IND vs NZ ODI Series: న్యూజిలాండ్‌తో రేపే మొదటి వన్డే.. టీమిండియా జట్టు కెప్టెన్ గా ధావన్.!

న్యూజిలాండ్‌తో శుక్రవారం నుంచి ప్రారంభం కానున్న మూడు వన్డేల సిరీస్‌లో ఎడమచేతి వాటం బ్యాట్స్‌మెన్ శిఖర్ ధావన్ భారత జట్టుకు నాయకత్వం వహించేందుకు సిద్ధంగా ఉన్నాడు. శిఖర్ ధావన్ కూడా మ్యాచ్‌కు ముందు తన ఉద్దేశాన్ని వ్యక్తం చేశాడు.స్వదేశంలో న్యూజిలాండ్‌తో తలపడేందుకు టీమ్‌ఇండియా ఎదురుచూస్తోందని శిఖర్ ధావన్ గురువారం తెలిపాడు. శుక్రవారం ఆక్లాండ్‌లోని ఈడెన్ పార్క్‌లో జరిగే తొలి వన్డేతో న్యూజిలాండ్‌తో వన్డే సిరీస్‌ను భారత్ ప్రారంభించనుంది. విరాట్ కోహ్లీ, రోహిత్ శర్మ, కేఎల్ రాహుల్ వంటి సీనియర్ ఆటగాళ్లు లేకపోవడంతో ఓపెనర్ శిఖర్ ధావన్ జట్టుకు నాయకత్వం వహించనున్నాడు.

ఇప్పటివరకు ఇరుజట్లు 110సార్లు తలపడగా, అందులో టీమ్ఇండియా 55 సార్లు, కివీస్ 49 సార్లు విజయం సాధించాయి. ఒక మ్యాచ్ టై కాగా, 5 మ్యాచులు రద్దయ్యాయి. ఇప్పటికే టీ20 సిరీస్‌ను చేజిక్కించుకున్న ఇండియా.. ఈ వన్డే సిరీస్‌ను సైతం గెలవాలనే పట్టుదలతో ఉంది. న్యూజిలాండ్‌తో మ్యాచ్‌కు ముందు శిఖర్ ధావన్ మాట్లాడుతూ.. న్యూజిలాండ్ మంచి జట్టు. వారికి పేస్ అటాక్ ఉంది. ఈ పరిస్థితుల్లో మేము ఆ సవాలును ఎదుర్కొని బాగా బ్యాటింగ్ చేయడానికి సిద్ధంగా ఉన్నాము. మా ప్లేయర్స్ టీ20లో బాగా రాణించారు. వన్డేల్లో ఆ జోరును కొనసాగించాలనుకుంటున్నాం. వన్డేల్లో ఆడేందుకు తనను తాను ప్రేరేపించడంపై ధావన్ మాట్లాడుతూ.. వన్డే సిరీస్‌ల మధ్య సుదీర్ఘ గ్యాప్‌ను తాను ఒక ఆశీర్వాదంగా భావిస్తున్నానని చెప్పాడు.

ఐదు రోజుల్లో (నవంబర్ 25 నుంచి నవంబర్ 30 వరకు) ఇరుజట్లు మూడు వన్డేలు ఆడనున్నాయి. భారత ఐదుగురు సీనియర్ ఆటగాళ్లు రోహిత్ శర్మ, విరాట్ కోహ్లీ, కేఎల్ రాహుల్, జస్ప్రీత్ బుమ్రా, రవీంద్ర జడేజా ఈ సిరీస్‌లో ఆడడం లేదు. ఈ సీనియర్ ఆటగాళ్లు లేకపోవడంతో శిఖర్ ధావన్ జట్టుకు నాయకత్వం వహిస్తున్నాడు. గత రెండేళ్లలో వన్డేల్లో దాదాపు 1000 పరుగులు చేశాడు ధావన్.

భారత వన్డే జట్టు: శిఖర్ ధావన్ (కెప్టెన్), శుభమన్ గిల్, దీపక్ హుడా, సూర్యకుమార్ యాదవ్, శ్రేయాస్ అయ్యర్, రిషబ్ పంత్ (వికెట్ కీపర్), సంజు శాంసన్ (WK), వాషింగ్టన్ సుందర్, శార్దూల్ ఠాకూర్, షాబాజ్ అహ్మద్, యుజ్వేంద్ర చాహల్, కుల్దీప్ చాహల్, ఆర్షదీప్ సింగ్, దీపక్ చాహర్, కుల్దీప్ సేన్, ఉమ్రాన్ మాలిక్

న్యూజిలాండ్ వన్డే జట్టు: కేన్ విలియమ్సన్ (కెప్టెన్), ఫిన్ అలెన్, మైఖేల్ బ్రేస్‌వెల్, డెవాన్ కాన్వే, లాకీ ఫెర్గూసన్, మాట్ హెన్రీ, టామ్ లాథమ్, డారిల్ మిచెల్, ఆడమ్ మిల్నే, జిమ్మీ నీషమ్, గ్లెన్ ఫిలిప్స్, మిచెల్ సాంట్నర్, టిమ్ సౌతీ