పిజ్జా వదిలేసి.. మటన్ ప్రియుడిగా మారిన టీమిండియా యంగ్ క్రికెటర్!
ప్రస్తుతం క్రికెట్ ప్రపంచంలో వైభవ్ సూర్యవంశీ పేరు మారుమోగిపోతోంది. ఐపీఎల్, అండర్-19, లిస్ట్-ఏ వంటి అన్ని ఫార్మాట్లలోనూ అతను అదరగొడుతున్నాడు.
- Author : Gopichand
Date : 26-12-2025 - 4:45 IST
Published By : Hashtagu Telugu Desk
Vaibhav Suryavanshi: రాజస్థాన్ రాయల్స్ జట్టు వైభవ్ సూర్యవంశీని రూ. 1 కోటి కంటే ఎక్కువ ధరకు కొనుగోలు చేసినప్పుడు అతని పేరు మొదటిసారిగా వెలుగులోకి వచ్చింది. అప్పట్లో అతని ఆట కంటే అతని వయస్సు గురించి ఎక్కువగా చర్చ జరిగింది. ఎందుకంటే అప్పటికి అతని వయస్సు కేవలం 13 ఏళ్లు మాత్రమే. అతను ఐపీఎల్లో అడుగుపెట్టినప్పుడు 14 ఏళ్లు. తన అరంగేట్రం సీజన్లోనే అనేక రికార్డులను సృష్టించాడు. అందులో ముఖ్యంగా టీ20ల్లో సెంచరీ సాధించిన అతి పిన్న వయస్కుడైన బ్యాటర్గా రికార్డు నెలకొల్పాడు.
విజయ్ హజారే ట్రోఫీలో చారిత్రాత్మక ఇన్నింగ్స్
బుధవారం జరిగిన విజయ్ హజారే ట్రోఫీ తొలి మ్యాచ్లో బీహార్ తరపున ఆడుతూ వైభవ్ సూర్యవంశీ 190 పరుగుల అద్భుత ఇన్నింగ్స్ ఆడాడు. దీని ద్వారా లిస్ట్-ఏ క్రికెట్లో సెంచరీ చేసిన అతి పిన్న వయస్కుడిగా రికార్డు సృష్టించాడు. అంతేకాకుండా అతి తక్కువ బంతుల్లో 150 పరుగులు పూర్తి చేసిన విషయంలో లెజెండరీ ఆటగాడు ఏబీ డివిలియర్స్ రికార్డును కూడా అతను బద్దలు కొట్టాడు.
Also Read: 2027 వన్డే వరల్డ్ కప్కు విరాట్ కోహ్లీ సిద్ధం: కోచ్
ఆహారం, ఫిట్నెస్: పిజ్జా వదిలేసి.. మటన్ ప్రియుడిగా!
వైభవ్ చిన్ననాటి కోచ్ తెలిపిన వివరాల ప్రకారం.. వైభవ్కు మాంసాహారం అంటే చాలా ఇష్టం. ముఖ్యంగా చికెన్, మటన్. మటన్ అతని ఫేవరెట్ వంటకం. ఒకప్పుడు అతను కూడా మిగతా పిల్లల్లాగే పిజ్జాను ఇష్టపడేవాడు. కానీ క్రికెట్ పట్ల ఉన్న అంకితభావం, ఫిట్నెస్ కారణంగా ఇప్పుడు పిజ్జా తినడం పూర్తిగా మానేశాడు.
చిన్న వయస్సులోనే పెద్ద విజయాలు
ప్రస్తుతం క్రికెట్ ప్రపంచంలో వైభవ్ సూర్యవంశీ పేరు మారుమోగిపోతోంది. ఐపీఎల్, అండర్-19, లిస్ట్-ఏ వంటి అన్ని ఫార్మాట్లలోనూ అతను అదరగొడుతున్నాడు.
- ఫస్ట్ క్లాస్ క్రికెట్: 8 మ్యాచ్ల్లో 207 పరుగులు.
- లిస్ట్ ఏ క్రికెట్: 7 మ్యాచ్ల్లో 322 పరుగులు.
- ఐపీఎల్ (రాజస్థాన్ రాయల్స్): తన మొదటి సీజన్లో 7 ఇన్నింగ్స్ల్లో 206.55 స్ట్రైక్ రేట్తో 252 పరుగులు సాధించాడు.
Follow us
