Rohit Sharma: రోహిత్ శర్మ బ్యాటింగ్ లోనే కాదు.. డ్యాన్స్ లో కూడా ఆదరగొట్టాడు.. వీడియో వైరల్..!

భారత జట్టు కెప్టెన్ రోహిత్ శర్మ (Rohit Sharma) డ్యాన్స్ వీడియో సోషల్ మీడియాలో విపరీతంగా వైరల్ అవుతోంది. ఈ వీడియోలో అతను తన భార్య రితిక, అతని బావమరిది కునాల్ తో కలిసి డ్యాన్స్ చేశాడు. ఈ డ్యాన్స్ వీడియో ప్రస్తుతం సోషల్ మీడియాలో వైరల్ అవుతుంది. ‘గుడ్ న్యూజ్’ చిత్రంలోని ‘లాల్ ఘఘ్రా’ పాటలో ముగ్గురూ డ్యాన్స్ చేశారు. హిట్ మ్యాన్ రోహిత్ శర్మ స్టైల్‌ని అభిమానులు కామెంట్ల రూపంలో తమ ప్రేమని చూపిస్తున్నారు. ఈ వైరల్ వీడియో సోషల్ మీడియాలో విపరీతంగా షేర్ అవుతోంది.

ప్రస్తుతం రోహిత్ శర్మ కొన్ని రోజులు టీమ్ ఇండియా నుంచి సెలవు తీసుకున్నాడు. తన భార్య రితికా సోదరుడు కునాల్ వివాహం కోసం అతను ఈ విరామం తీసుకున్నాడు. గత రెండు రోజులుగా రోహిత్ చిత్రాలు వరుసగా బయటకు వస్తున్నాయి. ప్రస్తుతం బావమరిది పెళ్లిలో హిట్ మ్యాన్ చేసిన డ్యాన్స్ నెట్టింట హల్ చల్ చేస్తోంది.

Shaddi vibes #Rohitsharmahttps://t.co/4HjoPMhtkH

— KL Siku Kumar (@KL_Siku_Kumar) March 17, 2023

బావమరిది పెళ్లి కారణంగా తొలి వన్డే నుంచి రోహిత్ ఔట్

కునాల్ వివాహం కారణంగా ఆస్ట్రేలియాతో జరిగే మూడు వన్డేల సిరీస్‌లో తొలి మ్యాచ్‌లో రోహిత్ శర్మ టీమిండియాకు దూరమయ్యాడు. అతని స్థానంలో హార్దిక్ పాండ్యా ఈ మ్యాచ్‌లో టీమిండియాకు నాయకత్వం వహిస్తున్నాడు. అయితే ఈ సిరీస్‌లోని రెండు, మూడో మ్యాచ్‌ల్లో రోహిత్ శర్మ భారత జట్టుకు నాయకత్వం వహించనున్నాడు. రేపు అంటే మార్చి 18న రోహిత్ శర్మ టీమ్ ఇండియా జట్టులోకి వస్తాడని విశ్వసనీయ సమాచారం. ఆయన నేరుగా విశాఖపట్నంలో జట్టుతో చేరనున్నారు. భారత్-ఆస్ట్రేలియా మధ్య రెండో వన్డే మార్చి 19న విశాఖపట్నంలో జరగనుంది.