Realme Note 60: భారత మార్కెట్ లోకి మరో రియల్ మీ ఫోన్.. ప్రత్యేకతలు ఇవే!

ప్రముఖ స్మార్ట్ ఫోన్ తయారీ దిగ్గజ సంస్థ రియల్ మీ ఇప్పటికే మార్కెట్లోకి ఎన్నో రకాల స్మార్ట్ ఫోన్లను విడుదల చేసిన విషయం తెలిసిందే. వీటితో పాటు ఎప్పటికప్పుడు కొత్త కొత్త స్మార్ట్ ఫోన్ లను మార్కెట్లోకి విడుదల చేస్తూనే ఉంది. అంటే ఒక వైపు కొత్త కొత్త స్మార్ట్ ఫోన్లను విడుదల చేస్తూనే మరొకవైపు ఇప్పటికే మార్కెట్లోకి విడుదల చేసిన స్మార్ట్ ఫోన్ లపై భారీగా డిస్కౌంట్ ధరలను ప్రకటిస్తూ వినియోగదారులను విపరీతంగా ఆకర్షిస్తోంది. ఇది ఇలా ఉంటే ఇప్పుడు మరో సరికొత్త స్మార్ట్ ఫోన్ ని లాంచ్ చేయబోతోంది రియల్ మీ సంస్థ. ఆ వివరాల్లోకి వెళితే..

రియల్‌మీ నోట్‌60 పేరుతో ఈ ఫోన్‌ను భారత మార్కెట్లోకి లాంచ్ చేయనున్నారు. గత ఏడాది తీసుకొచ్చిన రియల్‌మీ నోట్‌50కి కొనసాగింపుగా రియల్‌మీ నోట్‌60 ఫోన్‌ ను తీసుకొస్తున్నారు. ఈ ఫోన్ ని ఆగస్టు 30వ తేదీన ఈ ఫోన్‌ను మార్కెట్లోకి లాంచ్‌ చేయనున్నారు. మరి త్వరలో విడుదల కానున్న ఈ రియల్‌మీ నోట్‌ 60 ఫీచర్ల విషయానికొస్తే.. ఇందులో 6.74 ఇంచెస్‌తో కూడిన డిస్‌ప్లేను ఇవ్వనున్నారు. 90 హెర్ట్జ్‌ రిఫ్రెష్‌ రేట్‌, రెయిన్‌ వాటర్‌ స్మార్ట్‌ టచ్‌ టెక్నాలజీని అందించారు. అలాగే ఈ స్మార్ట్ ఫోన్‌లో క్యాప్సూల్‌ 2.0 ఫీచర్‌ను ప్రత్యేకంగా అందించారు. ఇక బ్యాటరీ విషయానికొస్తే..

ఇందులో 5000 ఎంఏహెచ్‌ వంటి పవర్‌ఫుల్‌ వంటి బ్యాటరీని ఇవ్వనున్నారు. ఇది ఆక్టాకోర్‌ ప్రాసెసర్‌ తో పని చేస్తుంది. ఇకపోతే కెమెరా విషయానికొస్తే.. ఈ ఫోన్‌లో 32 మెగా పిక్సెల్స్‌ తో కూడిన రెయిర్‌ కెమెరాను అందించనున్నారు. ఈ ఫోన్‌ను 4జీబీ ర్యామ్ 64 జీబీ స్టోరేజీ, 6జీబీ ర్యామ్ 128 జీబీ స్టోరేజీ, 8 జీబీ ర్యామ్ 256 జీబీ స్టోరేజీ వంటి మొత్తం మూడు వేరియంట్స్‌ లో తీసుకొస్తున్నారు. అయితే ఈ స్మార్ట్ ఫోన్ ధరలకు సంబంధించిన వివరాలు ఇంకా తెలియాల్సి ఉంది. ఈ ఫోన్‌లో ఐపీ64 రేటెడ్‌ కూడిన డస్ట్‌, స్ల్పాష్‌ రెసిస్టెంట్‌ను అందించనున్నారు. ఈ ఫోన్‌ 7.84 ఎమ్‌ ఎమ్‌ వెడల్పు, 187 గ్రాముల బరువు ఉంటుంది. మరో రెండు రోజుల్లోనే ఈ స్మార్ట్ ఫోన్ అధికారికంగా మార్కెట్లోకి లాంచ్ కావడానికి సిద్ధంగా ఉంది..