Vivo T3 Lite 5G: మార్కెట్లోకి వివో సరికొత్త 5జీ స్మార్ట్ ఫోన్.. తక్కువ ధరకే ఎక్కువ ఫీచర్స్?

ప్రస్తుతం దేశవ్యాప్తంగా 5జీ నెట్వర్క్ నెమ్మదిగా విస్తరిస్తోంది. పట్టణం,పల్లెలు అని తేడా లేకుండా ప్రతి ఒక్క ప్రదేశంలో ఈ 5జీ నెట్వర్క్ పూర్తిస్థాయిలో అందుబాటులోకి వస్తోంది. ఈ 5జి నెట్వర్క్ విస్తరిస్తున్న తరుణంలో ప్రముఖ స్మార్ట్ ఫోన్ తయారీ సంస్థలు కూడా 5జీ ఫోన్‌లను పెద్ద ఎత్తున మార్కెట్లోకి విడుదల చేస్తున్నాయి. ఇందులో భాగంగానే తాజగా చైనాకు చెందిన స్మార్ట్‌ ఫోన్‌ దిగ్గజం వివో భారత మార్కెట్లోకి కొత్త ఫోన్‌ను లాంచ్‌ చేసింది. వివో టీ3 లైట్‌ పేరుతో ఈ 5జీ ఫోన్‌ను తీసుకొచ్చారు.

మరి తాజాగా విడుదల చేసిన ఈ స్మార్ట్ ఫోన్ కి సంబంధించి మరిన్ని వివరాల్లోకి వెళితే.. వివో టీ3 5జీ ఫోన్‌కు కొనసాగింపుగా టీ3 లైట్‌ ఫోన్‌ను లాంచ్‌ చేశారు. గురువారం ఈ ఫోన్‌ను భారత మార్కెట్లో ఆవిష్కరించారు. అయితే యూజర్లకు ఈ ఫోన్‌ జూలై 4వ తేదీ మధ్యాహ్నం 12 గంటల నుంచి అందుబాటులోకి రానుంది. ప్రముఖ ఈ కామర్స్‌ సంస్థ ఫ్లిప్‌కార్ట్‌తో పాటు వివో ఇండియా వెబ్‌సైట్, కొన్ని ఎంపిక చేసిన స్టోర్స్‌లో అందుబాటులోకి రానుంది. ఇకపోతే ఈ స్మార్ట్ ఫోన్ ధర విషయానికొస్తే.. వివో 4 జీబీ ర్యామ్‌, 128 జీబీ స్టోరేజ్‌ వేరియంట్‌ ధర ర. 10,499 కాగా, 6 జీబీ ర్యామ్‌, 128 జీబీ స్టోరేజ్‌ ధర రూ. 11499 గా నిర్ణయించారు.

లాంచింగ్ ఆఫరలో భాగంగా హెచ్డీఎఫ్సీ బ్యాంక్, ఐసీఐసీఐ బ్యాంక్, ఫ్లిప్ కార్ట్ యాక్సిస్ బ్యాంక్ క్రెడిట్ కార్డులపై రూ.500 ఇన్ స్టంట్ డిస్కౌంట్ అందిస్తోంది. అంటే ఈ లెక్కన ఈ 5జీ ఫోన్‌ ప్రారంభ వేరియంట్‌ను రూ. 9,999కే సొంతం చేసుకోవచ్చన్నమాట. ఇకపోతే వివో టీ3 లైట్‌ 5జీ ఫోన్‌ ఫీచర్ల విషయానికొస్తే.. ఇందులో 656 ఇంచెస్‌తో కూడిన హెచ్‌డీ+ ఎల్‌సీడీ స్క్రీన్‌ను అందించారు. 90 హెర్ట్జ్ రీఫ్రెష్ రేటుతోపాటు 840 నిట్స్ పీక్ బ్రైట్ నెస్‌ ఈ స్క్రీన్‌ సొంతం. ఈ ఫోన్‌ 6ఎన్ఎం ఒక్టాకోర్ మీడియాటెక్ డైమెన్సిటీ 6300 ఎస్వోసీ ప్రాసెసర్‌తో పని చేస్తోంది. ఇందులో ఆండ్రాయిడ్ 14 ఆపరేటింగ్ సిస్టమ్‌ను అందించారు. ఇక కెమెరా విషయానికొస్తే.. ఇందులో 50 మెగా పిక్సెల్స్‌ తో కూడిన ప్రైమరీ కెమెరాను అందించారు. అలాగే సెల్ఫీలు, వీడియో కాల్స్‌ కోసం ఇందులో 8 మెగా పిక్సెల్స్‌తో కూడిన ఫ్రంట్ కెమెరాను ఇచ్చారు. సెక్యూరిటీ పరంగా చూస్తే సైడ్ మౌంటెడ్ ఫింగర్ ప్రింట్ సెన్సర్‌ను అందించారు. బ్యాటరీ విషయానికొస్తే ఈ ఫోన్‌లో 5000 ఎమ్‌ఏహెచ్‌ బ్యాటరీని అందించారు. అలాగే ఐపీ64 రేటింగ్‌తో కూడిన వాటర్‌ రెసిస్టెంట్‌ను ఇచ్చారు.