HMD Skyline: మార్కెట్లోకి మరో సూపర్ స్మార్ట్ ఫోన్ విడుదల.. ఫీచర్స్ గురించి తెలిస్తే నోరెళ్ల బెట్టాల్సిందే?
భారత మార్కెట్లో రోజురోజుకీ స్మార్ట్ ఫోన్ వినియోగదారుల సంఖ్య పెరిగిపోతుండడంతో స్మార్ట్ ఫోన్ తయారీ సంస్థలు కూడా ఒకదానిని మించి ఒకటి అద్భుతమైన ఫీచర్లు కలిగిన స్మార్ట్ ఫోన్ లను మార్కెట్లోకి విడుదల చేస్తున్నాయి.
- Author : Anshu
Date : 15-07-2024 - 10:13 IST
Published By : Hashtagu Telugu Desk
భారత మార్కెట్లో రోజురోజుకీ స్మార్ట్ ఫోన్ వినియోగదారుల సంఖ్య పెరిగిపోతుండడంతో స్మార్ట్ ఫోన్ తయారీ సంస్థలు కూడా ఒకదానిని మించి ఒకటి అద్భుతమైన ఫీచర్లు కలిగిన స్మార్ట్ ఫోన్ లను మార్కెట్లోకి విడుదల చేస్తున్నాయి. ఇప్పటికే మార్కెట్లో కొన్ని వందల రకాల స్మార్ట్ ఫోన్లు చలామణి అవుతున్న విషయం తెలిసిందే. వీటితోపాటు ఎప్పటికప్పుడు కొత్త కొత్త స్మార్ట్ ఫోన్లు మార్కెట్లోకి విడుదల అవుతూనే ఉన్నాయి. ఇక త్వరలోనే మరో సూపర్ స్మార్ట్ ఫోన్ కూడా మార్కెట్లోకి విడుదల కానుంది. మరి ఆ వివరాల్లోకి వెళితే.. ప్రముఖ స్మార్ట్ఫోన్ తయారీ సంస్థ నోకియా మ్యానిఫ్యాక్చరింగ్ కంపెనీ హెచ్ఎండీ మార్కెట్లోకి కొత్త ఫోన్ను తీసుకొస్తోంది.
హెచ్ఎండీ స్కైలైన్ పేరుతో ఈ ఫోన్ను తీసుకురాబోతున్నారు. నోకియా లూమియా 920 రీడిజైనింగ్గా ఈ ఫోన్ను తీసుకొస్తున్నట్లు సమాచారం. అయితే హెచ్ఎండీ ఇప్పటి వరకు ఈ ఫోన్కు సంబంధించి ఎలాంటి అధికారిక ప్రకటన చేయలేదు. కానీ నెట్టింట ఈ ఫోన్కు సంబంధించి కొన్ని ఫీచర్లు తెగ వైరల్ అవుతున్నాయి. మరి ఆ వివరాల్లోకి వెళితే.. బెల్జియన్ రిటైలర్ వెబ్సైట్ లో లీక్ అయిన ఫోటోల ప్రకారం ఈ ఫోన్ ను ఆకర్షణీయమైన మోడల్ తో డిజైన్ చేసినట్లు తెలుస్తోంది. ఈ ఫోన్ లో రౌండ్గా మాడ్యూల్ ఇవ్వనున్నట్లు కూడా తెలుస్తోంది. ఇకపోతే ఫీచర్ల విషయానికొస్తే.. ఈ ఫోన్ లో ట్రిపుల్ కెమెరా రెయిర్ సెటప్ ను అందించనున్నారు. వెనకాల ఎల్ఈడీ ఫ్లాష్ ను కూడా ఇవ్వనున్నారు.
ఈ స్మార్ట్ ఫోన్ స్నాప్డ్రాన్ 7ఎస్ జెన్ 2 ప్రాసెసర్ ను అందించనున్నారు. ఇక స్క్రీన్ విషయానికొస్తే.. ఇందులో హెచ్డీ+ ఓఎల్ఈడీ డిస్ప్లేను ఇవ్వున్నారు. 120 హెచ్జెడ్ రిఫ్రెష్ రేట్ ఈ స్క్రీన్ సొంతం. కాగా కెమెరా విషయానికొస్తే.. ఈ స్మార్ట్ ఫోన్లో 108 మెగా పిక్సెల్స్ తో కూడిన రెయిర్ కెమెరాను అందించనున్నారు. ఈ ఫోన్ లో ఎక్సట్రా గా అల్ట్రా వైడ్ యాంగిల్ లెన్స్ కెమెరాను కూడా ఇచ్చారు. ఇక సెల్ఫీలు, వీడియో కాల్స్ కోసం ఇందులో 32 మెగాపిక్సెల్స్ తో కూడిన ఫ్రంట్ కెమెరాను సైతం అందిచనున్నారు. ఇకపోతే బ్యాటరీ విషయానికొస్తే.. ఇందులో 33 వాట్స్ ఫాస్ట్ ఛార్జింగ్ కు సపోర్ట్ చేసే 4900 ఎమ్ఏహెచ్ బ్యాటరీని అందించనున్నారు. దీంతో పాటు IP67 రేటింగ్తో కూడిన వాటర్ రెసిస్టెంట్ను కూడా అందించారు. ఈ స్మార్ట్ ఫోన్ కి సంబంధించిన ధర ఇంకా మరిన్ని వివరాలు ఇంకా తెలియాల్సి ఉంది.
Follow us
