Honor X9C: మార్కెట్లోకి విడుదలైన మరో కొత్త హానర్ స్మార్ట్ ఫోన్.. పూర్తి వివరాలు ఇవే!
హానర్ సంస్థ ఇప్పుడు మార్కెట్లోకి మరో అద్భుతమైన స్మార్ట్ ఫోన్ ని విడుదల చేసింది.
- By Anshu Published Date - 10:32 AM, Fri - 8 November 24
చైనాకు చెందిన ప్రముఖ స్మార్ట్ ఫోన్ దిగ్గజం హానర్ మార్కెట్ లోకి ఎన్నో స్మార్ట్ ఫోన్ లను విడుదల చేసిన విషయం తెలిసిందే. వినియోగదారులకు అందుబాటులో ఉండే విధంగా బడ్జెట్ ధరలోనే ఎప్పటికప్పుడు కొత్త కొత్త స్మార్ట్ ఫోన్ లను మార్కెట్లోకి విడుదల చేస్తూనే ఉంది హానర్ సంస్థ. ఈ నేపథ్యంలోనే మరో సరికొత్త స్మార్ట్ ఫోన్ ని మార్కెట్ లోకి లాంచ్ చేసింది. మరి ఆ వివరాల్లోకి వెలితే.. చైనాకు చెందిన స్మార్ట్ ఫోన్ తయారీ సంస్థ హానర్ మార్కెట్లోకి కొత్త ఫోన్‌ను తీసుకొచ్చింది.
హానర్ ఎక్స్‌9సీ పేరుతో లాంచ్ చేసిన ఈ ఫోన్ అమ్మకాలు ఇప్పటికే మలేషియాలో ప్రారంభం అయ్యాయి. అయితే త్వరలోనే భారత మార్కెట్లోకి ఈ ఫోన్‌ను తీసుకురానున్నారు. ఇకపోతే ఈ స్మార్ట్ ఫోన్ ధర విషయానికి వస్తే.. హానర్ ఎక్స్‌9సీ 12 జీబీ ర్యామ్‌, 256 జీబీ ఇంటర్నల్‌ స్టోరేజ్ వేరియంట్‌ ధర రూ. 28,700 కాగా 12 జీబీ ర్యామ్‌, 512 జీబీ స్టోరేజ్ ఏరియంట్‌ ధర రూ. 32,500గా నిర్ణయించారు. ఇక ఫీచర్ల విషయానికొస్తే ఈ ఫోన్లో 6.78 ఇంచెస్‌ తో కూడిన అమోఎల్‌ఈడీ స్క్రీన్‌ ను అందించారు. 1,224 x 2,700 పిక్సెల్‌ రిజల్యూషన్‌ ఈ స్క్రీన్‌ సొంతం అని చెప్పవచ్చు.
ఈ స్మార్ట్ పోన్‌ క్వాల్ కామ్ స్నాప్‌ డ్రాగన్ 6 జనరేషన్ 1 చిప్‌సెట్‌ తో ప్రాసెసర్‌ తో పనిచేస్తుంది. ఈ స్మార్ట్ ఫోన్ ఆండ్రాయిడ్‌ 14 బేస్డ్‌ మ్యాజిక్ ఓఎస్ 8.0తో పనిచేస్తుంది. కెమెరా విషయానికొస్తే ఈ స్మార్ట్ ఫోన్లో 108 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్పీలు, వీడియో కాల్స్‌ కోసం ఇందులో 16 మెగా పిక్సెల్స్‌తో కూడిన ఫ్రంట్‌ కెమెరాను అందించారు. హానర్ ఎక్స్‌ 9సీ స్మార్ట్ ఫోన్లో 66 వాట్స్‌ ఫాస్ట్‌ ఛార్జింగ్‌కు సపోర్ట్‌ చేసే 6600 ఎమ్‌ఏహెచ్‌ కెపాసిటీ గల బ్యాటరీని అందించారు. ఈ ఫోన్‌ను సియాన్‌, టైటానియం బ్లాక్‌, టైటానియం పర్పుల్‌ కలర్స్‌లో తీసుకొచ్చారు. డస్ట్, వాటర్ రెసిస్టెన్స్‌ కోసం ఐపీ65 రేటింగ్‌ను ఇచ్చారు.
