Steve Smith: కమిన్స్ దూరం.. 4వ టెస్టుకు కూడా స్మితే కెప్టెన్.. !

ఆస్ట్రేలియన్ టెస్టు జట్టు రెగ్యులర్ కెప్టెన్ పాట్ కమిన్స్ కూడా నాలుగో, చివరి టెస్టుకు దూరమయ్యాడు. అతని గైర్హాజరీలో స్టీవ్ స్మిత్ (Steve Smith) నాలుగో టెస్టులో ఆస్ట్రేలియా జట్టుకు సారథ్యం వహించనున్నాడు. ఆస్ట్రేలియా క్రికెట్ జట్టుకు మళ్లీ సారథ్యం వహించాలని తాను కోరుకోవడం లేదని స్మిత్ ఒకసారి చెప్పాడు, అయితే ఇప్పుడు 33 ఏళ్ల అతను మార్చి 9 నుండి అహ్మదాబాద్‌లో జరిగే నాల్గవ టెస్టులో మళ్లీ బాధ్యతలు చేపట్టాల్సి ఉంటుంది. అనారోగ్యంతో బాధపడుతున్న తన తల్లిని చూసుకోవడానికి ఢిల్లీలో జరిగిన రెండో టెస్టు తర్వాత స్వదేశానికి తిరిగి వెళ్లిన రెగ్యులర్ కెప్టెన్ పాట్ కమ్మిన్స్ సిడ్నీలోనే ఉన్నాడు. ప్రస్తుతానికి అనారోగ్యంతో ఉన్న తన తల్లితో ఇంట్లోనే ఉంటున్నాడు. ఈ విషయాన్ని cricket.com.au ధృవీకరించింది.

బోర్డర్-గవాస్కర్ ట్రోఫీలో భాగంగా జరిగే నాలుగో టెస్టుకు కూడా స్టీవ్ స్మితే కెప్టెన్సీ చేయనున్నట్లు క్రికెట్ ఆస్ట్రేలియా ధ్రువీకరించింది. ఈ సిరీస్‌లో రెండు టెస్టులు ఆడిన కమిన్స్ మూడో టెస్టుకు దూరమయ్యాడు. తన తల్లి ఆరోగ్యం ఇంకా బాగుపడకపోవడంతో అతడు నాలుగో టెస్టుకు కూడా దూరమయ్యాడు. నాలుగో టెస్టు మార్చి 9 నుంచి జరగనుంది.

Also Read: Ahmedabad Pitch: అహ్మదాబాద్‌ పిచ్‌ రిపోర్ట్ క్యా హై?

మూడో టెస్టులో స్మిత్ తాత్కాలిక కెప్టెన్‌గా వ్యవహరించాడు. ఇండోర్‌లో మూడో రోజు ఆటలో పర్యాటక జట్టు తొమ్మిది వికెట్ల తేడాతో విజయం సాధించింది. ఇండోర్‌లో విజయంతో జూన్‌లో లండన్‌లోని ఓవల్‌లో జరిగే ప్రపంచ టెస్ట్ ఛాంపియన్‌షిప్‌లో ఆస్ట్రేలియా కూడా ఫైనల్‌కు అర్హత సాధించింది. ఆఖరి టెస్టు తర్వాత మూడు వన్డేల సిరీస్ జరగనుంది. ఈ సిరీస్‌లో కమిన్స్ ఆడటంపై తర్వాత నిర్ణయం తీసుకోనున్నారు. మార్చి 17 నుంచి ప్రారంభమయ్యే ODI సిరీస్ కోసం ఆస్ట్రేలియా జట్టులో గాయపడిన J రిచర్డ్‌సన్ స్థానంలో ఫాస్ట్ బౌలర్ నాథన్ ఎల్లిస్‌ని చేర్చినట్లు Cricket.com.au నివేదించింది.

ఆసీస్ కోచ్ మాట్లాడుతూ.. కమ్మిన్స్ ఆస్ట్రేలియాలోనే ఉన్నారని, అయితే ఆటగాళ్లతో సంప్రదింపులు జరుపుతున్నాడని చెప్పాడు. కష్ట సమయాల్లో ఆటగాళ్లతో పాటు వారి కుటుంబాలకు అండగా ఉంటానని చెప్పాడు. స్మిత్ 2014 నుండి 2018 వరకు ఆస్ట్రేలియాకు కెప్టెన్‌గా ఉన్నాడు. అయితే దక్షిణాఫ్రికాలో బాల్ ట్యాంపరింగ్ తర్వాత అతని కెప్టెన్సీ నుండి తొలగించబడ్డాడు. ఆ తర్వాత, నవంబర్ 2021లో కమిన్స్ కెప్టెన్ అయిన తర్వాత, అతను అతనికి సహాయకుడిగా ఉన్నాడు. స్టీవ్ స్మిత్ భారత్‌లో చివరి టెస్ట్ సిరీస్ ఆడినప్పుడు అతను బ్యాట్‌తో అత్యధికంగా 499 పరుగులు చేశాడు. ఈ టెస్టు సిరీస్‌లో స్మిత్ విఫలమయ్యాడు. 5 ఇన్నింగ్స్‌ల్లో అతను 24.25 సగటుతో 97 పరుగులు మాత్రమే చేయగలిగాడు. ఇలాంటి పరిస్థితుల్లో చివరి టెస్టు మ్యాచ్‌లో అతడి నుంచి భారీ ఇన్నింగ్స్‌ని ఆశిస్తున్నారు.