Kiran Navgire: చరిత్ర సృష్టించిన టీమిండియా క్రికెటర్!
పంజాబ్ మహిళా క్రికెట్ జట్టు 111 పరుగుల లక్ష్యాన్ని నిర్దేశించింది. మహారాష్ట్ర జట్టు కేవలం 8 ఓవర్లలోనే 9 వికెట్ల తేడాతో దాన్ని ఛేదించింది. కిరణ్ నవగిరే సహచర ఓపెనర్ బ్యాట్స్మెన్ ఈశ్వరి సావకర్ త్వరగా పెవిలియన్ చేరింది.
- Author : Gopi
Date : 18-10-2025 - 10:20 IST
Published By : Hashtagu Telugu Desk
Kiran Navgire: భారత క్రీడాకారుల ఆధిపత్యం ఇప్పుడు క్రికెట్ ప్రపంచంలో కనిపిస్తోంది. ఈ విషయాన్ని మరో భారత క్రీడాకారిణి కూడా రుజువు చేసింది. భారత మహిళా క్రికెట్ జట్టుకు ఆడిన కిరణ్ నవగిరే (Kiran Navgire) వేగవంతమైన సెంచరీ చేసి చరిత్ర సృష్టించింది. ఈ క్రీడాకారిణి కేవలం 34 బంతుల్లోనే సెంచరీ సాధించింది. దీంతో ఆమె ప్రపంచంలోని అగ్రశ్రేణి మహిళా క్రీడాకారులను వెనక్కి నెట్టింది. ఈ అద్భుత ప్రదర్శనతో కిరణ్ తన పునరాగమనం ప్రయత్నాలను మరింత వేగవంతం చేసింది.
కిరణ్ నవగిరే చరిత్ర సృష్టించింది
సీనియర్ మహిళల టీ20 ట్రోఫీలో అక్టోబర్ 17న మహారాష్ట్ర, పంజాబ్ మధ్య జరిగిన మ్యాచ్లో కిరణ్ నవగిరే చరిత్ర సృష్టించింది. ఆమె 35 బంతుల్లో అజేయంగా 106 పరుగులు చేసింది. ఈ సమయంలో ఆమె స్ట్రైక్ రేట్ 302.86 గా ఉంది. నవగిరే తన ఇన్నింగ్స్లో 14 ఫోర్లు, 7 సిక్సర్లు కొట్టింది. దీనితో కిరణ్ నవగిరే మహిళల టీ20 క్రికెట్ చరిత్రలో వేగవంతమైన సెంచరీ చేసిన క్రీడాకారిణిగా నిలిచింది. ఆమె న్యూజిలాండ్ దిగ్గజం సోఫీ డివైన్ను వెనక్కి నెట్టింది. సోఫీ 36 బంతుల్లో సెంచరీ చేసింది. భారత జట్టు తరఫున 6 టీ20 మ్యాచ్లు ఆడిన కిరణ్ ఈ మ్యాచ్లో మొదటి బంతి నుంచే దూకుడుగా ఆడింది. దీంతో బౌలర్లు మ్యాచ్లో తిరిగి పుంజుకోలేకపోయారు.
Also Read: Garib-Rath Train: తప్పిన పెను ప్రమాదం.. రైలులో అగ్నిప్రమాదం!
🚨 Record Alert 🚨
1️⃣0️⃣6️⃣* Runs
3️⃣5️⃣ Balls
3️⃣0️⃣2️⃣.8️⃣6️⃣ Strike Rate
1️⃣4️⃣ Fours & 7️⃣ SixesKiran Navgire has smashed the fastest hundred in the Senior Women's T20 Trophy 😮
She achieved the feat in 34 balls, playing for Maharashtra against Punjab in Nagpur 👏
Watch 📽️… pic.twitter.com/cxMApreNKS
— BCCI Domestic (@BCCIdomestic) October 17, 2025
ఏకపక్షంగా సాగిన మ్యాచ్
పంజాబ్ మహిళా క్రికెట్ జట్టు 111 పరుగుల లక్ష్యాన్ని నిర్దేశించింది. మహారాష్ట్ర జట్టు కేవలం 8 ఓవర్లలోనే 9 వికెట్ల తేడాతో దాన్ని ఛేదించింది. కిరణ్ నవగిరే సహచర ఓపెనర్ బ్యాట్స్మెన్ ఈశ్వరి సావకర్ త్వరగా పెవిలియన్ చేరింది. నంబర్ 3లో బ్యాటింగ్కు వచ్చిన ముక్తా మాగ్రే నవగిరేకు మద్దతు ఇచ్చింది. ముక్తా ఈ మ్యాచ్లో 10 బంతుల్లో కేవలం 6 పరుగులు మాత్రమే చేసింది. కిరణ్ తన ఇన్నింగ్స్ మొత్తం ముక్తాను దాదాపు ప్రేక్షకురాలిగా ఉంచింది.
మహిళల టీ20 క్రికెట్లో అత్యంత వేగవంతమైన సెంచరీలు
- కిరణ్ నవగిరే: 34 బంతులు
- సోఫీ డివైన్: 36 బంతులు (వెల్లింగ్టన్ వర్సెస్ ఒటాగో, 2021)
- డియాండ్రా డాటిన్: 38 బంతులు (వెస్టిండీస్ వర్సెస్ సౌత్ ఆఫ్రికా, 2010)
- గ్రేస్ హారిస్: 42 బంతులు (బ్రిస్బేన్ హీట్ వర్సెస్ మెల్బోర్న్ స్టార్స్, 2018)
- డెవినా పెరిన్: 42 బంతులు (నార్తర్న్ సూపర్ఛార్జర్స్ వర్సెస్ లండన్ స్పిరిట్, 2025)
Follow us
