Realme C63 5G: అద్భుతమైన ఫీచర్లతో ఆకట్టుకుంటున్న రియల్ మీ స్మార్ట్ ఫోన్.. ప్రత్యేకతలు ఇవే!

ప్రముఖ స్మార్ట్ ఫోన్ దిగ్గజం రియల్‌మీ సంస్థ ఇప్పటికే మార్కెట్ లోకి ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. వాటితో పాటు ఎప్పటికప్పుడు మార్కెట్లోకి అద్భుతమైన ఫీచర్లు కలిగిన స్మార్ట్ ఫోన్ లను విడుదల చేస్తూనే ఉంది. అందులో భాగంగానే రియల్‌మీ సి63 5జీ ఫోన్ ని తాజాగా భారత మార్కెట్లోకీ లాంచ్ చేసింది. రియల్‌మీ లేటెస్ట్ బడ్జెట్ 5జీ స్మార్ట్‌ఫోన్ మీడియాటెక్ డైమన్సిటీ 6300 5జీ చిప్‌సెట్‌తో రన్ అవుతుంది. మరి ఈ సరికొత్త స్మార్ట్ ఫోన్ కి సంబంధించి మరిన్ని వివరాల్లోకి వెళితే.. ఈ ఫోన్ 8జీబీ వరకు ర్యామ్, 128జీబీ ఇంటర్నల్ స్టోరేజీతో వస్తుంది. రియల్‌మీ సీ63 5జీ 10డబ్ల్యూ ఫాస్ట్ ఛార్జింగ్‌కు సపోర్టుతో 5,000mAh బ్యాటరీని కలిగి ఉంది. అలాగే ఈ స్మార్ట్ ఫోన్ మనకు రెండు కలర్ ఆప్షన్లలో లభించనుంది.

రియల్‌మీ మినీ క్యాప్షల్ 2.0 ఫీచర్‌ని కూడా కలిగి ఉంది. రియల్‌మీ సి63 5జీ ఐపీ64 రేటింగ్‌ను కూడా కలిగి ఉంది. ఇకపోతే ధర విషయానికి వస్తే.. రియల్‌మీ సి63 5జీ 4జీబీ ర్యామ్+ 128జీబీ స్టోరేజీ ఆప్షన్ ధర రూ. 10,999 కు అందిస్తోంది. 12జీబీ స్టోరేజ్‌తో 6జీబీ ర్యామ్, 8జీబీ ర్యామ్ వెర్షన్‌ల ధర వరుసగా రూ. 12,999, రూ. 11,999కు అందుబాటులో ఉన్నాయి. ఈ ఫోన్ లను ఫారెస్ట్ గ్రీన్, స్టార్రి గోల్డ్ కలర్ ఆప్షన్‌ లలో పొందవచ్చు. ఈ ఫోన్ ఫస్ట్ సేల్ ఆగస్ట్ 20 మధ్యాహ్నం 12:00 గంటలకు రియల్‌మీ ఇండియా వెబ్‌సైట్, ఫ్లిప్‌కార్ట్ ద్వారా ప్రారంభం అవుతుంది. పరిచయ ఆఫర్‌గా వినియోగదారులు రూ. 1000 ఎంచుకున్న బ్యాంక్ కార్డ్‌లతో ప్రారంభ ధర ట్యాగ్‌ని రూ. 9,999కు పొందవచ్చు. ఇకపోతే రియల్‌మీ సి63 5జీ స్పెసిఫికేషన్స్ విషయానికి వస్తే..

డ్యూయల్ సిమ్ రియల్‌మీ సి63 5జీ ఆండ్రాయిడ్ 14 ఆధారిత రియల్‌మీ యూఐ 5.0పై రన్ అవుతుంది. కంపెనీ ఫోన్ కోసం మూడు ఏళ్ల సెక్యూరిటీ అప్‌డేట్స్, రెండు ఏళ్ల సాఫ్ట్‌వేర్ అప్‌డేట్స్ అందిస్తోంది. 6.67-అంగుళాల హెచ్‌డీ+ డిస్‌ప్లే 120Hz వరకు రిఫ్రెష్ రేట్, 625నిట్స్ గరిష్ట ప్రకాశం, 89.97 శాతం స్క్రీన్ టు బాడీ రేషియో, 240Hz టచ్ శాంప్లింగ్ రేట్‌ను కలిగి ఉంది. మీడియాటెక్ డైమన్షిటీ 6300 5జీ చిప్‌సెట్‌తో పాటు 8జీబీ ర్యామ్ వరకు రన్ అవుతుంది. వర్చువల్ ర్యామ్ ఫీచర్ వినియోగదారులు ఆన్‌బోర్డ్ ర్యామ్‌ను 16జీబీ వరకు పెంచుకోవచ్చు. కాగా రియల్‌మీ సి63 5జీలో 32ఎంపీ ఏఐ బ్యాక్డ్ మెయిన్ రియర్ కెమెరాను అందిస్తుంది. ఫ్రంట్ సైడ్ సెల్ఫీలు, వీడియో చాట్‌లకు 8ఎంపీ కెమెరా ఉంది. మైక్రో ఎస్‌డీ కార్డ్‌ని ఉపయోగించి 2టీబీ వరకు విస్తరించుకోవచ్చు. 128జీబీ వరకు ఇంటర్నల్ స్టోరేజీతో వస్తుంది. కొత్త రియల్‌మి సి63 5జీలోని కనెక్టివిటీ ఆప్షన్లలో వై ఫై, బ్లూటూత్, జీపీఎస్, యూఎస్‌బీ టైప్ సి పోర్ట్ ఉన్నాయి.