HashtagU Telugu
Telugu
  • English
  • हिंदी
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • స్పెషల్
  • ఆఫ్ బీట్
Telugu
  • English
  • हिंदी
Hashtagu Logo
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • ఫోటో గ్యాలరీ
  • స్పీడ్ న్యూస్
  • హెల్త్
  • లైఫ్ స్టైల్
  • ఆధ్యాత్మికం
  • ఆఫ్ బీట్
  • Trending
  • # IPL 2025
  • # Revanth Reddy
  • # KTR
  • # PM Modi
  • # ChandrababuNaidu
  • # JaganMohanReddy
  • Telugu News
  • > Sports
  • >Delhi Capitals Beat Royal Challengers Bangalore By 6 Wickets

Royal Challengers Bangalore: మళ్లీ ఓటమే.. డబ్ల్యూపీఎల్ లో ఐదో ఓటమి చవిచూసిన బెంగళూరు

డబ్ల్యూపీఎల్ లో రాయల్ చాలెంజర్స్ బెంగళూరు (Royal Challengers Bangalore) పరాజయ పరంపర కొనసాగుతోంది. తాజాగా ఐదో ఓటమిని మూటగట్టుకుంది. మహిళల ప్రీమియర్ లీగ్ 11వ మ్యాచ్‌లో ఢిల్లీ క్యాపిటల్స్ ఆరు వికెట్ల తేడాతో రాయల్ ఛాలెంజర్స్ బెంగళూరును ఓడించింది.

  • By Gopichand Published Date - 06:37 AM, Tue - 14 March 23
  • daily-hunt
Royal Challengers Bangalore
Resizeimagesize (1280 X 720) 11zon

డబ్ల్యూపీఎల్ లో రాయల్ చాలెంజర్స్ బెంగళూరు (Royal Challengers Bangalore) పరాజయ పరంపర కొనసాగుతోంది. తాజాగా ఐదో ఓటమిని మూటగట్టుకుంది. మహిళల ప్రీమియర్ లీగ్ 11వ మ్యాచ్‌లో ఢిల్లీ క్యాపిటల్స్ ఆరు వికెట్ల తేడాతో రాయల్ ఛాలెంజర్స్ బెంగళూరును ఓడించింది. టాస్ ఓడి తొలుత బ్యాటింగ్ చేసిన బెంగళూరు 20 ఓవర్లలో నాలుగు వికెట్ల నష్టానికి 150 పరుగులు చేసింది. అనంతరం ఢిల్లీ 19.4 ఓవర్లలో నాలుగు వికెట్లు కోల్పోయి లక్ష్యాన్ని ఛేదించింది. బెంగళూరు జట్టుకు ఇది వరుసగా ఐదో ఓటమి.ఈ లీగ్‌లో ఇప్పటి వరకు ఒక్క మ్యాచ్‌ కూడా గెలవని ఆ జట్టు పాయింట్ల పట్టికలో అట్టడుగున ఐదో స్థానంలో ఉంది. అదే సమయంలో ఐదు మ్యాచ్‌ల్లో ఢిల్లీ జట్టుకు ఇది నాలుగో విజయం. ముంబైతో జరిగిన మ్యాచ్‌లో ఆ జట్టు ఓడిపోయింది. పాయింట్ల పట్టికలో ఢిల్లీ జట్టు 8 పాయింట్లతో రెండో స్థానంలో ఉంది.

తొలుత బ్యాటింగ్ చేసిన రాయల్ ఛాలెంజర్స్ బెంగళూరు ఢిల్లీ క్యాపిటల్స్ ముందు 151 పరుగుల లక్ష్యాన్ని నిర్దేశించింది. దీంతో ఆర్‌సీబీ నిర్ణీత 20 ఓవర్లలో నాలుగు వికెట్ల నష్టానికి 150 పరుగులు చేసింది. బెంగళూరు తరఫున ఎల్లీస్ పెర్రీ 52 బంతుల్లో 67 పరుగులతో అజేయ ఇన్నింగ్స్ ఆడింది. రిచా ఘోష్ 16 బంతుల్లో 37 పరుగులు చేసింది. వీరిద్దరూ తప్ప మరే బ్యాట్స్‌మెన్ రాణించలేదు. 15 బంతుల్లో ఎనిమిది పరుగులు చేసి కెప్టెన్ స్మృతి మంధాన మరోసారి విఫలమై ఔటైంది. తర్వాత సోఫీ డివైన్ కూడా 19 బంతుల్లో 21 పరుగులు చేసి ఔట్ అయింది. శిఖా పాండే ఇద్దరినీ పెవిలియన్‌కు పంపింది. హీథర్ నైట్‌ను కూడా 12 బంతుల్లో 11 పరుగులు చేసిన తర్వాత తారా నోరిస్ అవుట్ చేసింది.

63 పరుగులకే మూడు వికెట్లు పడిపోవడంతో పెర్రీ, రిచా రాణించారు. వీరిద్దరూ నాలుగో వికెట్‌కు 34 బంతుల్లో 74 పరుగుల భాగస్వామ్యాన్ని నెలకొల్పారు. రిచా తన ఇన్నింగ్స్‌లో మూడు ఫోర్లు, మూడు సిక్సర్లు కొట్టింది. పెర్రీ తన అజేయ ఇన్నింగ్స్‌లో 67 పరుగులతో నాలుగు ఫోర్లు, ఐదు సిక్సర్లతో అజేయంగా నిలిచింది. చివరి ఐదు ఓవర్లలో పెర్రీ ధాటికి RCB 70 పరుగులు చేసి ఒక వికెట్ కోల్పోయింది. ఢిల్లీ బౌలర్లలో శిఖా మూడు వికెట్లు, నోరిస్ ఒక వికెట్ తీశారు.

Also Read: Smart Cities: ఏప్రిల్ నాటికి దేశంలో మరో 22 స్మార్ట్ సిటీలు రెడీ

151 పరుగుల విజయలక్ష్యంతో బరిలోకి దిగిన ఢిల్లీ జట్టుకు శుభారంభం లభించలేదు. తొలి ఓవర్‌లోనే షెఫాలీ వర్మ ఔటైంది. మెగాన్ షట్ ఆమెని క్లీన్ బౌల్డ్ చేసింది. షెఫాలీ ఖాతా కూడా తెరవలేకపోయింది. మెగ్ లానింగ్, అలిస్ క్యాప్సే రెండో వికెట్‌కు 44 పరుగుల భాగస్వామ్యాన్ని అందించారు. క్యాప్సే 24 బంతుల్లో 8 ఫోర్ల సాయంతో 38 పరుగులు చేసిఅవుట్ అయింది. కెప్టెన్ మెగ్ లానింగ్ 18 బంతుల్లో 15 పరుగులు చేసి అవుట్ కాగా.. జెమీమా రోడ్రిగ్స్, మరిజానే క్యాప్ నాలుగో వికెట్‌కు 39 పరుగుల భాగస్వామ్యం నెలకొల్పారు.

28 బంతుల్లో 32 పరుగులు చేసి జెమీమా ఔటైంది. కాప్, జెస్ జోనాస్సెన్ కలిసి ఢిల్లీ జట్టును గెలిపించారు. చివరి ఓవర్‌లో ఢిల్లీ విజయానికి తొమ్మిది పరుగులు కావాలి. రేణుకా సింగ్ బౌలింగ్ చేయడానికి వచ్చింది. తొలి రెండు బంతుల్లో రెండు పరుగులు వచ్చాయి. మూడో బంతికి జోనాస్సెన్ సిక్సర్ బాదింది. నాలుగో బంతికి ఫోర్ కొట్టి తన జట్టును గెలిపించింది. మరిజానే కాప్ 32 బంతుల్లో 32 పరుగులతో నాటౌట్‌గా నిలవగా, జోనాస్సెన్ 15 బంతుల్లో 29 పరుగులు చేసింది. బెంగళూరు తరఫున ఆశా శోభన రెండు వికెట్లు పడగొట్టింది. అదే సమయంలో మేగాన్‌ షట్‌, ప్రీతి బోస్‌లకు ఒక్కో వికెట్ దక్కింది.


Follow us
HashtagU Telugu Google News HashtagU Telugu Facebook twitter-icon instagram whatsapp telugu-hashtagu

Tags

  • delhi capitals
  • RCB vs DC
  • royal challengers bangalore
  • WPL

Related News

    Latest News

    • BSNL : బీఎస్ఎన్ఎల్ కస్టమర్లకు గుడ్‌న్యూస్

    • Vote For Note Case : మరోసారి ఓటుకు నోటు కేసు విచారణ

    • Big Shock to TDP : వైసీపీలో చేరిన కీలక నేతలు

    • KCR : కేటీఆర్, హరీశ్ రావుతో కేసీఆర్ మీటింగ్

    • OG Success : OG సక్సెస్ ను ఎంజాయ్ చేయలేకపోతున్న పవన్

    Trending News

      • Prime Minister Routine Checkup: ప్రధానమంత్రి మోదీ ఆరోగ్య ప్రోటోకాల్.. ప్రతి 3 నెలలకు ఒకసారి చెకప్!

      • Rupee: పుంజుకున్న రూపాయి.. బ‌ల‌హీన‌ప‌డిన డాల‌ర్‌!

      • IND vs PAK Final: భార‌త్‌- పాక్ మ‌ధ్య ఫైన‌ల్ మ్యాచ్‌.. పైచేయి ఎవ‌రిదంటే?

      • Ladakh: లడఖ్‌లో ఉద్రిక్త ప‌రిస్థితుల‌కు కార‌ణాలీవేనా??

      • UPI Boom: యూపీఐ వినియోగం పెరగడంతో నగదు వాడకం తగ్గింది: ఆర్‌బీఐ

    HashtagU Telugu
    • Contact Us
    • About Us
    • Privacy & Cookies Notice
    Network
    • English News
    • Telugu News
    • Hindi News
    Category
    • Telangana News
    • Andhra Pradesh News
    • National News
    • South
    • Entertainment News
    • Trending News
    • Special News
    • Off Beat
    • Business News
    Trending News
    • Health Tips
    • Movie Reviews
    • 2024 Olympics
    • Life Style
    • Nara Lokesh
    • Nara Chandrababu Naidu
    • Revanth Reddy
    • kcr

    follow us

    • Copyright © 2025 Hashtag U. All rights reserved.
    • Powered by Veegam Software Pvt Ltd