IND vs AUS T20 : ఉప్పల్ స్టేడియంకు భారీ భద్రత.. స్టేడియంలోకి ఆ వస్తువులు నిషేధం..!
రెండ్రోజుల క్రితం టిక్కెట్ల విక్రయాలపై అవాంఛనీయ ఘటనలు చోటుచేసుకోవడంతో హైదరాబాద్ పోలీసులు...
- By Prasad Published Date - 07:56 AM, Sun - 25 September 22
రెండ్రోజుల క్రితం టిక్కెట్ల విక్రయాలపై అవాంఛనీయ ఘటనలు చోటుచేసుకోవడంతో హైదరాబాద్ పోలీసులు అప్రమత్తమైయ్యారు. ఈ రోజు ఇండియా ఆస్ట్రేలియా మధ్య జరగనున్న మూడో టీ20 మ్యాచ్కి పోలీసులు భారీ భద్రత కల్పించారు. హైదరాబాద్ జింఖానాలో ఆఫ్లైన్ టిక్కెట్లు కొనుగోలు చేసేందుకు వేలాది మంది అభిమానులు గుమిగూడడంతో తొక్కిసలాట లాంటి పరిస్థితి చోటుచేసుకుంది. రద్దీని నియంత్రించేందుకు పోలీసులు పటిష్ట చర్యలు చేపట్టాల్సి వచ్చింది.
ఆదివారం జరిగే కీలకమైన గేమ్కు దాదాపు 40,000 మంది ప్రేక్షకులు వస్తారని పోలీసులు అంచనా వేస్తున్నారు. 2500 మంది పోలీసులుస్టేడియంలో మోహరించారు. పోలీసులుస్టేడియంలో నిషేధిత వస్తువుల జాబితాను విడుదల చేశారు. పెంపుడు జంతువులు, తినుబండారాలు, సిగరెట్లు, వీడియో కెమెరాలు, ల్యాప్టాప్లు, లైటర్లు, అగ్గిపెట్టెలు, బాణసంచా, సెల్ఫీ స్టిక్లు, పదునైన వస్తువులు, హెల్మెట్లు, బ్యాక్ప్యాక్లు, మద్యం, డ్రగ్స్ స్టేడియంలోకి అనుమతించరు. స్టేడియంలోకి నిషేధిత మెటీరియల్ని ఎవరూ తీసుకెళ్లకుండా ఉండేలా స్టేడియంలో హై-ఇంటెన్సిటీ స్కానర్లను ఏర్పాటు చేశారు.
మొబైల్ ఫోన్లను స్టేడియంలోకి అనుమతించినప్పటికీ, ప్రేక్షకులు పవర్ బ్యాంక్లు మరియు ఛార్జర్లను స్టేడియంలోకి అనుమతించడంలేదని పోలీసులు తెలిపారు. స్టేడియం లోపల, చుట్టుపక్కల ప్రేక్షకులను పర్యవేక్షించడానికి సీసీ కెమెరాలను ఏర్పాటు చేశారు.వీటిని ప్రేక్షకులను పర్యవేక్షించడానికి స్థానిక పోలీసులను, ప్రత్యేక బృందాలను నియమించారు. నిఘా కెమెరాలను పర్యవేక్షించేందుకు స్టేడియంలో జాయింట్ కమాండ్ కంట్రోల్ సెంటర్ను ఏర్పాటు చేశామని, స్టేడియంలో పోలీసు బృందంతో పాటు బంజారాహిల్స్లో ఇటీవల ప్రారంభించిన ఇంటిగ్రేటెడ్ కమాండ్ అండ్ కంట్రోల్ సెంటర్లో ఫుటేజీని పర్యవేక్షిస్తారని రాచకొండ పోలీసులు తెలిపారు. ఎలాంటి అవాంఛనీయ సంఘటనలు జరగకుండా యాంటీ విధ్వంసక బృందాలు రంగంలోకి దిగుతాయని రాచకొండ సీపీ తెలిపారు.
రాష్ట్ర సాయుధ రిజర్వ్ పోలీసులు, స్పెషల్ బ్రాంచ్, సెంట్రల్ క్రైమ్ స్టేషన్, బాంబ్ డిస్పోజల్ స్క్వాడ్లు, డాగ్ స్క్వాడ్లు, షీ టీమ్లు, ట్రాఫిక్ మరియు లా అండ్ ఆర్డర్ వింగ్లకు చెందిన సిబ్బంది భద్రతా యంత్రాంగంలో భాగం. అత్యవసర పరిస్థితుల కోసం వైద్య, అగ్నిమాపక శాఖ బృందాలు కూడా వేదిక వద్ద ఉంటాయి. జట్లు నాగ్పూర్ నుండి నిన్న(శనివారం) సాయంత్రం హైదరాబాద్కు చేరుకున్నాయి,
Related News
ICC Rankings: టెస్టుల్లో నంబర్ ర్యాంక్ కోల్పోయిన టీమిండియా …
అంతర్జాతీయ క్రికెట్ మండలి ఐసీసీ శుక్రవారం మూడు ఫార్మాట్ల (టెస్ట్, వన్డే మరియు టి20 ఇంటర్నేషనల్) వార్షిక ర్యాంకింగ్లను విడుదల చేసింది. ఇందులో భారత జట్టు టెస్టు నంబర్-1 స్థానాన్ని కోల్పోయింది.