Virat Kohli Century: బంగ్లాపై విరాట్ కోహ్లీ సెంచరీ.. పలు రికార్డులు బద్దలు..!
ప్రపంచకప్ 2023లో 17వ మ్యాచ్‌లో బంగ్లాదేశ్‌ను భారత్ 7 వికెట్ల తేడాతో ఓడించింది. పుణె వేదికగా జరిగిన మ్యాచ్‌లో టీమిండియా తరుపున విరాట్ కోహ్లీ (Virat Kohli Century) రికార్డు బద్దలు కొట్టాడు.
- By Gopichand Published Date - 08:33 AM, Fri - 20 October 23
Virat Kohli Century: ప్రపంచకప్ 2023లో 17వ మ్యాచ్‌లో బంగ్లాదేశ్‌ను భారత్ 7 వికెట్ల తేడాతో ఓడించింది. పుణె వేదికగా జరిగిన మ్యాచ్‌లో టీమిండియా తరుపున విరాట్ కోహ్లీ (Virat Kohli Century) రికార్డు బద్దలు కొట్టాడు. 6 ఫోర్లు, 4 సిక్సర్ల సాయంతో అజేయంగా 103 పరుగులు చేశాడు. ప్రపంచకప్‌లో ఒక జట్టుపై రెండు లేదా అంతకంటే ఎక్కువ సెంచరీలు చేయడంలో కోహ్లి.. సౌరవ్ గంగూలీ, సచిన్ టెండూల్కర్‌లతో సమాన స్థాయికి చేరుకున్నాడు. దీంతో కోహ్లీ ఈ ప్రత్యేక జాబితాలో కూడా చోటు దక్కించుకున్నాడు.
We’re now on WhatsApp. Click to Join.
ప్రపంచకప్‌లో ఒకే జట్టుపై అత్యధిక సెంచరీలు సాధించిన ఆటగాళ్లలో సచిన్, గంగూలీలతో సమానంగా కోహ్లీ నిలిచాడు. కెన్యాపై సచిన్ రెండు సెంచరీలు సాధించాడు. సౌరవ్ గంగూలీ కూడా రెండు సెంచరీలు కూడా సాధించాడు. బంగ్లాదేశ్‌పై రోహిత్ శర్మ, విరాట్ కోహ్లీ చెరో రెండు సెంచరీలు చేశారు. ప్రపంచకప్‌లో భారత్ తరఫున అత్యధిక సెంచరీలు సాధించిన జాబితాలో కోహ్లి ఉమ్మడి నాలుగో స్థానానికి చేరుకున్నాడు. కోహ్లి మూడు సెంచరీలు చేశాడు. శిఖర్ ధావన్ కూడా 3 సెంచరీలు చేశాడు. ఈ విషయంలో రోహిత్ శర్మ అగ్రస్థానంలో ఉన్నాడు. అతను 7 సెంచరీలు చేశాడు. సచిన్ టెండూల్కర్ 6 సెంచరీలు చేశాడు. సౌరవ్ గంగూలీ 4 సెంచరీలు చేశాడు.
Also Read: Kohli Says Sorry: రవీంద్ర జడేజాకు క్షమాపణలు చెప్పిన విరాట్ కోహ్లీ.. ఎందుకో తెలుసా..?
బంగ్లాదేశ్‌తో జరిగిన మ్యాచ్‌లో కోహ్లీ మరో రికార్డు సృష్టించాడు. పూణెలోని ఎంసీఏ స్టేడియంలో 500 పరుగులు పూర్తి చేశాడు. కోహ్లీ ఇక్కడ 551 పరుగులు చేశాడు. ఢాకాలోని మీర్‌పూర్‌లో 800 పరుగులు చేశాడు. వన్డేల్లో ఏ మైదానంలోనైనా కోహ్లీకి ఇదే అత్యధిక స్కోరు. కొలంబోలోని ఆర్పీఎస్ స్టేడియంలో అతను 644 పరుగులు చేశాడు. ముందుగా బ్యాటింగ్ చేసిన బంగ్లాదేశ్ నిర్ణీత 50 ఓవర్లలో 8 వికెట్ల నష్టానికి 256 పరుగులు చేసింది. అనంతరం బ్యాటింగ్‌కు దిగిన భారత్ 41.3 ఓవర్లలో 3 వికెట్ల నష్టానికి 261 పరుగులు చేసింది. కోహ్లితో పాటు శుభ్‌మన్ గిల్ కూడా అర్ధ సెంచరీ సాధించి విజయంలో కీలక పాత్ర పోషించాడు.
