KL Rahul: టెస్టు క్రికెట్ ఆడాలని కోహ్లీ చెప్పాడు, నేను అదే ఫాలో అయ్యా: కేఎల్ రాహుల్
ఫోర్లు, సిక్స్ లు బాదడమే కాదు.. అవసరమైతే సింగిల్స్ తీయాలి. అప్పుడే మ్యాచ్ పై పట్టు బిగించలం.
- By Balu J Published Date - 02:50 PM, Mon - 9 October 23
KL Rahul: ఏ ఆటలోనైనా పరిస్థితులను అంచనా వేస్తు ఆడటం చాలా ముఖ్యం. ఇక క్రికెట్ లో చాలా ముఖ్యం. ఫోర్లు, సిక్స్ లు బాదడమే కాదు.. అవసరమైతే సింగిల్స్ తీయాలి. అప్పుడే మ్యాచ్ పై పట్టు బిగించలం. నిన్న ఆస్ట్రేలియాతో జరిగిన మొదటి మ్యాచ్ అందుకు ఉదాహారణ. ఒక దశలో భారత్ 2 పరుగులకే 3 వికెట్లను కోల్పోయి కష్టాల్లో పడింది. అయితే ఈ దశలో విరాట్ కోహ్లీ, కేఎల్ రాహుల్ లు జట్టును ఆదుకున్నారు. ఆదుకోవడమే కాదు టీమిండియాను గెలిపించారు కూడా.
విరాట్ కోహ్లీకి కింగ్ అనే పేరుంది. ఇప్పటికే ఆ పేరుకు తగ్గ ఆటను కూడా ప్రదర్శించాడు. ఇక గతేడాది జరిగిన టి20 ప్రపంచకప్ లో పాకిస్తాన్ తో జరిగిన పోరులో భారత్ కు ఒంటి చేత్తో విజయాన్ని అందించాడు. ఇక మరోసారి కోహ్లీ టీమిండియా పాలిట దేవుడిలా నిలిచాడు. పీకల్లోతు కష్టాల్లో పడ్డ సమయంలో జట్టుకు అండగా నిలిచాడు. 12 పరుగుల వద్ద ఇచ్చిన క్యాచ్ ను మిచెల్ మార్ష్ నేలపాలు చేయడంతో బతికిపోయిన కోహ్లీ. ఆ తర్వాత విజృంభించాడు. ఇక ఈ మ్యాచ్ లో కోహ్లీతో సమానంగా రాహుల్ రాణించాడు. ఏమాత్రం ఒత్తిడికి గురికాకుండా చూడచ్చని ఆటతీరులో అలరించి మ్యాచ్ ను గెలిపించాడు. ఈ మ్యాచ్ అనంతరం మాట్లాడుతూ తను ఇంత పట్టుదలగా ఆడటానికి కారణం విరాట్ కోహ్లీనే అని రాహుల్ చెప్పాడు. ‘రెండు పరుగులకే మూడు వికెట్లు కోల్పోయి క్రీజులోకి వచ్చినప్పుడు నేను, కోహ్లీ పెద్దగా ఏం మాట్లాడుకోలేదు. వికెట్ కీపింగ్ చేసిన తర్వాత చక్కగా స్నానం చేసి విశ్రాంతి తీసుకుందామని అనుకున్నా.
ఆ టైం కూడా నాకు దొరకలేదు’ అని రాహుల్ అన్నాడు. ‘అప్పుడు విరాట్ నాతో.. ఇక్కడ వికెట్ బౌలర్లకు సహకరిస్తోంది. కాబట్టి కాసేపు టెస్టు క్రికెట్లా ఆడు. పేసర్లకు కొంచెం హెల్ప్ ఉంది. ఆ తర్వాత స్పిన్నర్లు కూడా రాణిస్తున్నారు అని సలహా ఇచ్చాడు. నేను అదే ఫాలో అయ్యా’ అని రాహుల్ వెల్లడించాడు. ఆ తర్వాత కొంచెం మంచు రాగానే బ్యాటింగ్ చేయడం సులభమైందని చెప్పుకొచ్చాడు. ‘చివరి 15-20 ఓవర్లలో మంచు బాగా ప్రభావం చూపించింది. అది మాకు బాగా కలిసొచ్చింది. అయితే ఈ పిచ్ రెండు వైపులా బౌలర్లకు సహకారం ఇచ్చింది. ఇక్కడ బ్యాటింగ్ చేయడం అంత ఈజీ కాదు’’ అని రాహుల్ అన్నాడు.
Also Read: MLC Kavitha: ముగిసిన కవిత లండన్ పర్యటన, బ్యాక్ టు హైదరాబాద్
Related News
MI vs LSG: నేడు లక్నో వర్సెస్ ముంబై.. విజయంతో ముగించే జట్టు ఏదో..?
IPL 2024 లీగ్ దశ ఇప్పుడు ముగింపు దశకు చేరుకుంది.