IPL 2023: ఐపీఎల్ ట్రోఫీతో ఫోటోషూట్‌కు రోహిత్ దూరం.. ఎందుకు రాలేదంటే..?

Resizeimagesize (1280 X 720) (3)

ఐపీఎల్ 2023 (IPL 2023) 16వ ఎడిషన్ నేటి నుంచి గుజరాత్‌లోని అహ్మదాబాద్ స్టేడియంలో ప్రారంభం కానుంది. టోర్నీ తొలి మ్యాచ్‌లో డిఫెండింగ్‌ ఛాంపియన్‌ గుజరాత్‌ టైటాన్స్‌కు చెన్నై సూపర్‌ కింగ్స్‌ మధ్య మ్యాచ్ జరగనుంది. రెండు నెలల పాటు జరిగే ఈ టోర్నీకి అన్ని జట్లూ సిద్ధంగా ఉన్నాయి. టోర్నీ ప్రారంభానికి ముందు అన్ని జట్ల కెప్టెన్లు ఒకచోట నిలబడి ట్రోఫీతో ఫోటోషూట్‌కు ఫోజులిచ్చారు. IPL 2023లో మొత్తం 10 జట్లు పాల్గొంటాయి. అయితే కేవలం తొమ్మిది జట్ల కెప్టెన్లు మాత్రమే ట్రోఫీతో ఫోటోషూట్ చేసారు. ఈ ఫోటోషూట్‌లో ముంబై ఇండియన్స్ కెప్టెన్ రోహిత్ శర్మ కనిపించలేదు. ఈ చిత్రంలో రోహిత్ శర్మ ఎక్కడా కనిపించలేదు. ఈ చిత్రంలో రోహిత్ ఎందుకు లేడని సోషల్ మీడియా ప్లాట్‌ఫామ్‌లలో అభిమానులు ప్రశ్నలు కురిపిస్తున్నారు.

IPL 2023లో కెప్టెన్లు అందరూ ట్రోఫీ వద్ద ఫొటో షూట్‌ చేయగా ముంబై కెప్టెన్‌ రోహిత్‌ శర్మ హాజరుకాలేదు. దీంతో అతడికి ఏమైందని ఫ్యాన్స్‌ ఆందోళన చెందుతున్నారు. నిన్న “Where Is Rohit” అంటూ పోస్టులతో హోరెత్తించారు. అయితే అనారోగ్యం కారణంగానే రోహిత్‌ రాలేదని, ఆర్సీబీతో ఏప్రిల్‌ 2న జరిగే తొలి మ్యాచ్‌కు అందుబాటులో ఉంటాడని తెలుస్తోంది. కాగా WTC ఫైనల్‌, ప్రపంచకప్‌ నేపథ్యంలో రోహిత్‌ కొన్ని మ్యాచ్‌లకు రెస్ట్‌ తీసుకునే అవకాశముంది.

Also Read: IPL 2023: గాయం కారణంగా చెన్నై బౌలర్ ముఖేష్ చౌదరి ఐపీఎల్‌కు దూరం.. అతని స్థానంలో జట్టులోకి ఎవరు వచ్చారంటే..?

రోహిత్ శర్మ నేతృత్వంలోని ముంబై ఇండియన్స్ జట్టు కాస్త కష్టాల్లో ఉంది. ఈ జట్టు ప్రధాన ఫాస్ట్ బౌలర్ జస్ప్రీత్ బుమ్రా ఈ సీజన్‌లో ఆడలేడు. కొంతకాలం క్రితం వెన్నులో శస్త్రచికిత్స చేయించుకున్నాడు. అదే సమయంలో ఆస్ట్రేలియా ఫాస్ట్ బౌలర్ ఝే రిచర్డ్‌సన్ కూడా గాయం కారణంగా ఆడలేడు. అటువంటి పరిస్థితిలో జోఫ్రా ఆర్చర్, జాసన్ బెహ్రెన్‌డార్ఫ్ ముంబైకి ఫాస్ట్ బౌలింగ్ బాధ్యతను నిర్వహించవలసి ఉంటుంది.

ఇండియన్ ప్రీమియర్ లీగ్ తన అధికారిక ట్విట్టర్ ఖాతాలో పంచుకున్న చిత్రంలో భారత పేసర్ భువనేశ్వర్ కుమార్‌తో పాటు ఇతర జట్టు కెప్టెన్లు కూడా కెమెరాకు ఫోజులిచ్చారు. ఐడెన్ మార్క్రామ్ లేకపోవడంతో భువీ సన్‌రైజర్స్ హైదరాబాద్‌కు నాయకత్వం వహించనున్నాడు.ఐడెన్ మార్క్రామ్ హైదరాబాద్ కెప్టెన్ అయితే ప్రస్తుతం దక్షిణాఫ్రికాలో నెదర్లాండ్స్‌తో జరుగుతున్న ద్వైపాక్షిక సిరీస్‌లో ఆఫ్రికన్ జట్టుకు నాయకత్వం వహిస్తున్నాడు. మార్క్రామ్ తన దేశం కోసం ఆడుతున్నాడని, దాని కారణంగా అతను ప్రారంభ మ్యాచ్‌లలో సన్‌రైజర్స్‌కు ఆడడని స్పష్టమైంది. అయితే, హైదరాబాద్‌లో చేరిన తర్వాత అతను జట్టుకు నాయకత్వం వహిస్తాడు.

Follow us