Samsung Galaxy Z Fold6: ఈ ఫోన్ ధరతో సెకండ్ హ్యాండ్ కారు కొనుగోలు చేయవచ్చట.. ధర తెలిస్తే మైండ్ బ్లాక్ అవ్వాల్సిందే!

ప్రముఖ ఎలక్ట్రానిక్ దిగ్గిజం సాంసంగ్ సంస్థ ఇప్పటికే మార్కెట్లోకి ఎన్నో రకాల స్మార్ట్ ఫోన్లను తీసుకువచ్చిన విషయం తెలిసిందే. బడ్జెట్ స్మార్ట్ ఫోన్ ల నుంచి హై రేంజ్ వరకు చాలా రకాల స్మార్ట్ ఫోన్లను మార్కెట్లోకి విడుదల చేసింది. అందులో భాగంగానే ఇటీవలె గ్యాలక్సీ జెడ్ ఫోల్డ్‌6 పేరుతో కొత్త ఫోన్‌ను తీసుకొచ్చిన విషయం తెలిసిందే. ఈ స్మార్ట్‌ ఫోన్‌ లో అధునాతన ఫీచర్లను అందించారు. అయితే ఈ ఫోన్‌ ధరతో ఎంచక్కా ఒక సెకండ్ హ్యాండ్‌ కారునే కొనుగోలు చేయవచ్చు. దీని బడ్జెట్ ధర తెలిస్తే నిజంగా ఆ దిమ్మతిరగాల్సిందే. ఈ ఫోన్ ధరతో ఏకంగా సెకండ్ హ్యాండ్ కారు కొనుగోలు చేయవచ్చు అంటే ఈ ఫోన్ ధర ఎంత ఉంటుందో మీరే అంచనా వేయవచ్చు.

మరి ఇంతకీ ఈ ఫోన్లో ఎలాంటి ఫీచర్లను అందించారు ఈ ఫోన్ ధర ఎంత అన్న విషయానికి వస్తే.. సామ్‌సంగ్ గ్యాలక్సీ జెడ్‌ ఫోల్డ్‌6 స్మార్ట్‌ఫోన్‌.. 12జీబీ ర్యామ్‌, 1 టీబీ స్టోరేజ్‌ వేరియంట్‌ అక్షరాల రూ. 2,00,999 కావడం విశేషం. వినడానికి షాకింగ్ గా ఉన్న ఇది నిజం. ప్రస్తుతం ఈ ఫోన్‌ను పలు బ్యాంకు చెందిన కార్డులతో కొనుగోలు చేస్తే రూ. 15 వేల వరకు డిస్కౌంట్ లభిస్తోంది. ఈ స్మార్ట్ ఫోన్ సంబంధించిన ఫీచర్ల విషయానికొస్తే.. ఇది ఒక ఫోల్డ బుల్ స్మార్ట్ ఫోన్. ఇందులో స్నాప్‌ డ్రాగన్‌ 8 జెన్‌ 3 వంటి పవర్ ఫుల్‌ ప్రాసెసర్‌ ను అందించారు. ఆండ్రాయిడ్ 14 ఆపరేటింగ్‌ సిస్టమ్‌ తో పనిచేసే ఈ ఫోన్‌లో 2 లిథియం బ్యాటరీలను కూడా అందించారు. ఇకపోతే స్క్రీన్‌ విషయానికొస్తే..

ఈ ఫోన్‌ లో ఫోల్డబుల్ డైనమిక్‌ ఎల్‌టీపీఓ అమోఎల్‌ఈడీ డిస్‌ప్లేను కూడా అందించారు. 7.6 ఇంచెస్‌ తో కూడిన స్క్రీన్‌ ఈ ఫోన్‌ సొంతం అని చెప్పాలి. అలాగే 6.3 ఇంచెస్‌తో కూడిన కవర్‌ డిస్‌ప్లేను ఇచ్చారు. ఆండ్రాయిడ్ 14 ఆపరేటింగ్ సిస్టమ్‌తో పనిచేస్తుంది. ఇకపోతే కెమెరా విషయానికొస్తే.. ఇందులో 50 మెగా పిక్సెల్స్‌, 10 మెగా పిక్సెల్‌, 12 మెగా పిక్సెల్స్‌తో కూడిన ట్రిపుల్ రెయిర్‌ కెమెరా సెటప్‌ ను కూడా అందించారు. అలాగే సెల్ఫీలు, వీడియో కాల్స్‌ కోసం ఇందులో 10 మెగా పిక్సెల్స్‌తో కూడిన ఫ్రంట్ కెమెరాను ఇచ్చారు. సెక్యూరిటీ పరంగా చూస్తే సౌడ్‌ మౌంటెడ్ ఫింగర్‌ ప్రింట్ స్కానర్‌ను ఇచ్చారు.