Yo-Yo Test: టీమిండియా ఆటగాళ్లకు యో-యో టెస్టు.. 17.2 పాయింట్లతో అగ్రస్థానంలో విరాట్ కోహ్లీ..!

Compressjpeg.online 1280x720 Image (1) 11zon

Yo-Yo Test: ఆసియా కప్ 2023కి ముందు బెంగళూరులోని ఆలూర్ క్రికెట్ గ్రౌండ్‌లో ఆగస్టు 24 నుంచి భారత ఆటగాళ్ల కోసం 6 రోజుల ప్రాక్టీస్ క్యాంప్ ప్రారంభమైంది. ఈ శిబిరం మొదటి రోజు రాబోయే టోర్నమెంట్ కోసం ఎంపిక చేసిన 17 మంది సభ్యుల జట్టులో చేర్చబడిన ఆటగాళ్ల ఫిట్‌నెస్ పరీక్ష జరిగింది. ఇందులో లోకేష్ రాహుల్ మినహా అందరూ పాల్గొన్నారు. జట్టులోని ఆటగాళ్లందరూ యో-యో టెస్టు (Yo-Yo Test)లో ఉత్తీర్ణులవ్వగా, విరాట్ కోహ్లీ (Virat Kohli) 17.2 పాయింట్లతో అగ్రస్థానంలో నిలిచాడు.

భారత క్రికెట్ నియంత్రణ మండలి (బీసీసీఐ) నిర్దేశించిన ప్రమాణాల ప్రకారం యో-యో టెస్టులో ఉత్తీర్ణత సాధించాలంటే ఒక ఆటగాడు తప్పనిసరిగా 16.5 పాయింట్లు సాధించాలి. ఈ యో-యో టెస్టులో కెప్టెన్ రోహిత్ శర్మ, వైస్ కెప్టెన్ హార్దిక్ పాండ్యా కూడా ఉత్తీర్ణులయ్యారు. ఫిట్‌నెస్ పరీక్షలో అందరూ విజయవంతమయ్యారని, త్వరలోనే నివేదికను బీసీసీఐకి పంపుతామని పీటీఐకి ఇచ్చిన ప్రకటనలో ఒక మూలం తెలిపింది. జస్ప్రీత్ బుమ్రా, ప్రసిద్ కృష్ణ, సంజు శాంసన్, తిలక్ వర్మ ఆగస్టు 25న ఈ క్యాంపులో చేరనున్నారు.

ఈ ఆటగాళ్లందరూ ఇటీవల ఐర్లాండ్‌తో ముగిసిన 3-మ్యాచ్‌ల T20I సిరీస్‌లో భారత జట్టులో ఉన్నారు. ఈ కండిషనింగ్ క్యాంప్‌లో మొదటి రోజు ఆటగాళ్లందరి ఫిట్‌నెస్ పరీక్ష తర్వాత, ఇప్పుడు రెండవ రోజు అవుట్‌డోర్ ప్రాక్టీస్ ప్రారంభించబడుతుంది. ఇందులో మ్యాచ్ వివిధ పరిస్థితులకు అనుగుణంగా బ్యాట్స్ మెన్ ప్రాక్టీస్ చేయనున్నారు.

Also Read: Prize Money: చెస్ ప్రపంచ కప్‌ ప్రైజ్ మనీ ఎంతో తెలుసా..? రన్నరప్ గా నిలిచిన ప్రజ్ఞానందకి ప్రైజ్ మనీ ఎంతంటే..?

కేఎల్ రాహుల్ యో-యో టెస్ట్ తీసుకోలేదు

ఆసియా కప్‌లో చోటు దక్కించుకున్న కేఎల్ రాహుల్ ఇంకా పూర్తి ఫిట్‌గా లేడని చీఫ్ సెలక్టర్ అజిత్ అగార్కర్ ఇప్పటికే స్పష్టం చేశారు. ఇటువంటి పరిస్థితిలో రాహుల్ ఆసియా కప్ లో ప్రారంభ మ్యాచ్‌లకు దూరం కానున్నాడు. KL రాహుల్ కూడా ఈ కండిషనింగ్ క్యాంప్‌లో భాగమే కానీ అతని యో-యో టెస్ట్ తీసుకోలేదు. రాహుల్ ఫిట్‌నెస్‌ను దృష్టిలో ఉంచుకుని సంజూ శాంసన్ బ్యాకప్ ప్లేయర్‌గా ఎంపికయ్యాడు.

Follow us