Shoaib Malik Extramarital Affairs: షోయ‌బ్ మాలిక్ వివాహానికి కుటుంబ స‌భ్యులు కూడా రాలేదా..? ఎందుకు..?

Safeimagekit Resized Img (3) 11zon

Shoaib Malik Extramarital Affairs: పాకిస్థాన్ మాజీ క్రికెటర్ షోయబ్ మాలిక్ (Shoaib Malik Extramarital Affairs) తన మూడో పెళ్లికి సంబంధించిన ఫోటోలను నిన్న సోషల్ మీడియాలో షేర్ చేసి అందరినీ ఆశ్చర్యపరిచాడు. అతను మూడో పెళ్లి చేసుకున్నప్పుడు సానియా మీర్జాతో విడాకులు కూడా తీసుకోలేదు. ఇప్పుడు అతడి మూడో పెళ్లి ప్రపంచ వ్యాప్తంగా చర్చనీయాంశంగా మారింది. షోయబ్ మాలిక్ సానియా మీర్జాను మోసం చేశాడని ఇప్పుడు చాలా మంది ఆరోపిస్తున్నారు. షోయబ్ మాలిక్ మూడో పెళ్లిపై సోషల్ మీడియాలో అభిమానులు రకరకాలుగా స్పందిస్తున్నారు.

షోయబ్ పెళ్లిపై కుటుంబ సభ్యులు అసంతృప్తి

షోయబ్ మాలిక్ ఇప్పుడు పాకిస్థానీ నటి సనా జావేద్‌ని మూడో పెళ్లి చేసుకున్నాడు. ఇప్పుడు వీరిద్దరి పెళ్లిపై సర్వత్రా చర్చ జరుగుతోంది. షోయబ్ మాలిక్ కుటుంబ సభ్యులు అతని వివాహానికి హాజరు కాలేదని ఇప్పుడు వార్తలు వస్తున్నాయి. వాస్తవానికి షోయబ్ మాలిక్ కుటుంబ సభ్యులు కూడా అతని వివాహం పట్ల సంతోషంగా లేరు. దీని కారణంగా అతని వివాహానికి ఎవరూ రాలేదు. ది పాకిస్థాన్ డైలీ కథనం ప్రకారం.. షోయబ్ మాలిక్ సానియా మీర్జాతో విడాకులు తీసుకోవడంపై అతని సోదరీమణులు తీవ్ర ఆందోళన వ్యక్తం చేశారు. మరోవైపు షోయబ్ మాలిక్ వివాహేతర సంబంధంతో సానియా మీర్జా కూడా ఇబ్బంది పడిందని క‌థ‌నంలో పేర్కొన్నారు.

Also Read: Sania Divorce : షోయబ్‌తో విడాకులు.. సానియా ఫ్యామిలీ ప్రకటన ఇదీ..

షోయబ్-సానియాల వివాహం 2010లో జరిగింది

షోయబ్ మాలిక్ 2010లో భారత మహిళా టెన్నిస్ క్రీడాకారిణి సానియా మీర్జాను వివాహం చేసుకున్నాడు. దీని తరువాత షోయబ్ మొదటి భార్య అతన్ని మోసం చేశాడని ఆరోపించింది, ఆ తర్వాత షోయబ్- సానియాల వివాహం వివాదంలోకి వచ్చింది. నివేదికల ప్రకారం.. ఆయేషా సిద్ధిఖీ అనే అమ్మాయి షోయబ్ మాలిక్ మొదటి భార్య అని పేర్కొంది. అంతేకాదు షోయబ్‌పై పోలీసు కేసు కూడా పెట్టింది అయేషా. సానియాతో పెళ్లయిన కొద్ది రోజులకే షోయబ్ మాలిక్ కూడా ఆయేషా సిద్ధిఖీకి రూ.15 కోట్లు ఇచ్చాడు. ఇప్పుడు షోయబ్ మాలిక్ మూడో పెళ్లి తర్వాత సానియా మీర్జా వైపు నుంచి ఎలాంటి స్పందన లేదు.

We’re now on WhatsApp. Click to Join.

Follow us