Paid – Facebook – Instagram: ఇన్‌స్టాగ్రామ్, ఫేస్‌బుక్‌లలో ‘యాడ్ – ఫ్రీ సబ్‌స్క్రిప్షన్ ప్లాన్‌’!

Paid – Facebook – Instagram: ఇన్‌స్టాగ్రామ్, ఫేస్‌బుక్‌లను యాడ్స్ లేకుండా చూసే ఛాన్స్!!  ఇందుకోసం ‘యాడ్ – ఫ్రీ సబ్‌స్క్రిప్షన్ ప్లాన్‌’ అందుబాటులోకి వచ్చింది. నిర్ణీత రుసుమును చెల్లించి ఈ ప్లాన్‌ను కొనుగోలు చేస్తే.. యాడ్స్ లేకుండా ఇన్‌స్టాగ్రామ్, ఫేస్‌బుక్‌లను చూడొచ్చు. అయితే ఈ షరతు మన ఇండియా నెటిజన్స్ కోసం కాదు. యూరప్ దేశాల నెటిజన్స్ కోసం మాత్రమే!! యూరప్ దేశాల నెటిజన్స్ ఇకపైనా Facebook, Instagramలను ఫ్రీగా వాడుకోవచ్చు. అయితే వాటిలోని ఫీడ్‌లో న్యూస్, ఫ్రెండ్స్ పోస్టులతో పాటు యాడ్స్ కూడా వస్తాయి.

We’re now on WhatsApp. Click to Join.

‘యాడ్ – ఫ్రీ సబ్‌స్క్రిప్షన్ ప్లాన్‌’ను తీసుకుంటే యాడ్స్ గోల ఉండదు. టైం వేస్ట్ అయ్యే ఛాన్స్ కూడా ఉండదు. 18 ఏళ్లకు పైబడిన వారికే ఈ సబ్ స్క్రిప్షన్ చేసుకునే అవకాశం కల్పిస్తారు. ఫేస్‌బుక్, ఇన్‌స్టాగ్రామ్ యాప్‌ల మాతృసంస్థ ‘మెటా’ ఒక బ్లాగ్ పోస్ట్‌లో ఈవివరాలను వెల్లడించింది.నవంబరు 1 నుంచి యూరోపియన్ యూనియన్, యూరోపియన్ ఎకనామిక్ ఏరియా, స్విట్జర్లాండ్‌‌లలోని ఫేస్‌బుక్, ఇన్‌స్టాగ్రామ్ వినియోగదారులు ‘యాడ్ – ఫ్రీ సబ్‌స్క్రిప్షన్ ప్లాన్‌’ను కొనుగోలు చేయొచ్చని తెలిపింది. వెబ్‌ ప్లాట్‌ఫామ్‌లో సబ్ స్క్రిప్షన్ ప్లాన్ కోసం నెలకు రూ. 880, iOS, Android ప్లాట్‌ఫామ్‌లలో నెలకు రూ. 1,100 చొప్పున చెల్లించాల్సి(Paid – Facebook – Instagram) ఉంటుంది.

Also Read: Chandrababu : 52 రోజులు తర్వాత జైలు నుండి బయటకు వచ్చిన చంద్రబాబు..