Mitchell Marsh: ఆస్ట్రేలియా జట్టుకు బిగ్ షాక్.. కీలక మ్యాచ్ కు ముందు స్టార్ ఆటగాడు దూరం..!

Mitchell Marsh

Mitchell Marsh: 2023 ప్రపంచకప్‌లో ఆస్ట్రేలియా ఇప్పటివరకు మంచి ప్రదర్శన కనబరిచింది. ఆస్ట్రేలియా జట్టు 6 మ్యాచ్‌లు ఆడగా 4 గెలిచింది. ఆస్ట్రేలియా 8 పాయింట్లతో మూడో స్థానంలో ఉంది. కానీ ప్రపంచకప్ మధ్యలో ఆస్ట్రేలియా జట్టుకు బిగ్ షాక్ తగిలింది. ఆస్ట్రేలియా వెటరన్ ఆల్ రౌండర్ మిచెల్ మార్ష్ (Mitchell Marsh) స్వదేశానికి తిరిగి వెళ్తున్నాడు. వ్యక్తిగత కారణాల వల్ల ప్రపంచకప్‌ మధ్యలో ఇంటికి వెళ్లిపోతున్నాడు. అంతకుముందు గ్లెన్ మాక్స్‌వెల్ కూడా గాయపడ్డాడు. ఆస్ట్రేలియా తర్వాతి మ్యాచ్‌ ఇంగ్లండ్‌తో జరగనుంది. ఈ మ్యాచ్‌లో అలెక్స్ కారీ, మార్కస్ స్టోయినిస్ లేదా సీన్ అబాట్‌లకు జట్టులో చోటు ఇచ్చే అవకాశం ఉంది.

మిచెల్ మార్ష్ గురించి క్రికెట్ ఆస్ట్రేలియా సమాచారం ఇచ్చింది. ఐసీసీ వెబ్‌సైట్‌లో ప్రచురించిన వార్తల ప్రకారం.., మార్ష్ పునరాగమనానికి సంబంధించి ఎటువంటి అప్‌డేట్ రాలేదు. వ్యక్తిగత కారణాలతో అతను ఆస్ట్రేలియాకు తిరిగి వెళ్తున్నాడు. ఈ ప్రపంచకప్‌లో మార్ష్ ఇప్పటి వరకు వికెట్లతో పాటు 225 పరుగులు చేశాడు. లక్నోలో శ్రీలంకపై మార్ష్ హాఫ్ సెంచరీ సాధించాడు. ఆ తర్వాత పాకిస్థాన్‌పై సెంచరీ సాధించాడు. 121 పరుగులు చేశాడు. మార్ష్ ఆస్ట్రేలియన్ జట్టులో ముఖ్యమైన ఆటగాడు అయిన విషయం తెలిసిందే.

Also Read: World Cup: వరల్డ్ కప్ లో శ్రీలంకపై టీమిండియా రికార్డు ఎలా ఉందంటే..?

ఈ ప్రపంచకప్‌లో ఆస్ట్రేలియా తరఫున డేవిడ్ వార్నర్ అద్భుత ప్రదర్శన చేస్తున్నాడు. 6 మ్యాచ్‌ల్లో 413 పరుగులు చేశాడు. ఈ ప్రపంచకప్‌లో జట్టు తరఫున అత్యధిక పరుగులు చేసిన ఆటగాడు వార్నర్. ఇక ఆసీస్ బౌలింగ్‌ గురించి మాట్లాడితే.. ఆడమ్‌ జంపా అద్భుతంగా రాణిస్తున్నాడు. జంపా 6 మ్యాచ్‌ల్లో 16 వికెట్లు తీశాడు. ప్రస్తుతం అత్యధిక వికెట్లు తీసిన జాబితాలో సంయుక్తంగా నంబర్‌వన్‌ స్థానంలో ఉన్నాడు. ఆస్ట్రేలియా ఇప్పటివరకు 6 మ్యాచ్‌లు ఆడి 4 మ్యాచ్‌లు గెలిచింది. సెమీఫైనల్‌కు చేరాలంటే ఆసీస్ జట్టు ఇంగ్లండ్ ఆ తర్వాత ఆఫ్ఘనిస్థాన్‌ను ఓడించాలి. ఆ తర్వాత బంగ్లాదేశ్‌తో తలపడనుంది.

We’re now on WhatsApp. Click to Join.

Follow us