Ravichandran Ashwin: భారత్-బంగ్లాదేశ్ మొద‌టిరోజు అశ్విన్ రికార్డు.. ప్రపంచంలో ఏకైక ఆటగాడిగా గుర్తింపు..!
బంగ్లాదేశ్‌తో జరిగిన చెన్నై టెస్టు తొలి రోజు గురువారం భారత్ బలమైన పునరాగమనం చేసింది. తొలి రోజు ఆట ముగిసే సమయానికి టీమిండియా 6 వికెట్ల నష్టానికి 339 పరుగులు చేసింది. భారత్ తరఫున రవిచంద్రన్‌ అశ్విన్ బలమైన ప్రదర్శన చేశాడు.
- By Gopichand Published Date - 06:06 PM, Thu - 19 September 24
Ravichandran Ashwin: భారత్-బంగ్లాదేశ్ మధ్య రెండు టెస్టుల సిరీస్‌లో భాగంగా చెన్నై వేదికగా నేటి (సెప్టెంబర్ 19) నుంచి తొలి మ్యాచ్ జ‌రుగుతుంది. తొలుత బ్యాటింగ్‌కు ఆహ్వానించిన టీమ్‌ఇండియా శుభారంభాన్ని అందుకోలేక‌పోయింది. 144 పరుగుల స్కోరుకే టాప్-6 బ్యాట్స్మెన్ పెవిలియన్‌కు చేరుకున్నారు. అనంతరం బ్యాటింగ్‌కు దిగిన ఆర్‌ అశ్విన్ (Ravichandran Ashwin), రవీంద్ర జడేజాలు ఇన్నింగ్స్‌ను చ‌క్క‌దిద్దే ప్ర‌య‌త్నం చేశారు. వీరిద్దరి మధ్య ఏడో వికెట్‌కు 150 పరుగులకు పైగా భాగస్వామ్యం ఉంది. ఈ కాలంలో ప్రపంచంలో ఏ ఆటగాడు చేయలేని రికార్డును అశ్విన్ సృష్టించాడు.
ప్రపంచంలో ఈ ఘనత సాధించిన ఏకైక ఆటగాడు అశ్విన్
తన సొంత మైదానంలో అశ్విన్ బ్యాట్‌తో అద్భుత ప్రదర్శన చేసి 57 బంతుల్లో అర్ధ సెంచరీ పూర్తి చేశాడు. దీంతో అతను పెద్ద ఘనత సాధించాడు. టెస్టు క్రికెట్‌లో 500కు పైగా వికెట్లు, 20 ఫిఫ్టీ ప్లస్ స్కోర్లు సాధించిన ప్రపంచంలోనే తొలి ఆటగాడిగా నిలిచాడు. టెస్టు క్రికెట్‌లో అశ్విన్ పేరిట 516 వికెట్లు ఉన్నాయి. ఇది కాకుండా అతను 5 సెంచరీలు, 15 అర్ధ సెంచరీలు చేశాడు. ఈ విషయంలో 604 టెస్టు వికెట్లు తీసిన ఇంగ్లండ్ మాజీ ఫాస్ట్ బౌలర్ స్టువర్ట్ బ్రాడ్ రెండో స్థానంలో ఉన్నాడు. అలాగే ఫిఫ్టీ ప్లస్ 14 సార్లు స్కోర్ చేశాడు.
Also Read: Jana Sena : పవన్ కళ్యాణ్‌తో బాలినేని, సామినేని ఉదయభాను భేటీ
పంత్ కూడా రికార్డు
బంగ్లాదేశ్‌పై 19 పరుగులు చేసిన తర్వాత పంత్ అంతర్జాతీయ క్రికెట్‌లో 4000 పరుగులు పూర్తి చేశాడు. ఈ ఘనత సాధించిన భారత్ తరఫున రెండో వికెట్‌కీపర్‌ బ్యాట్స్మెన్. అంతకు ముందు మహేంద్ర సింగ్ ధోనీ ఈ ఘనత సాధించాడు. అంతర్జాతీయ క్రికెట్‌లో ధోనీ 17092 పరుగులు చేశాడు. ధోనీ తర్వాత ఇప్పుడు పంత్ కూడా ఈ క్లబ్‌లో చేరాడు.
బంగ్లాదేశ్‌తో జరిగిన చెన్నై టెస్టు తొలి రోజు గురువారం భారత్ బలమైన పునరాగమనం చేసింది. తొలి రోజు ఆట ముగిసే సమయానికి టీమిండియా 6 వికెట్ల నష్టానికి 339 పరుగులు చేసింది. భారత్ తరఫున రవిచంద్రన్‌ అశ్విన్ బలమైన ప్రదర్శన చేశాడు. సెంచరీ చేసిన తర్వాత అశ్విన్ (102) నాటౌట్‌గా నిలిచాడు. రవీంద్ర జడేజా కూడా సెంచరీకి చేరువలో ఉన్నాడు. 86 పరుగులు చేసి నాటౌట్‌గా నిలిచాడు. వీరిద్దరి మధ్య 195 పరుగుల భాగస్వామ్యం ఉంది. బంగ్లాదేశ్ తరఫున హసన్‌ మహమూద్‌ 4 వికెట్లు తీశాడు.
