WhatsApp: వాట్సాప్‌లో స్పామ్, అనవసర మెసేజ్‌లకు ఇక చెక్!

WhatsApp

WhatsApp: వాట్సాప్ (WhatsApp) ఇప్పుడు యూజర్లకు స్పామ్, అనవసర మెసేజ్‌ల నుండి ఉపశమనం ఇవ్వడానికి సిద్ధమవుతోంది. ఇకపై మీరు ఎప్పుడూ రిప్లై ఇవ్వని తెలియని నంబర్‌లు లేదా బిజినెస్ అకౌంట్‌ల నుండి వచ్చే మెసేజ్‌ల వరదకు అడ్డుకట్ట పడనుంది. సాధారణ యూజర్లకు మెరుగైన చాట్ అనుభవాన్ని అందించడానికి, ప్రత్యేకించి ప్రమోషనల్, బల్క్ మెసేజ్‌లు పంపేవారిని నియంత్రించడానికి ఈ చర్య తీసుకుంటున్నట్లు కంపెనీ పేర్కొంది.

తెలియని నంబర్ల నుండి మెసేజ్‌లు తగ్గుతాయి

ఇప్పటివరకు మీరు స్పందించినా స్పందించకపోయినా బిజినెస్ లేదా ప్రమోషనల్ నంబర్‌లు నిరంతరం మెసేజ్‌లు పంపుతూనే ఉండేవి. దీంతో చాట్ లిస్ట్ అనవసర మెసేజ్‌లతో నిండిపోయేది. ఇప్పుడు వాట్సాప్ ఈ నంబర్‌లపై ఒక పరిమితిని విధించాలని నిర్ణయించింది. అంటే మీరు రిప్లై ఇవ్వని పక్షంలో ఏదైనా బిజినెస్ అకౌంట్‌కు ఒక యూజర్‌కు పరిమిత సంఖ్యలో మాత్రమే మెసేజ్‌లు పంపడానికి అనుమతి లభిస్తుంది.

‘మంత్లీ మెసేజ్ క్యాప్’ ఫీచర్ టెస్టింగ్

వాట్సాప్ ప్రస్తుతం కొత్త ‘మంత్లీ మెసేజ్ క్యాప్’ ఫీచర్‌ను పరీక్షిస్తోంది. దీని ప్రకారం.. ఏ యూజర్ లేదా బిజినెస్ అయినా వారి కాంటాక్ట్ లిస్ట్‌లో లేని వ్యక్తులకు పరిమిత సంఖ్యలో మాత్రమే మెసేజ్‌లు పంపగలరు. ఉదాహరణకు ఒక బిజినెస్‌కు 10 మెసేజ్‌ల పరిమితి ఇస్తే, అది ఒక నెలలో రిప్లై లేకుండా కేవలం 10 మెసేజ్‌లు మాత్రమే పంపగలదు.

కొత్త ఫీచర్ ఎలా పనిచేస్తుంది?

ఉదాహరణకు మీరు ఒక ఈవెంట్‌లో ఒక వ్యక్తిని కలిసి వారికి మూడు సార్లు మెసేజ్ పంపినా, వారు ఎటువంటి సమాధానం ఇవ్వలేదు అనుకుందాం. అప్పుడు ఈ మూడు మెసేజ్‌లు మీ నిర్ణీత పరిమితి నుండి తగ్గిపోతాయి. పరిమితి పూర్తయిన తర్వాత మీరు ఆ నెలలో ఏ కొత్త వ్యక్తికి ఇంక మెసేజ్ పంపలేరు. దీనివల్ల పదేపదే వచ్చే అనవసర మెసేజ్‌లు తగ్గుతాయి.

Also Read: ‎Hair Growth: ఈ ఒక్క పువ్వుతో మీ జుట్టు గడ్డిలా ఏపుగా పెరగడం ఖాయం.. ఇంతకీ ఆ పువ్వు ఏదో తెలుసా?

పరిమితి ఎంత ఉంటుందో ఇంకా తెలియదు

నివేదిక ప్రకారం.. వాట్సాప్ ప్రస్తుతం ఈ పరిమితికి సంబంధించిన ఖచ్చితమైన సంఖ్యను ఇంకా నిర్ణయించలేదు. కంపెనీ వివిధ దేశాలలో వేర్వేరు పరిమితులతో టెస్టింగ్ చేస్తోంది. ఒక యూజర్ లేదా బిజినెస్ నిర్ణీత పరిమితికి చేరువైనప్పుడు, యాప్‌లో ఒక పాప్-అప్ నోటిఫికేషన్ కనిపిస్తుంది. హెచ్చరిక తర్వాత కూడా మెసేజ్‌లు పంపితే ఆ అకౌంట్‌ను కొంత సమయం వరకు కొత్త నంబర్‌లకు మెసేజ్ చేయకుండా నిరోధించవచ్చు.

త్వరలో ఫీచర్ రోల్‌అవుట్

ఈ ఫీచర్‌ను రాబోయే కొద్ది వారాల్లో అనేక దేశాలలో అమలు చేయనున్నట్లు వాట్సాప్ స్పష్టం చేసింది. ఈ చర్య కేవలం స్పామ్, ప్రమోషనల్ మెసేజ్‌లు పంపేవారి కోసం మాత్రమే కాబట్టి సాధారణ యూజర్లు ఆందోళన చెందాల్సిన అవసరం లేదని కంపెనీ తెలిపింది. ఈ ఫీచర్ వచ్చిన తర్వాత చాట్ లిస్ట్ మునుపటి కంటే మరింత క్లీన్‌గా, ఉపయోగకరంగా మారుతుంది.

వాట్సాప్‌లో నిరంతరం పెరుగుతున్న ప్రమోషనల్, స్పామ్ మెసేజ్‌ల సమస్య ఇకపై ముగియనుంది. కొత్త మంత్లీ మెసేజ్ క్యాప్ ఫీచర్ ద్వారా యూజర్లకు ఉపశమనం లభించడమే కాకుండా ఈ ప్లాట్‌ఫారమ్ మరింత నమ్మదగినదిగా, సురక్షితంగా అనిపిస్తుంది. కంపెనీ దీనిని క్రమంగా అనేక దేశాలలో ప్రారంభించడానికి సన్నాహాలు చేస్తోంది.

Follow us