆర్థిక అవసరాలకు అనుగుణంగా ప్రైమ్ హౌసింగ్, అఫోర్డబుల్ హౌసింగ్ లోన్స్, కన్స్ట్రక్షన్ ఫైనాన్స్ మరియు ప్రాపర్టీపై రుణాలను (LAP) ఈ సంస్థ అందిస్తోంది. పటిష్టమైన డిజిటల్ సాంకేతికత ద్వారా సులభమైన ఆన్‌బోర్డింగ్, వేగవంతమైన లోన్ అప్రూవల్స్ మరియు పూర్తి పారదర్శకతతో కస్టమర్లకు ‘హ్యాపీ హోమ్ లోన్ జర్నీ’ని అందిస్తామని సంస్థ ఎండీ, సీఈఓ పంకజ్ గాడ్గిల్ స్పష్టం చేశారు. ఈ కొత్త బ్రాంచ్ ప్రారంభోత్సవం సందర్భంగా జూన్ 17 నుండి జూన్ 30 వరకు కస్టమర్ల కోసం ఒక అద్భుతమైన లాంచ్ ఆఫర్‌ను ప్రకటించారు. ఇందులో భాగంగా ఎటువంటి లాగిన్ ఫీజు (జీరో లాగిన్ ఫీ) లేకుండా, రూ. 50 లక్షల వరకు రుణాలను స్పాట్‌లోనే తక్షణమే మంజూరు (ఇన్‌స్టంట్ అప్రూవల్) చేయనున్నారు. తక్కువ ఖర్చుతో, ఎలాంటి శ్రమ లేకుండా వేగంగా గృహ రుణాలు పొందాలనుకునే సంగారెడ్డి పరిసర ప్రాంతాల ప్రజలకు ఈ ఆఫర్ ఒక సువర్ణావకాశంగా నిలవనుంది.

Follow us