world cup 2023: పది పరుగులకే 2 వికెట్లు కోల్పోయిన పాకిస్తాన్
ప్రపంచకప్ 2023లో 44వ మ్యాచ్ ఈరోజు కోల్కతాలోని ఈడెన్ గార్డెన్స్లో ఇంగ్లండ్-పాకిస్థాన్ జట్ల మధ్య జరుగుతుంది. టాస్ గెలిచి తొలుత బ్యాటింగ్ చేసిన ఇంగ్లండ్ 50 ఓవర్లలో 9 వికెట్లు కోల్పోయి 337 పరుగులు చేసింది.
- By Praveen Aluthuru Published Date - 06:48 PM, Sat - 11 November 23
world cup 2023: ప్రపంచకప్ 2023లో 44వ మ్యాచ్ ఈరోజు కోల్కతాలోని ఈడెన్ గార్డెన్స్లో ఇంగ్లండ్-పాకిస్థాన్ జట్ల మధ్య జరుగుతుంది. టాస్ గెలిచి తొలుత బ్యాటింగ్ చేసిన ఇంగ్లండ్ 50 ఓవర్లలో 9 వికెట్లు కోల్పోయి 337 పరుగులు చేసింది. జట్టు తరపున బెన్ స్టోక్స్ 84 పరుగులతో అద్భుత ఇన్నింగ్స్ ఆడగా, జో రూట్ 60 పరుగులు చేశాడు. పాకిస్థాన్ తరఫున హారిస్ రౌఫ్ మూడు వికెట్లు తీయగా, షాహీన్ అఫ్రిది రెండు వికెట్లు తీశాడు. 338 పరుగుల లక్ష్యఛేదనలో పాకిస్థాన్ పది పరుగులకే రెండు వికెట్లను కోల్పోయింది. అబ్దుల్లా షఫీక్(0), ఫఖర్ జమాన్ (1) పరుగులతో పెవీలియన్ చేరారు.
ఇంగ్లండ్ జట్టు సెమీ-ఫైనల్ రేసులో లేదు. కానీ ఇంగ్లాండ్ ఛాంపియన్స్ ట్రోఫీ 2025కి అర్హత సాధించాలంటే, వారు ఈ మ్యాచ్ గెలవాల్సి ఉంది. అదే సమయంలో సెమీఫైనల్కు చేరుకోవాలంటే పాకిస్థాన్కు ఓ అద్భుతం జరగాలి.ఇంగ్లండ్, పాకిస్థాన్ మధ్య ఇప్పటి వరకు మొత్తం 91 వన్డే మ్యాచ్లు జరిగాయి. ఇందులో ఇంగ్లండ్ 56-32 ఆధిక్యంలో ఉంది. మూడు మ్యాచ్ల్లో ఫలితాలు తేలలేదు. ప్రపంచకప్లో ఇరు జట్ల మధ్య 10 మ్యాచ్లు జరిగాయి. నాలుగు మ్యాచ్ల్లో ఇంగ్లండ్ గెలుపొందగా, ఐదు మ్యాచ్ల్లో పాకిస్థాన్ విజయం సాధించింది. ఒక్క మ్యాచ్ ఫలితం తేలలేదు.
ఇంగ్లాండ్ జట్టు – జానీ బెయిర్స్టో, డేవిడ్ మలన్, జో రూట్, బెన్ స్టోక్స్, హ్యారీ బ్రూక్, జోస్ బట్లర్ (కెప్టెన్), మోయిన్ అలీ, క్రిస్ వోక్స్, డేవిడ్ విల్లీ, గుస్ అట్కిన్సన్ మరియు ఆదిల్ రషీద్.
పాకిస్థాన్ జట్టు: అబ్దుల్లా షఫీక్, ఫఖర్ జమాన్, బాబర్ ఆజం (కెప్టెన్), మహ్మద్ రిజ్వాన్, సౌద్ షకీల్, ఇఫ్తీకర్ అహ్మద్, షాదాబ్ ఖాన్, అఘా సల్మాన్, మహ్మద్ వసీం జూనియర్, షాహీన్ అఫ్రిది మరియు హారిస్ రవూఫ్.
Also Read: Telangana: కేసీఆర్ నిర్ణయానికి ఎన్నికల సంఘం నో..
Related News
India vs Pakistan: ఇండియా వర్సెస్ పాకిస్థాన్.. సోషల్ మీడియాలో ప్రోమో వీడియో వైరల్..!
T20 వరల్డ్ కప్ 2024.. IPL 2024 ఫైనల్ తర్వాత ప్రారంభమవుతుంది. అమెరికా, వెస్టిండీస్ సంయుక్తంగా నిర్వహించనున్న ఈ టోర్నీ జూన్ 2 నుంచి ప్రారంభం కానుంది.