Samsung Z Fold 6: మార్కెట్ లోకి శాంసంగ్ కొత్త ఫోల్డబుల్ ఫోన్.. ఫీచర్స్ మాములుగా లేవుగా?
సౌత్ కొరియాకు చెందిన ప్రముఖ స్మార్ట్ ఫోన్ తయారీ సంస్థ శాంసంగ్ ఇప్పటికే మార్కెట్లోకి ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే
- Author : Anshu
Date : 09-06-2024 - 1:12 IST
Published By : Hashtagu Telugu Desk
సౌత్ కొరియాకు చెందిన ప్రముఖ స్మార్ట్ ఫోన్ తయారీ సంస్థ శాంసంగ్ ఇప్పటికే మార్కెట్లోకి ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. వినియోగదారుల కోసం ఇప్పటికే మంచి మంచి స్మార్ట్ ఫోన్లను కూడా అందుబాటులోకి తీసుకువచ్చిన శాంసంగ్ సంస్థ ఎప్పటికప్పుడు మరిన్ని కొత్త కొత్త ఫీచర్ లు కలిగిన స్మార్ట్ ఫోన్ లను తీసుకువస్తూనే ఉంది. అలాగే ఇప్పటికీ మార్కెట్లోకి విడుదల చేసిన స్మార్ట్ ఫోన్ లపై భారీగా డిస్కౌంట్ ను కూడా ప్రకటిస్తోంది. ఇది ఇలా ఉంటే త్వరలో సామ్సంగ్ మార్కెట్లోకి కొత్త ఫోల్డ బుల్ ఫోన్ను లాంచ్ చేయబోతోంది.
సామ్సంగ్ జెడ్ ఫోల్డ్ 6 పేరుతో ఈ కొత్త ఫోన్ను తీసుకొస్తున్నారు. అయితే కంపెనీ ఇప్పటి వరకు ఈ ఫోన్కు సంబంధించి ఎలాంటి అధికారిక ప్రకటన చేయకపోయినప్పటికీ సోషల్ మీడియా కొన్ని ఫీచర్లు వైరల్ అవుతున్నాయి. మరి ఈ స్మార్ట్ ఫోన్ కి సంబంధించిన మరిన్ని ఫీచర్ల విషయానికొస్తే.. ఈ ఫోన్ జెడ్ ఫోల్డ్ సిరీస్లో భాగంగా గ్యాలక్సీ జెడ్ ఫ్లిప్ 6, జెడ్ ఫోల్డ్ 6 పేరుతో రెండు కొత్త ఫోన్లను లాంచ్ చేస్తోంది. నెట్టింట ఈ ఫోన్కు సంబంధించిన ఫొటోలు వైరల్ అవుతున్నాయి. వీటి ప్రకారం సామ్సంగ్ ఈ ఫోన్ను గ్యాలక్సీ ఎస్24 అల్ట్రా లుక్లో తీసుకొస్తున్నట్లు స్పష్టమవుతోంది.
అలాగే ఇందులో క్వాల్కమ్ స్నాప్డ్రాగన్ 8 జెన్ 3 ప్రాసెసర్ను అందించనున్నట్లు తెలుస్తోంది. అలాగే ఇందులో 12 జీబీ ర్యామ్తో పాటు 1 టీబీ వరకు స్టోరేజ్ కెపాసిటీతో ఫోన్ను తీసుకొస్తున్నట్లు సమాచారం. ఇకపోతే కెమెరా విషయానికొస్తే.. ఈ స్మార్ట్ ఫోన్లో 50 మెగా పిక్సెల్స్తో కూడిన రెయిర్ కెమెరాను ఇవ్వనున్నట్లు సమాచారం. ఇక ఈ ఫోన్ తో పాటు ఏడేళ్ల పాటు ఆండ్రాయిడ్ ఆపరేటింగ్ సిస్టమ్ అప్డేట్స్తో పాటు, సెక్యూరిటీ అప్డేట్లను అందించనున్నట్లు తెలుస్తోంది. సామ్సంగ్ జెడ్ ఫోల్డ్ 6 ఫోన్లో 6.7 ఇంచెస్తో కూడిన ఇంటర్నల్ ఫోల్డబుల్ డిస్ప్లేతో పాటు 3.4 ఇంచెస్తో కూడిన అవుటర్ ఓఎల్ఈడీ డిస్ప్లేను ఇవ్వనున్నట్లు తెలుస్తోంది. అలాగే ఈ ఫోన్లో 4000 ఎమ్ఏహెచ్తో కూడిన బ్యాటరీని ఇవ్వనున్నారు.
Follow us
