హైదరాబాద్‌లో అత్యంత వేగంగా అభివృద్ధి చెందుతున్న ఉద్యోగంగా ‘ఏఐ ఇంజనీర్’

'AI Engineer' is the fastest growing job in Hyderabad

. లింక్డ్‌ఇన్ ‘జాబ్స్ ఆన్ ది రైజ్ 2026’ నివేదిక వెల్లడి

. ఏఐ వినియోగం పట్ల ఆసక్తి ఉన్నా.. నియామకాలలో దాని పాత్రపై సందిగ్ధత

. ఉద్యోగ వేటను, రోల్ మ్యాచింగ్‌ను మెరుగుపరుస్తున్న లింక్డ్‌ఇన్ ఏఐ టూల్స్

AI Engineer: భారతదేశంలోని వృత్తి నిపుణులు మార్పు కోసం అధిక ఆశయంతో కొత్త సంవత్సరంలోకి అడుగుపెడుతున్నారు. లింక్డ్‌ఇన్ (LinkedIn) నుండి వచ్చిన కొత్త పరిశోధన ప్రకారం 2026లో 72% మంది కొత్త ఉద్యోగం కోసం చూస్తున్నారు. అయితే ఉద్యోగాలు చేయడానికి అవసరమైన నైపుణ్యాలను సాంకేతికత ఎంత వేగంగా మారుస్తోందనే దానిపై (38%) నేడు పెరుగుతున్న పోటీ మధ్య ఎలా నిలదొక్కుకోవాలో (37%) అనే విషయంలో మూడింట ఒక వంతు కంటే ఎక్కువ మంది సిద్ధంగా లేరని భావిస్తున్నారు. వృత్తి నిపుణులు ఈ అనిశ్చితిని అధిగమించడానికి సహాయపడటానికి లింక్డ్‌ఇన్ తన ‘జాబ్స్ ఆన్ ది రైజ్ 2026’జాబితాను విడుదల చేసింది. హైదరాబాద్‌లో టెక్నాలజీ మరియు ఇన్నోవేషన్‌లో నగరం యొక్క పెరుగుతున్న బలాన్ని ప్రతిబింబిస్తూ ‘ఏఐ ఇంజనీర్’ అత్యంత వేగంగా అభివృద్ధి చెందుతున్న ఉద్యోగ పాత్రగా (job role) ఉద్భవించింది. దీనికి మించి ఈ జాబితాలో మార్కెటింగ్ స్ట్రాటజిస్ట్ (#2), సొల్యూషన్స్ అనలిస్ట్ (#3), వైస్ ప్రెసిడెంట్ బిజినెస్ స్ట్రాటజీ (#4), హ్యూమన్ రిసోర్సెస్ రిప్రజెంటేటివ్ (#5) వంటి పాత్రలు ఉన్నాయి. నగరంలోని అభివృద్ధి చెందుతున్న జాబ్ మార్కెట్‌లో మార్కెటింగ్, బిజినెస్ స్ట్రాటజీ, పీపుల్ ఫంక్షన్స్ మరియు ప్రత్యేకమైన ప్రొఫెషనల్ రోల్స్‌లో వృద్ధిని ఇది హైలైట్ చేస్తుంది.

లింక్డ్‌ఇన్ ఇండియా న్యూస్, సీనియర్ మేనేజింగ్ ఎడిటర్ మరియు లింక్డ్‌ఇన్ కెరీర్ ఎక్స్‌పర్ట్ నిరజిత బెనర్జీ మాట్లాడుతూ..హైదరాబాద్ జాబ్ మార్కెట్ బహుళ-రంగాల హబ్‌గా నగరం యొక్క ఆవిర్భావానికి అద్దం పడుతోంది. అనుకూలత కలిగిన ప్రతిభావంతులకు డిమాండ్ పెరుగుతోంది. ఫంక్షన్స్ మరియు పరిశ్రమల అంతటా పాత్రలు మారుతున్నందున యజమానులు బహుముఖ ప్రజ్ఞకు ప్రాధాన్యత ఇస్తున్నారు. తమ డొమైన్ బలాలతో ఏఐ అక్షరాస్యతను జతచేసే  ప్రాజెక్ట్ పని ద్వారా ఫలితాలను ప్రదర్శించే మరియు బాధ్యతల విషయంలో అనువైనదిగా ఉండే నిపుణులు కొత్త అవకాశాలను పొందుతున్నారు. లింక్డ్‌ఇన్ పరిశోధన ప్రకారం భారతదేశంలోని 94% మంది నిపుణులు తమ ఉద్యోగ వేటలో ఏఐని ఉపయోగించడానికి సౌకర్యంగానే ఉన్నారు. కానీ నియామక ప్రక్రియలో ఏఐని ఉపయోగించినప్పుడు.. తమను తాము ఎలా ప్రత్యేకంగా నిలబెట్టుకోవాలో దాదాపు సగం మందికి (48%) తెలియదు. రిక్రూటర్ల దృష్టిని ఆకర్షించడంలో ఏఐ ఒక అడ్డంకిగా మారవచ్చని 54% మంది అభిప్రాయపడ్డారు. ఈ ఆందోళనలు ఉన్నప్పటికీ రిక్రూటర్ల నుండి కమ్యూనికేషన్‌ను మెరుగుపరచడంలో మరియు రిక్రూటర్-అభ్యర్థి మధ్య సంభాషణలలో ఉన్న అంతరాలను పరిష్కరించడంలో ఏఐ సహాయపడుతుందని 65% మంది విశ్వసిస్తున్నారు.

లింక్డ్‌ఇన్ విస్తృత శ్రేణి ఏఐ టూల్స్‌ను అందిస్తోంది. ఇందులో ‘ఏఐ-పవర్డ్ జాబ్ సెర్చ్’ ఒకటి. ఇది సభ్యులు తమ సొంత మాటల్లో ఉద్యోగాల కోసం వెతకడానికి వారు ఎప్పుడూ ఊహించని కొత్త పాత్రలను కనుగొనడానికి వీలు కల్పిస్తుంది. ఈ టూల్ ఇప్పుడు ఇంగ్లీష్, ఫ్రెంచ్, జర్మన్, స్పానిష్, పోర్చుగీస్ భాషలలో ప్రపంచవ్యాప్తంగా అందుబాటులోకి వస్తోంది. ప్రపంచవ్యాప్తంగా ఇప్పటికే 13 లక్షల (1.3 మిలియన్ల) కంటే ఎక్కువ మంది సభ్యులు దీనిని ప్రతిరోజూ ఉపయోగిస్తున్నారు. ఈ కొత్త జాబ్ సెర్చ్ అనుభవం ద్వారా వారానికి 2.5 కోట్ల (25 మిలియన్ల) పైగా సెర్చ్‌లు జరుగుతున్నాయి. మీరు సంబంధిత పాత్రలను కనుగొన్న తర్వాత మీ నైపుణ్యాలు మరియు అర్హతలకు ఏ పాత్రలు సరిపోతాయో చూడటానికి లింక్డ్‌ఇన్ యొక్క ‘జాబ్ మ్యాచ్’ ఫీచర్‌ను ఉపయోగించవచ్చు. తద్వారా మీరు సరిపోయే మరియు ఎంపికయ్యే అవకాశాలు ఎక్కువగా ఉన్న ఉద్యోగాలకు దరఖాస్తు చేసుకోవడంపై దృష్టి పెట్టవచ్చు.

హైదరాబాద్‌లో అత్యంత వేగంగా అభివృద్ధి చెందుతున్న టాప్ 10 ఉద్యోగాలు:

1. ఏఐ ఇంజనీర్ (AI Engineer)
2. మార్కెటింగ్ స్ట్రాటజిస్ట్ (Marketing Strategist)
3. సొల్యూషన్స్ అనలిస్ట్ (Solutions Analyst)
4. వైస్ ప్రెసిడెంట్ బిజినెస్ స్ట్రాటజీ (Vice President Business Strategy)
5. హ్యూమన్ రిసోర్సెస్ రిప్రజెంటేటివ్ (Human Resources Representative)
6. మర్చండైజర్ (Merchandiser)
7. ఇన్వెస్ట్‌మెంట్ బ్యాంకింగ్ అనలిస్ట్ (Investment Banking Analyst)
8. ఫైనాన్స్ స్పెషలిస్ట్ (Finance Specialist)
9. ప్రొక్యూర్మెంట్ స్పెషలిస్ట్ (Procurement Specialist)
10. సర్వీస్ డెలివరీ మేనేజర్ (Service Delivery Manager)

Follow us