Olympic Games : ఒలింపిక్స్‌కు లక్షల కోట్ల అప్పులు.. ఆతిథ్య దేశాలకు లాభమా ? నష్టమా?
ఒలింపిక్ గేమ్స్ నిర్వహణ అంటే ఆషామాషీ విషయం కాదు. ఇందుకోసం నిర్వాహక దేశాలు లక్షల కోట్ల రూపాయలను ఖర్చు చేస్తుంటాయి.
- By Pasha Published Date - 01:24 PM, Sun - 21 July 24
Olympic Games : ఒలింపిక్ గేమ్స్ నిర్వహణ అంటే ఆషామాషీ విషయం కాదు. ఇందుకోసం నిర్వాహక దేశాలు లక్షల కోట్ల రూపాయలను ఖర్చు చేస్తుంటాయి. ఇంతగా డబ్బులను ఒలింపిక్స్ నిర్వహణకు ఖర్చు పెడితే .. ఆ దేశాలకు మిగిలేది ఏముంటుంది ? ఇంతకీ వాటికి లాభం వస్తుందా ? నష్టం వస్తుందా ? ఇప్పుడు తెలుసుకుందాం..
We’re now on WhatsApp. Click to Join
- ఒలింపిక్ గేమ్స్(Olympic Games) అంటే.. ప్రపంచంలోనే అతి పెద్ద క్రీడా సంబురం. ఈ ఈవెంట్లో అన్ని ప్రపంచ దేశాల టీమ్స్ పాల్గొంటాయి. హోరాహోరీగా, అట్టహాసంగా పోటీలు జరుగుతాయి.
- ఈసారి ఒలింపిక్ గేమ్స్ ఫ్రాన్స్‌లోని ప్యారిస్ నగరం(Paris Olympics 2024) వేదికగా జులై 26 నుంచి ఆగస్టు 11 వరకు జరుగుతాయి. ఈ ఒలింపిక్స్ నిర్వహణకు దాదాపు రూ.83వేల కోట్లు ఖర్చవుతాయని అంచనా.
- 2012లో బ్రిటన్‌లోని లండన్‌లో ఒలింపిక్స్ నిర్వహించగా దాదాపు రూ.లక్ష కోట్ల ఖర్చు వచ్చింది. అయితే ఆ సందర్భంగా వివిధ కమర్షియల్ ప్రాజెక్టుల ద్వారా బ్రిటన్ ప్రభుత్వానికి రూ.36వేల కోట్ల ఆదాయం లభించింది.
- 2008లో చైనాలోని బీజింగ్‌లో జరిగిన ఒలింపిక్స్‌కు రూ.3.50 లక్షల కోట్ల ఖర్చయింది.
- 2004లో గ్రీస్‌లోని ఏథెన్స్ ఒలింపిక్స్‌కు దాదాపు రూ.4.50 లక్షల కోట్ల ఖర్చయింది.
- 2000లో ఆస్ట్రేలియాలోని సిడ్నీ ఒలింపిక్స్ ఖర్చు రూ.38వేల కోట్లు ఖర్చు అయింది. అయితే వివిధ కమర్షియల్ ప్రాజెక్టుల ద్వారా దాదాపు రూ.95 కోట్ల ఆదాయం లభించింది.
- 2016లో బ్రెజిల్‌లోని రియో డి జెనీరోలో జరిగిన ఒలింపిక్స్‌కు దాదాపు రూ.1.60 లక్షల కోట్లు ఖర్చయింది.
- 2016 నాటికి అమెరికాలోని లాస్ ఏంజిల్స్ మాత్రమే ఒలింపిక్స్ నుంచి లాభాలను గడించిన ఏకైక నగరంగా రికార్డులకు ఎక్కింది. అక్కడ అప్పటికే అవసరమైన మౌలిక సదుపాయాలన్నీ సిద్దంగా ఉండటం వల్ల లాభాలు మిగిలాయి.
Also Read :42 Womens Murder : 42 మంది మహిళల్ని ముక్కలు చేసి.. డంపింగ్ యార్డులో పారేసిన క్రూరుడు
ఒలింపిక్స్ వేళ అప్పుల భారం..
- ఒలింపిక్స్‌కు ఆతిథ్యం ఇచ్చే బిడ్‌ను గెలుచుకునే దేశం రోడ్లు, విమానాశ్రయాలు, రైలు మార్గాలు, దాదాపు 40వేల హోటల్ గదులు వంటివన్నీ రెడీ చేయాలి. ఇందుకోసం భారీగా ఖర్చు చేయాల్సి ఉంటుంది. ఈ ఖర్చులే దాదాపు రూ.41వేల కోట్ల నుంచి రూ.4లక్షల కోట్ల దాకా ఉంటాయని అంచనా.
- ఒలింపిక్ గేమ్స్‌ను నిర్వహించే దేశాలకు లోన్స్ కూడా లభిస్తాయి. ఈ లోన్స్‌ను చాలా కాలం తర్వాత తిరిగి చెల్లించవచ్చు. కెనడాలోని మాంట్రియల్‌లో 1976లో ఒలింపిక్స్ జరిగాయి. అప్పట్లో తీసుకున్న లోన్స్‌ను కెనడా ప్రభుత్వం 2006 వరకు తిరిగి చెల్లించింది.
- 2004లో ఏథెన్స్ ఒలింపిక్స్ కోసం తీసుకున్న భారీ లోన్స్ గ్రీస్ దేశంలో రుణ సంక్షోభానికి కారణమయ్యాయి,
- ఒలింపిక్స్ టైంలో ఎంతోమందికి కాంట్రాక్టు ఉద్యోగాలు లభిస్తాయి. హోటళ్ల వ్యాపారం పతాక స్థాయికి వెళ్తుంది. బ్రెజిల్‌లోని రియో డి జనీరో 2016 ఒలింపిక్స్ కోసం 15,000 కొత్త హోటల్ గదులను నిర్మించింది.
- ఆస్ట్రేలియాలోని సిడ్నీ స్టేడియం నిర్వహణకు సంవత్సరానికి రూ.200 కోట్లు ఖర్చవుతుంది.
- చైనాలోని బీజింగ్ బర్డ్స్ నెస్ట్ అరేనాకు ఏటా మెయింటెనెన్స్‌కే రూ.83 కోట్లు ఖర్చు అవుతుంది.
Follow us
