Wimbledon: వింబుల్డన్ లో కూడా నాటు నాటు.. ట్విట్టర్‌లో పోస్టర్ రిలీజ్..!

Wimbledon: అత్యంత ప్రతిష్టాత్మకమైన టెన్నిస్ టోర్నమెంట్‌లలో ఒకటైన వింబుల్డన్ (Wimbledon) 2023 జూలై 3న ప్రారంభమైంది. ఈ టోర్నమెంట్ సమయంలో టెన్నిస్ ప్రపంచంలోని అత్యుత్తమ ఆటగాళ్ల మధ్య గొప్ప మ్యాచ్‌లు జరుగుతాయి. ఈసారి ఆస్కార్ విన్నింగ్ సాంగ్ నాటు నాటు (Naatu Naatu) పాట కూడా వింబుల్డన్‌లో చూడాల్సి వచ్చింది. ప్రపంచ నంబర్-1, నంబర్-2 టెన్నిస్ ప్లేయర్లు కార్లోస్ అల్కరాజ్, నొవాక్ జకోవిచ్ ఈ పాటకు డ్యాన్స్ చేస్తున్న ఫోటో వింబుల్డన్ అధికారిక సోషల్ మీడియా ఖాతా నుండి పోస్ట్ చేయబడింది.

నాటు నాటు సాంగ్ భారతీయ చలనచిత్రం RRRలోని ఉత్తమ పాటలలో ఒకటి. ఈ సంవత్సరం ఆస్కార్ అవార్డుల వేడుకలో ఉత్తమ ఒరిజినల్ సాంగ్ విభాగంలో అవార్డు లభించింది. ఇద్దరు ఆటగాళ్లు కలిసి ఉన్న ఫోటో చూపించిన తీరు చూస్తుంటే టోర్నీకి పూర్తిగా సిద్ధమైనట్లు తెలుస్తోంది.

🎶 Naatu Naatu 🎶

Carlos Alcaraz and Novak Djokovic, the top two seeds are ready for #Wimbledon 😍 pic.twitter.com/O8embrKZ4v

— Wimbledon (@Wimbledon) July 4, 2023

Also Read: Jonny Bairstow Wicket: వివాదాస్పద ఔట్.. ఆస్ట్రేలియా పోలీసులు బెయిర్‌స్టోని ఇలా కూడా వాడేశారుగా..!

కార్లోస్ అల్కరాజ్, నొవాక్ జకోవిచ్ విజయంతో ఆరంభించారు

ప్రపంచ నంబర్-1 టెన్నిస్ ఆటగాడు కార్లోస్ అల్కరాజ్ వింబుల్డన్ 2023లో తన ప్రచారాన్ని అద్భుతమైన విజయంతో ప్రారంభించాడు. తొలి మ్యాచ్‌లో ఫ్రాన్స్‌కు చెందిన జెరెమీ చార్డీతో అల్కరాజ్ మ్యాచ్. అల్కరాజ్ 6–0, 6–2, 7–5తో చార్డీని వరుస సెట్లలో ఓడించి రెండో రౌండ్‌కు చేరుకున్నాడు. స్పెయిన్ ఆటగాడు కార్లోస్ అల్కరాజ్ మూడోసారి వింబుల్డన్‌లో పాల్గొంటున్నాడు. దీనికి ముందు అతను ఈ టోర్నమెంట్‌లో నాలుగో రౌండ్‌కు మించి ముందుకు సాగలేకపోయాడు.

ప్రపంచ నంబర్-2 టెన్నిస్ ఆటగాడు నోవాక్ జకోవిచ్ కూడా వింబుల్డన్ 2023లో అరంగేట్రం చేశాడు. డిఫెండింగ్ ఛాంపియన్‌గా ఆడిన నొవాక్ జకోవిచ్ తన తొలి మ్యాచ్‌లో 6-3, 6-3, 7-6తో పి కాచిన్‌ను ఓడించాడు.