Wahab Riaz Retire: పాకిస్థాన్ కు బిగ్ షాక్.. క్రికెట్ నుంచి రిటైర్మెంట్ ప్రకటించిన పాక్ ఫాస్ట్ బౌలర్
పాకిస్థాన్ ఫాస్ట్ బౌలర్ వహాబ్ రియాజ్ (Wahab Riaz Retire) అంతర్జాతీయ క్రికెట్‌కు రిటైర్మెంట్ ప్రకటించాడు. అయితే, అతను ఫ్రాంచైజీ క్రికెట్‌లో మాత్రం ఆడనున్నాడు.
- By Gopichand Published Date - 01:24 PM, Wed - 16 August 23
Wahab Riaz Retire: పాకిస్థాన్ ఫాస్ట్ బౌలర్ వహాబ్ రియాజ్ (Wahab Riaz Retire) అంతర్జాతీయ క్రికెట్‌కు రిటైర్మెంట్ ప్రకటించాడు. అయితే, అతను ఫ్రాంచైజీ క్రికెట్‌లో మాత్రం ఆడనున్నాడు. అయితే, తక్షణమే తన 15 ఏళ్ల అంతర్జాతీయ కెరీర్‌ను ముగించాలని నిర్ణయం తీసుకున్నాడు. పాకిస్థాన్ జట్టు లెఫ్టార్మ్ ఫాస్ట్ బౌలర్ వహాబ్ రియాజ్ ఆగస్టు 16న ట్వీట్ చేసి అంతర్జాతీయ క్రికెట్‌కు రిటైర్మెంట్ గురించిన సమాచారాన్ని అభిమానులతో పంచుకున్నాడు. 38 ఏళ్ల వహాబ్ ప్రపంచవ్యాప్తంగా జరిగే టీ20 లీగ్‌లలో ఇంకా ఆడటం కొనసాగిస్తానని చెప్పాడు. వాహబ్ పాకిస్థాన్ తరఫున 91 వన్డేలు, 27 టెస్టులు, 36 టీ20లు ఆడాడు.
వహాబ్ రియాజ్ తన అంతర్జాతీయ కెరీర్‌లో మూడు ఫార్మాట్లలో కలిపి మొత్తం 237 వికెట్లు పడగొట్టాడు. వహబ్ 2020లో పాకిస్థాన్ జట్టు తరపున తన చివరి అంతర్జాతీయ మ్యాచ్ ఆడాడు. టీ20 లీగ్‌ల గురించి మాట్లాడుకుంటే.. వహబ్ ఈ ఏడాది మార్చి నెలలో పాకిస్థాన్ సూపర్ లీగ్‌లో ఆడాడు. అంతర్జాతీయ క్రికెట్‌కు వీడ్కోలు చెప్పడంతో పాటు, 2023 సంవత్సరంలో అంతర్జాతీయ క్రికెట్‌కు వీడ్కోలు పలుకుతానని గత 2 సంవత్సరాలుగా రిటైర్మెంట్ ప్లాన్ చేస్తున్నాను అని వహాబ్ తన ప్రకటనలో తెలిపాడు. పాకిస్థాన్ తరఫున అంతర్జాతీయ క్రికెట్‌లో ఆడడం నాకు గర్వకారణం. ఇప్పుడు నేను ఫ్రాంచైజీ క్రికెట్‌లో ఆడటం కొనసాగిస్తాను అని ట్వీట్ లో పేర్కొన్నాడు.
🏏 Stepping off the international pitch
🌟 After an incredible journey, I've decided to retire from international cricket. Big thank you to PCB, my family, coaches, mentors, teammates, fans, and everyone who supported me. 🙏
Exciting times ahead in the world of franchise…
— Wahab Riaz (@WahabViki) August 16, 2023
భారత్‌తో జరిగిన ప్రపంచకప్ సెమీఫైనల్లో 5 వికెట్లు తీశాడు
2011 వన్డే ప్రపంచకప్ సెమీఫైనల్లో మొహాలీ మైదానంలో భారత్-పాకిస్థాన్ జట్లు తలపడగా ఆ మ్యాచ్‌లో పాక్ జట్టు ఓటమిని చవిచూడాల్సి వచ్చినప్పటికీ.. వహాబ్ రియాజ్ తన బౌలింగ్‌తో అందరినీ ఆకట్టుకున్నాడు.మొత్తం 5 వికెట్లు తీశాడు. వహాబ్ వన్డేల్లో 3 హాఫ్ సెంచరీ ఇన్నింగ్స్‌తో పాటు 120 వికెట్లు సాధించాడు. మరోవైపు టెస్టుల్లో 83 వికెట్లు, టీ20ల్లో 34 వికెట్లు తీశాడు. వహాబ్ పాకిస్థాన్ తరపున 2011, 2015, 2019 ప్రపంచకప్‌లు ఆడాడు.
