Smaran Ravichandran: ఆడమ్ జంపా ప్లేస్లో యంగ్ ప్లేయర్.. హైదరాబాద్లోకి కొత్త ఆటగాడు?
ఐపీఎల్లో ఇప్పటివరకు SRH ప్రయాణం పెద్దగా ఆకట్టుకోలేదు. జట్టు కేవలం రెండు మ్యాచ్లలోనే విజయం సాధించింది. అంతేకాకుండా జట్టు స్టార్ లెగ్ స్పిన్నర్ ఆడమ్ జంపా గాయం కారణంగా టోర్నమెంట్ నుంచి తప్పుకున్నాడు.
- Author : Gopichand
Date : 15-04-2025 - 9:39 IST
Published By : Hashtagu Telugu Desk
Smaran Ravichandran: ఐపీఎల్లో ఇప్పటివరకు SRH ప్రయాణం పెద్దగా ఆకట్టుకోలేదు. జట్టు కేవలం రెండు మ్యాచ్లలోనే విజయం సాధించింది. అంతేకాకుండా జట్టు స్టార్ లెగ్ స్పిన్నర్ ఆడమ్ జంపా గాయం కారణంగా టోర్నమెంట్ నుంచి తప్పుకున్నాడు. ఈ నేపథ్యంలో SRH ఇప్పుడు అతని రీప్లేస్మెంట్ను ప్రకటించింది.
ఈ ఆటగాడు రీప్లేస్ చేశాడు
సన్రైజర్స్ హైదరాబాద్ (SRH) టాటా ఐపీఎల్ 2025 మిగిలిన మ్యాచ్ల కోసం గాయపడిన ఆడమ్ జంపా స్థానంలో స్మరణ్ రవిచంద్రన్ను Smaran Ravichandran జట్టులోకి తీసుకుంది. స్మరణ్ రవిచంద్రన్ ఎడమచేతి బ్యాట్స్మన్. డొమెస్టిక్ క్రికెట్లో కర్ణాటక తరఫున ఆడతాడు. అతను ఇప్పటివరకు 7 ఫస్ట్-క్లాస్, 10 లిస్ట్ ఎ, 6 టీ20 మ్యాచ్లు ఆడాడు. ఇందులో 1100 కంటే ఎక్కువ పరుగులు సాధించాడు. SRH అతన్ని 30 లక్షల రూపాయలకు కొనుగోలు చేసింది.
డొమెస్టిక్ క్రికెట్లో బలమైన ప్రదర్శన
రవిచంద్రన్ ఐపీఎల్ 2025 మెగా వేలంలో విక్రయం కాలేదు. కానీ ఆ తర్వాత అతని అద్భుతమైన ప్రదర్శనలు చాలా జట్లను తమ నిర్ణయంపై విచారం వ్యక్తం చేసేలా చేశాయి. అతను కర్ణాటక తరఫున విజయ్ హజారే ట్రోఫీ ఫైనల్లో విజయాన్ని అందించిన సెంచరీ సాధించాడు. రంజీ ట్రోఫీలో కూడా అనేక అద్భుతమైన సెంచరీలు బాదాడు.
Also Read: YSRCP Vs Waqf Act: వక్ఫ్ సవరణ చట్టంపై ‘సుప్రీం’లో వైసీపీ పిటిషన్
అంతేకాకుండ గుల్బర్గా మిస్టిక్స్ తరఫున ఆడుతూ మహారాజా ట్రోఫీలో అద్భుతమైన బ్యాటింగ్ ప్రదర్శించాడు. ఈ టోర్నమెంట్లో అతను 43.14 సగటు, 145.19 స్ట్రైక్ రేట్తో మొత్తం 302 పరుగులు చేశాడు. ఈ ప్రదర్శనల ఆధారంగానే అతనికి మరో అవకాశం లభించింది. అతను రాయల్ ఛాలెంజర్స్ బెంగళూరు (RCB) ప్రీ-సీజన్ నెట్స్లో ఉన్నట్లు సమాచారం. అక్కడ అతను కోచ్లను కూడా ఆకట్టుకున్నాడు. అయితే SRH బ్యాటింగ్ లైనప్ చాలా బలంగా ఉంది. కాబట్టి అతనికి వెంటనే జట్టులో చోటు దక్కడం కష్టం. కానీ అతనికి అవకాశం ఇస్తే అతను ఖచ్చితంగా స్టార్ ఆటగాడిగా నిరూపించుకోగలడు.
Follow us
