అభిషేక్ శర్మ రికార్డు బద్దలు కొట్టిన పాండ్యా!

హార్దిక్ పాండ్యా విధ్వంసానికి ముందే తిలక్ వర్మ మెరుపు ఇన్నింగ్స్ ఆడారు. తిలక్ 42 బంతుల్లో ఒక సిక్సర్, 10 ఫోర్ల సాయంతో 73 పరుగులు చేశారు. ఆ తర్వాత పాండ్యా కేవలం 25 బంతుల్లోనే 252 స్ట్రైక్ రేట్‌తో 63 పరుగులు బాదారు. ఆయన ఇన్నింగ్స్‌లో 5 సిక్సర్లు, 5 ఫోర్లు ఉన్నాయి.

Author : Gopi Date : 19-12-2025 - 9:23 IST
Published By : Hashtagu Telugu Desk

Hardik Pandya

Hardik Pandya: దక్షిణాఫ్రికాతో జరిగిన ఐదో టీ20లో హార్దిక్ పాండ్యా 63 పరుగులతో తుఫాన్ ఇన్నింగ్స్ ఆడారు. దీంతో టీమిండియా 20 ఓవర్లలో 5 వికెట్ల నష్టానికి 231 పరుగుల భారీ స్కోరు సాధించింది. ఈ ఇన్నింగ్స్‌లో హార్దిక్ పాండ్యా.. అభిషేక్ శర్మ పేరిట ఉన్న ఒక పెద్ద రికార్డును బద్దలు కొట్టారు. ఇప్పుడు హార్దిక్ టీ20 ఇంటర్నేషనల్‌లో భారత్ తరపున అత్యంత వేగంగా అర్ధసెంచరీ చేసిన రెండో బ్యాటర్‌గా నిలిచారు. ఈ జాబితాలో యువరాజ్ సింగ్ మొదటి స్థానంలో ఉన్నారు.

అహ్మదాబాద్‌లో జరిగిన ఐదో టీ20లో హార్దిక్ పాండ్యా కేవలం 16 బంతుల్లోనే హాఫ్ సెంచరీ మార్కును అందుకున్నారు. తద్వారా ఈ ఏడాది ఇంగ్లాండ్‌పై 17 బంతుల్లో అర్ధసెంచరీ చేసిన అభిషేక్ శర్మను ఆయన అధిగమించారు. భారత్ తరపున టీ20ల్లో అత్యంత వేగవంతమైన ఫిఫ్టీ రికార్డు యువరాజ్ సింగ్ పేరిట ఉంది. 2007లో ఇంగ్లాండ్‌పై యువీ కేవలం 12 బంతుల్లోనే ఈ ఘనత సాధించారు. బ్రాడ్ వేసిన ఒకే ఓవర్‌లో యువరాజ్ 6 సిక్సర్లు కొట్టిన మ్యాచ్ ఇదే కావడం విశేషం.

Also Read: జ‌గ‌న్‌కు మంత్రి స‌వాల్‌.. పీపీపీ మోడల్ అక్రమమైతే జైలుకు పంపాల‌ని!

🚨 FASTEST FIFTY BY INDIAN BATTERS IN T20I HISTORY 🚨

Yuvraj Singh – 12 balls.

Hardik Pandya – 16* balls. pic.twitter.com/QU9z2lm6CR

— Johns. (@CricCrazyJohns) December 19, 2025

హార్దిక్ పాండ్యా, తిలక్ వర్మల మెరుపు ఇన్నింగ్స్

అహ్మదాబాద్‌లో జరిగిన ఈ మ్యాచ్‌లో దక్షిణాఫ్రికా టాస్ గెలిచి ముందుగా బౌలింగ్ ఎంచుకుంది. శుభ్‌మన్ గిల్ అందుబాటులో లేకపోవడంతో అభిషేక్ శర్మతో కలిసి సంజూ శామ్సన్ ఇన్నింగ్స్ ప్రారంభించారు. వీరిద్దరూ మొదటి వికెట్‌కు 63 పరుగుల భాగస్వామ్యాన్ని నెలకొల్పారు. సంజూ 22 బంతుల్లో 37 పరుగులు చేయగా, అభిషేక్ 21 బంతుల్లో 34 పరుగులు చేశారు.

హార్దిక్ పాండ్యా విధ్వంసానికి ముందే తిలక్ వర్మ మెరుపు ఇన్నింగ్స్ ఆడారు. తిలక్ 42 బంతుల్లో ఒక సిక్సర్, 10 ఫోర్ల సాయంతో 73 పరుగులు చేశారు. ఆ తర్వాత పాండ్యా కేవలం 25 బంతుల్లోనే 252 స్ట్రైక్ రేట్‌తో 63 పరుగులు బాదారు. ఆయన ఇన్నింగ్స్‌లో 5 సిక్సర్లు, 5 ఫోర్లు ఉన్నాయి.

సిరీస్ పరిస్థితి

5 మ్యాచ్‌ల ఈ టీ20 సిరీస్‌లో టీమ్ ఇండియా ప్రస్తుతం 2-1 ఆధిక్యంలో ఉంది. ఈరోజు అహ్మదాబాద్‌లో గెలిస్తే భారత్ సిరీస్‌ను 3-1తో కైవసం చేసుకుంటుంది. ఒకవేళ దక్షిణాఫ్రికా విజయం సాధిస్తే సిరీస్ 2-2తో సమం అవుతుంది.

భారత్ తరపున T20Iలలో అత్యంత వేగవంతమైన అర్ధసెంచరీలు