New Ration Cards : తెలంగాణలో కొత్త రేషన్ కార్డులు, పింఛన్లు.. సీఎం రేవంత్ పచ్చజెండా

గత బీఆర్ఎస్ సర్కారు దాదాపు ఆరేళ్లుగా కొత్త రేషన్‌ కార్డులను(New Ration Cards) జారీ చేయలేదు. ఉన్న కార్డుల్లో కొత్తగా పేర్ల నమోదుకు కూడా ఛాన్స్ ఇవ్వలేదు. రేషన్ కార్డులు లేక చాలామంది ఆరోగ్యశ్రీ లాంటి సేవలను అందుకోలేకపోయారు. ఈనేపథ్యంలో ఈసారి కొత్త రేషన్ కార్డుల కోసం పెద్ద సంఖ్యలో అప్లికేషన్లు రానున్నాయి. కాంగ్రెస్‌ ప్రభుత్వం ఆరోగ్యశ్రీ పథకం కింద వైద్యచికిత్సల పరిమితిని రూ. 10 లక్షలకు పెంచింది. కొత్తగా రేషన్ కార్డులను జారీ చేయకపోవడంతో పిల్లల పేర్లను చేర్చుకునేందుకు అవకాశం లేక వేలాది కుటుంబాలు ఉచిత బియ్యానికి దూరమయ్యారు. ఒక్కో జిల్లాలో కొత్త రేషన్ కార్డుల కోసం దాదాపు 50 వేల దరఖాస్తులు పెండింగ్‌లో ఉన్నాయి. ఒక్కో జిల్లాలో రేషన్ కార్డుల్లో పిల్లల పేర్ల నమోదు కోసం 60 వేల నుంచి 90 వేల దరఖాస్తులు పెండింగ్‌లో ఉన్నాయి.