MI vs KKR: నేడు ముంబై- కోల్కతా జట్ల మధ్య మ్యాచ్.. కేకేఆర్ ను రోహిత్ సేన ఓడించగలదా..?
ఇండియన్ ప్రీమియర్ లీగ్ 2023 22వ మ్యాచ్ ఆదివారం (ఏప్రిల్ 16) ముంబై ఇండియన్స్, కోల్కతా నైట్ రైడర్స్ (MI vs KKR) మధ్య జరగనుంది. ముంబైలోని చారిత్రాత్మక వాంఖడే స్టేడియంలో ఇరు జట్ల మధ్య ఈ మ్యాచ్ జరగనుంది.
- By Gopichand Published Date - 09:48 AM, Sun - 16 April 23
ఇండియన్ ప్రీమియర్ లీగ్ 2023 22వ మ్యాచ్ ఆదివారం (ఏప్రిల్ 16) ముంబై ఇండియన్స్, కోల్కతా నైట్ రైడర్స్ (MI vs KKR) మధ్య జరగనుంది. ముంబైలోని చారిత్రాత్మక వాంఖడే స్టేడియంలో ఇరు జట్ల మధ్య ఈ మ్యాచ్ జరగనుంది. రోహిత్ శర్మ జట్టుకు ఈ మ్యాచ్ కీలకం. గత మ్యాచ్లో ఢిల్లీ క్యాపిటల్స్పై గెలిచిన ముంబై ఇండియన్స్ జట్టు పూర్తి ఆత్మవిశ్వాసంతో ఉంది. కాగా, సన్రైజర్స్ హైదరాబాద్తో జరిగిన ఓటమి తర్వాత కోల్కతా జట్టు తిరిగి విన్నింగ్ ట్రాక్లోకి రావాలని కోరుకుంటోంది.
ఐపీఎల్ 2023లో కోల్కతా నైట్ రైడర్స్ మంచి ప్రదర్శన చేసింది. పంజాబ్ కింగ్స్తో జరిగిన ఓపెనర్ మ్యాచ్లో ఓడిపోయిన కోల్కతా వరుసగా రెండు మ్యాచ్లు గెలిచి అద్భుతంగా పునరాగమనం చేసింది. ఈ సమయంలో రాయల్ ఛాలెంజర్స్ బెంగళూరు, గుజరాత్ టైటాన్స్లను ఓడించింది. అయితే ఏప్రిల్ 14న సన్రైజర్స్ హైదరాబాద్పై ఓటమి చవిచూడాల్సి వచ్చింది. కాగా ముంబై జట్టు 3 మ్యాచ్ల్లో 2 ఓడిపోయింది. ఇరుజట్ల మధ్య మ్యాచ్ ఆదివారం సాయంత్రం 3. 30 గంటలకు మొదలుకానుంది.
Also Read: PBKS beat LSG: లక్నోకు పంజాబ్ పంచ్.. ఉత్కంఠ పోరులో కింగ్స్ విజయం
పిచ్ రిపోర్ట్
ముంబైలోని వాంఖడే స్టేడియంలోని పిచ్ బ్యాట్స్మెన్కు అనుకూలమైనదిగా పరిగణించబడుతుంది. ఇక్కడ బ్యాట్పై కొత్త బంతి సులభంగా వస్తుంది. చివరి మ్యాచ్లో చెన్నై సూపర్ కింగ్స్ 158 పరుగుల లక్ష్యాన్ని సులభంగా ఛేదించింది. స్పిన్నర్లు ఇక్కడ ప్రభావవంతంగా ఉంటారు. గత మ్యాచ్లో పడిన 10 వికెట్లలో 7 వికెట్లు స్పిన్నర్లకే దక్కాయి. ముంబై-కోల్కతా మ్యాచ్లో టాస్ గెలిచిన జట్టు ముందుగా బ్యాటింగ్ చేయనుంది.
ఐపీఎల్ 2023లో ముంబై ఇండియన్స్ జట్టు శుభారంభం చేయడంలో విఫలమైంది. తొలి రెండు మ్యాచ్ల్లో ఓటమి చవిచూడాల్సి వచ్చింది. చివరి మ్యాచ్లో ఢిల్లీ క్యాపిటల్స్పై ముంబై 16వ సీజన్లో తొలి విజయాన్ని నమోదు చేసింది. మరోవైపు కోల్కతా నైట్ రైడర్స్ ఆటతీరు అద్భుతంగా ఉంది. KKR 4 మ్యాచ్లలో 2 గెలిచింది. 2 ఓడింది. అయితే ఢిల్లీపై గెలిచిన తర్వాత ముంబై ఊపందుకుంది. ఈ మ్యాచ్ ముంబై హోమ్ గ్రౌండ్లో జరగనుంది. అందువల్ల కోల్కతాతో జరిగే ఈ మ్యాచ్లో ముంబై జట్టు విజయం సాధించే అవకాశం ఉంది. ఐపీఎల్ చరిత్రలో ఇప్పటివరకు ఇరుజట్ల మధ్య 31 మ్యాచ్ లు జరగగా అందులో ముంబై జట్టు 22 మ్యాచ్ లు గెలవగా..కోల్కతా 9 మ్యాచ్ లలో మాత్రమే విజయం సాధించింది.
Related News
LSG vs MI: హార్దిక్ పాండ్యాకు 24 లక్షల జరిమానా
ముంబై ఇండియన్స్ కెప్టెన్ హార్దిక్ పాండ్యా చిక్కుల్లో పడ్డాడు. మంగళవారం లక్నో సూపర్జెయింట్స్తో జరిగిన మ్యాచ్లో ముంబై ఇండియన్స్ స్లో ఓవర్ రేట్ కారణంగా కెప్టెన్ హార్దిక్ పాండ్యాకు రూ. 24 లక్షల జరిమానా పడింది.