BWF Rankings: BWF ర్యాంకింగ్స్ విడుదల.. టాప్-5లో పీవీ సింధు..!
రెండుసార్లు ఒలింపిక్ క్రీడల పతక విజేత పీవీ సింధు, థామస్ కప్ విజేత హెచ్ఎస్ ప్రణయ్ మంగళవారం విడుదల చేసిన మహిళల, పురుషుల సింగిల్స్ ప్రపంచ ర్యాంకింగ్స్లో 5వ, 12వ స్థానాలకు చేరుకున్నారు.
- By Gopichand Published Date - 09:04 PM, Tue - 25 October 22
రెండుసార్లు ఒలింపిక్ క్రీడల పతక విజేత పీవీ సింధు, థామస్ కప్ విజేత హెచ్ఎస్ ప్రణయ్ మంగళవారం విడుదల చేసిన మహిళల, పురుషుల సింగిల్స్ ప్రపంచ ర్యాంకింగ్స్లో 5వ, 12వ స్థానాలకు చేరుకున్నారు. చీలమండ గాయం కారణంగా ఆగస్టులో కామన్వెల్త్ గేమ్స్లో స్వర్ణం గెలిచినప్పటి నుండి ఏ టోర్నీ ఆడని సింధు.. 26 టోర్నమెంట్లలో 87218 పాయింట్లను కలిగి ఉంది.
మూడేళ్ల తర్వాత సింధు టాప్-5లో తన స్థానాన్ని తిరిగి పొందింది. సింధు కెరీర్ బెస్ట్ ర్యాంక్- 2 కాగా.. కొంతకాలంగా ఆమె ఆమె ర్యాంక్ బాగా పడిపోయింది. తాజాగా సింధు మునపటి ఫామ్ ను అందుకుంటుంది. హైదరాబాద్కు చెందిన మాజీ ప్రపంచ ఛాంపియన్ సింధు గాయం నుండి కోలుకున్న తర్వాత సోమవారం నుండి తన శిక్షణను ప్రారంభించింది.
పురుషుల సింగిల్స్ ప్రపంచ ర్యాంకింగ్స్లో ప్రణయ్ 12వ స్థానంలో కొనసాగుతున్నాడు. CWG (కామన్వెల్త్ గేమ్స్) ఛాంపియన్ లక్ష్య సేన్ 8వ స్థానంలో, CWG కాంస్య పతక విజేత కిదాంబి శ్రీకాంత్ 11వ స్థానంలో స్థిరంగా ఉన్నారు. బర్మింగ్హామ్లో తొలి స్వర్ణం సాధించిన సాత్విక్ సాయిరాజ్- చిరాగ్ శెట్టి పురుషుల డబుల్స్లో 8వ ర్యాంక్ లో కొనసాగుతున్నారు. అర్జున్, ధృవ్ కపిల జంట డబుల్స్ లో రెండు స్థానాలు ఎగబాకి 19వ ప్లేస్ లో ఉన్నారు.
మహిళల డబుల్స్ జోడీ ట్రీసా జాలీ- గాయత్రి గోపీచంద్ 27వ ప్లేస్ లో ఉండగా.. మిక్స్డ్ డబుల్స్ జోడీ ఇషాన్ భట్నాగర్- తనీషా క్రాస్టో 29వ ప్లేస్ లో నిలిచారు. మహిళల డబుల్స్లో అశ్విని పొనప్ప- సిక్కి రెడ్డిల జోడి 24వ స్థానానికి పడిపోయింది. రెండుసార్లు CWG బంగారు పతక విజేత సైనా నెహ్వాల్ మహిళల సింగిల్స్ ర్యాంకింగ్స్లో 33వ స్థానానికి పడిపోయింది.
Tags
Related News
NTR : ఆ గేమ్లో ఎన్టీఆర్ ప్రొఫిషినల్ ప్లేయర్ అని మీకు తెలుసా..!
కేవలం సినీ రంగంలోనే కాదు, ఎన్టీఆర్ కి క్రీడా రంగంలో కూడా ఎంతో అనుభవం ఉంది.