Prize Money For WPL: ఉమెన్స్ ప్రీమియర్ లీగ్.. విన్నర్, రన్నరప్కు ప్రైజ్మనీ ఎంతంటే..?
ఉమెన్స్ ప్రీమియర్ లీగ్ (Prize Money For WPL) 2023లో ప్రారంభమైంది. ఫైనల్లో ముంబై ఇండియన్స్- ఢిల్లీ క్యాపిటల్స్ ముఖాముఖిగా తలపడ్డాయి. కానీ చివరికి ముంబై గెలిచి ఛాంపియన్గా నిలిచింది.
- By Gopichand Published Date - 05:32 PM, Sat - 16 March 24
Prize Money For WPL: ఉమెన్స్ ప్రీమియర్ లీగ్ (Prize Money For WPL) 2023లో ప్రారంభమైంది. ఫైనల్లో ముంబై ఇండియన్స్- ఢిల్లీ క్యాపిటల్స్ ముఖాముఖిగా తలపడ్డాయి. కానీ చివరికి ముంబై గెలిచి ఛాంపియన్గా నిలిచింది. ఇప్పుడు 2024 ఉమెన్స్ ప్రీమియర్ లీగ్ ఫైనల్ మార్చి 17న ఢిల్లీ క్యాపిటల్స్, రాయల్ ఛాలెంజర్స్ బెంగళూరు మధ్య వాంఖడే స్టేడియంలో జరుగుతుంది. మెగ్ లానింగ్ కెప్టెన్సీలో ఢిల్లీ క్యాపిటల్స్ వరుసగా రెండో ఏడాది ఫైనల్ చేరుకుంది.
గత సీజన్లో రాయల్ ఛాలెంజర్స్ బెంగళూరు 2023లో ప్లేఆఫ్లకు కూడా చేరుకోలేకపోయింది. అయితే ఈసారి జట్టు ప్లేఆఫ్లకే కాకుండా ఫైనల్స్కు కూడా చేరుకుంది. ఐపీఎల్లో గెలిచిన జట్లపై బోలెడంత డబ్బుల వర్షం కురిపించినా ఉమెన్స్ ప్రీమియర్ లీగ్ కూడా ఈ విషయంలో వెనకడుగు వేయలేదు. ఉమెన్స్ ప్రీమియర్ లీగ్ 2024 విజేత ఎంత డబ్బు పొందబోతున్నారో చూద్దాం.
Also Read: IPL 2024: బిగ్ షాక్.. ఐపీఎల్ కి ముందు గాయపడ్డ హార్దిక్
ఉమెన్స్ ప్రీమియర్ లీగ్ 2024 విజేతపై డబ్బు వర్షం కురుస్తుంది
WPL 2023 విజేత ముంబై ఇండియన్స్కు రూ. 6 కోట్లు అందాయని తెలిసిందే. మరోవైపు రన్నరప్గా నిలిచిన ఢిల్లీ క్యాపిటల్స్కు రూ.3 కోట్లు లభించాయి. అదేవిధంగా 2024లో కూడా విజేత జట్టుకు రూ.6 కోట్లు, రన్నరప్గా నిలిచిన జట్టుకు రూ.3 కోట్లు అందజేస్తారు.
ఒకవైపు పాయింట్ల పట్టికలో అగ్రస్థానంలో ఉన్న ఢిల్లీ క్యాపిటల్స్ నేరుగా ఫైనల్స్కు చేరుకుంది. మరోవైపు ఎలిమినేటర్ మ్యాచ్లో రాయల్ ఛాలెంజర్స్ బెంగళూరు ఉత్కంఠగా సాగిన మ్యాచ్లో ముంబై ఇండియన్స్ను 5 పరుగుల తేడాతో ఓడించి ఫైనల్స్లోకి ప్రవేశించింది. మరోవైపు ఢిల్లీకి చెందిన మెగ్ లానింగ్, బెంగళూరుకు చెందిన ఎల్లీస్ పెర్రీలు భారీ స్కోరు చేస్తుండడంతో ఫైనల్లో వీరిలో ఎవరు ఎక్కువ పరుగులు చేయగలరన్నది ఆసక్తికరం.
We’re now on WhatsApp : Click to Join
ఇది కాకుండా ఢిల్లీకి చెందిన మారిజాన్ కాప్, జెస్ జోనాస్సెన్ ఇద్దరూ ఇప్పటివరకు 11 వికెట్లు తీశారు. వారి బౌలింగ్ ఫైనల్లో కూడా RCBని బ్యాట్స్మెన్ను పరుగులు చేయకుండా అడ్డుకోగలదు. అయితే రేపు జరిగబోయే ఫైనల్ మ్యాచ్లో ఏ జట్టు విజయం సాధిస్తుందో తెలియాలంటే కొన్ని గంటలు ఆగాల్సిందే.
Tags
Related News
DC vs MI: ముంబై ఇండియన్స్ ఓటమికి కారణాలు : హార్దిక్
గతంలో ముంబై ఇండియన్స్ తో జరిగిన ఓటమికి ఢిల్లీ క్యాపిటల్స్ ప్రతీకారం తీర్చుకుంది. ముంబై ఇండియన్స్ గత మ్యాచ్ లో ఢిల్లీని ఓడించింది. అయితే ఈ రోజు శనివారం ఢిల్లీ క్యాపిటల్స్ ముంబైని ఓడించింది. ఈ విజయంతో పాయింట్ల పట్టికలో రెండు పాయింట్లను మెరుపరుచుకున్న ఢిల్లీ క్యాపిటల్స్ జట్టు చెన్నై స్థానాన్ని అధిగమించి ఐదో స్థానానికి చేరుకుంది.