Rohit Sharma- Shreyas Iyer: భారత్, ఆస్ట్రేలియా మధ్య రెండో వన్డే.. రోహిత్-అయ్యర్ మధ్య వాగ్వాదం?!
రోహిత్, అయ్యర్ బలమైన ఇన్నింగ్స్‌లు ఆడినప్పటికీ విరాట్ కోహ్లీ, కెప్టెన్ శుభ్‌మన్ గిల్ మరోసారి బ్యాట్‌తో విఫలమయ్యారు. గిల్ 9 బంతుల్లో 9 పరుగులు చేసి ఔటయ్యాడు. విరాట్ వరుసగా రెండు మ్యాచ్‌ల్లో ఖాతా తెరవకుండానే పెవిలియన్‌కు చేరుకున్నాడు.
- By Gopichand Published Date - 04:55 PM, Thu - 23 October 25
Rohit Sharma- Shreyas Iyer: భారత్, ఆస్ట్రేలియా మధ్య వన్డే సిరీస్‌లోని రెండో మ్యాచ్ అడిలైడ్ మైదానంలో జరుగుతోంది. ముందుగా బ్యాటింగ్ చేసిన టీమ్ ఇండియా 9 వికెట్ల నష్టానికి 264 పరుగులు చేసింది. రోహిత్ శర్మ, శ్రేయస్ అయ్యర్ (Rohit Sharma- Shreyas Iyer) అద్భుతమైన ఫామ్‌లో కనిపించి ఇద్దరూ అర్ధ సెంచరీలను నమోదు చేశారు. హిట్‌మ్యాన్ 97 బంతుల్లో 73 పరుగులు చేయగా, అయ్యర్ 61 పరుగులు చేశాడు. వీరిద్దరూ మూడో వికెట్‌కు 118 పరుగులు జోడించారు. అయితే రన్ తీయడం విషయంలో రోహిత్, అయ్యర్ మధ్య వాగ్వాదం జరిగిన వీడియో ఒకటి సోషల్ మీడియాలో వైరల్ అవుతోంది.
రోహిత్-అయ్యర్ మధ్య వాగ్వాదమా?
జోష్ హేజిల్‌వుడ్ వేసిన బంతిని రోహిత్ శర్మ డిఫెన్స్ చేసి రన్ తీసుకోవడానికి ముందుకు కదిలాడు. అయితే అవతలి వైపు ఉన్న శ్రేయస్ అయ్యర్ రన్ తీయడానికి నిరాకరించాడు. దీంతో రోహిత్ ‘ఈ రన్ తీయాల్సింది’ అని అయ్యర్‌కు నచ్చజెప్పే ప్రయత్నం చేశాడు. అయినప్పటికీ స్టంప్ మైక్‌లో రికార్డయిన రోహిత్-అయ్యర్ సంభాషణ, మాటామంతీ కంటే వాగ్వాదంలా ఎక్కువగా వినిపించింది. అయ్యర్ మైదానంలోకి వచ్చినప్పుడు భారత జట్టు కేవలం 17 పరుగులకే 2 వికెట్లు కోల్పోయి కష్టాల్లో ఉంది. అయినప్పటికీ ఆ తర్వాత అయ్యర్ రోహిత్‌తో కలిసి జట్టు ఇన్నింగ్స్‌ను అద్భుతంగా ముందుకు నడిపించాడు.
Stump mic captures Rohit Sharma vs Shreyas Iyer 🤣🙌
Whose call was it really?✍🏻👇#AUSvIND 👉 2nd ODI | LIVE NOW 👉 https://t.co/dfQTtniylt pic.twitter.com/YipS5K9ioa
— Star Sports (@StarSportsIndia) October 23, 2025
రోహిత్-అయ్యర్ మధ్య జరిగిన సంభాషణ
- రోహిత్: అరే శ్రేయస్ ఇది రన్ (తీసే అవకాశం) ఉంది.
- అయ్యర్: మీరు చేసి చూడండి, నాకు చెప్పకండి.
- రోహిత్: అరే, నువ్వు కాల్ ఇవ్వాలి కదా అతను ఏడవ ఓవర్ వేస్తున్నాడు (అందుకే రన్ ఈజీ).
- అయ్యర్: అతను ఏ యాంగిల్‌లో పరిగెత్తుతున్నాడో నాకు తెలియదు. మీరే కాల్ చేయండి.
- రోహిత్: నేను ఈ కాల్ ఇవ్వలేను.
- అయ్యర్: (బంతి) మీ ఎదురుగానే ఉంది కదా.
కోహ్లీ-గిల్ మళ్లీ విఫలం
రోహిత్, అయ్యర్ బలమైన ఇన్నింగ్స్‌లు ఆడినప్పటికీ విరాట్ కోహ్లీ, కెప్టెన్ శుభ్‌మన్ గిల్ మరోసారి బ్యాట్‌తో విఫలమయ్యారు. గిల్ 9 బంతుల్లో 9 పరుగులు చేసి ఔటయ్యాడు. విరాట్ వరుసగా రెండు మ్యాచ్‌ల్లో ఖాతా తెరవకుండానే పెవిలియన్‌కు చేరుకున్నాడు. కోహ్లీ ఇన్నింగ్స్ కేవలం 4 బంతుల్లో ముగిసింది. కేఎల్ రాహుల్ కూడా బ్యాట్‌తో పెద్దగా ప్రభావం చూపలేక 11 పరుగులు చేసి ఔటయ్యాడు. అక్షర్ పటేల్ 41 బంతుల్లో 44 పరుగుల బలమైన ఇన్నింగ్స్ ఆడగా, చివరి ఓవర్లలో హర్షిత్ రాణా 24 పరుగులు చేసి భారత జట్టు స్కోరును 264 పరుగులకు చేర్చాడు.
