ICC World Cup 2023: ప్రపంచకప్లో ఇప్పటివరకు అత్యధిక పరుగులు చేసిన ఆటగాళ్లు వీళ్ళే..!
ప్రపంచకప్ 2023 (ICC World Cup 2023)లో అత్యధిక పరుగులు చేసిన జాబితాలో విరాట్ కోహ్లీ రెండో స్థానంలో నిలిచాడు.
- By Gopichand Published Date - 09:44 AM, Fri - 3 November 23
ICC World Cup 2023: ప్రపంచకప్ 2023 (ICC World Cup 2023)లో అత్యధిక పరుగులు చేసిన జాబితాలో విరాట్ కోహ్లీ రెండో స్థానంలో నిలిచాడు. శ్రీలంకపై 88 పరుగుల ఇన్నింగ్స్ అతనిని ఈ పరుగుల రేసులో మళ్లీ ముందుకు తీసుకెళ్లింది. అంతకుముందు అతను టాప్-5లో ఉన్నాడు. మరోవైపు వికెట్లు తీయడంలో శ్రీలంక ఫాస్ట్ బౌలర్ దిల్షాన్ మధుశంక అగ్రగామిలో నిలిచాడు. గురువారం టీమిండియాపై 5 వికెట్లు తీశాడు.
Also Read: India Enter Semi Finals: సెమీఫైనల్కు చేరిన టీమిండియా.. శ్రీలంకపై భారత్ 302 పరుగుల తేడాతో విజయం..!
అత్యధిక స్కోరు: అక్టోబర్ 7న జరిగిన మ్యాచ్లో శ్రీలంకపై దక్షిణాఫ్రికా 5 వికెట్లు కోల్పోయి 428 పరుగుల భారీ స్కోరు సాధించింది.
అతిపెద్ద విజయం: అక్టోబర్ 25న జరిగిన మ్యాచ్లో ఆస్ట్రేలియా 309 పరుగుల తేడాతో నెదర్లాండ్స్ను ఓడించింది.
అత్యధిక పరుగులు: ఈ ప్రపంచకప్లో దక్షిణాఫ్రికా ఓపెనర్ క్వింటన్ డి కాక్ 545 పరుగులు చేశాడు. అతని తర్వాత విరాట్ (442) రెండో స్థానంలో, కివీస్ బ్యాట్స్మెన్ రచిన్ రవీంద్ర (415) మూడో స్థానంలో ఉన్నారు.
అతిపెద్ద ఇన్నింగ్స్: ఈ రికార్డు కూడా క్వింటన్ డి కాక్ పేరిట ఉంది. అక్టోబర్ 24న వాంఖడేలో బంగ్లాదేశ్పై 174 పరుగుల ఇన్నింగ్స్ ఆడాడు.
అత్యధిక సెంచరీలు: ఇక్కడ కూడా డి కాక్ నంబర్-1లో ఉన్నాడు. ఈ ప్రపంచకప్లో నాలుగు సెంచరీలు సాధించాడు.
అత్యధిక సిక్సర్లు: రోహిత్ శర్మ ఇప్పటివరకు 20 సిక్సర్లు కొట్టాడు. డేవిడ్ వార్నర్ (19) రెండో స్థానంలో, డి కాక్ (18) మూడో స్థానంలో ఉన్నారు.
అత్యధిక వికెట్లు: శ్రీలంక ఆటగాడు దిల్షాన్ మధుశంక 16 వికెట్లతో నంబర్ వన్ స్థానంలో ఉన్నాడు. అతని తర్వాత ఆస్ట్రేలియా ఆటగాడు ఆడమ్ జంపా, పాకిస్థాన్కు చెందిన షాహీన్ అఫ్రిది, దక్షిణాఫ్రికాకు చెందిన మార్కో యాన్సిన్ ఉన్నారు.
అత్యుత్తమ బౌలింగ్ ఇన్నింగ్స్: భారత ఫాస్ట్ బౌలర్ మహమ్మద్ షమీ నవంబర్ 2న శ్రీలంకపై కేవలం 18 పరుగులిచ్చి 5 వికెట్లు తీశాడు.
అతిపెద్ద భాగస్వామ్యం: న్యూజిలాండ్కు చెందిన డెవాన్ కాన్వే- రచిన్ రవీంద్ర ప్రపంచ కప్లోని మొదటి మ్యాచ్లో ఇంగ్లాండ్పై 273 పరుగుల భాగస్వామ్యాన్ని నెలకొల్పారు.
We’re now on WhatsApp. Click to Join.
Related News
IPL 2024: ఐపీఎల్ 2024లో అత్యధిక పరుగులు, సిక్సులు, వికెట్లు తీసిన ఆటగాళ్లు వీరే..!
ఐపీఎల్ -2024 లీగ్ రౌండ్ ముగిసింది. ఈ సీజన్లో చివరి లీగ్ మ్యాచ్ వర్షం కారణంగా రద్దు అయ్యింది.