Wyatt- Hodge: ఇదేం వింత.. స్నేహితురాలిని పెళ్లి చేసుకున్న మహిళా క్రికెటర్

Wyatt- Hodge
Wyatt- Hodge

Wyatt- Hodge: ఇంగ్లండ్ మహిళా క్రికెటర్ డేనియల్ వ్యాట్ తన స్నేహితురాలు జార్జి హాడ్జ్‌ (Wyatt- Hodge)ని పెళ్లి చేసుకుంది. డేనియల్ పెళ్లి ఫోటోలను తన సోషల్ మీడియా ఖాతా ఇన్‌స్టాగ్రామ్‌లో షేర్ చేసింది. డేనియల్- జార్జి హాడ్జ్ చాలా కాలంగా సంబంధంలో ఉన్నారు. వీరిద్దరికీ గతేడాది నిశ్చితార్థం జరిగింది. డేనియల్ వ్యాట్ క్రికెటర్ అయితే, జార్జి హాడ్జ్ ఫుట్‌బాల్ జట్టుకు మేనేజర్. ఇప్పుడు వీరిద్దరి పెళ్లి చిత్రాలపై అభిమానులు కూడా విపరీతమైన ప్రేమను కురిపిస్తున్నారు.

విరాట్ కోహ్లీకి ప్రపోజ్ చేసింది

డేనియల్ వ్యాట్ 2014లో విరాట్ కోహ్లీకి ప్రపోజ్ చేసి వార్తల్లో నిలిచింది. 2014లో డేనియల్ వ్యాట్ తన అధికారిక ఇన్‌స్టాగ్రామ్ ఖాతాలో విరాట్ కోహ్లీకి ప్రపోజ్ చేస్తూ.. కోహ్లీ నన్ను పెళ్లి చేసుకో అని చేసింది. ఆమె చేసిన ఈ పోస్ట్ అభిమానుల్లో చర్చనీయాంశంగా మారింది. ఆ తర్వాత తన పోస్ట్‌పై క్లారిటీ ఇస్తూ.. కేవలం జోక్‌గా చేశానని పేర్కొంది.

Also Read: T20 World Cup: టీ20 ప్రపంచకప్ నుండి ఇంటిముఖం పట్టే జట్లు ఇవేనా..!

డేనియల్ వ్యాట్ క్రికెట్ కెరీర్

డేనియల్ వ్యాట్ ఇప్పటి వరకు ఇంగ్లండ్ మహిళల క్రికెట్ జట్టు తరఫున 2 టెస్టులు, 110 వన్డేలు, 156 టీ20 ఇంటర్నేషనల్ మ్యాచ్‌లు ఆడింది. డేనియల్ వ్యాట్ 2 టెస్టుల్లో 129 పరుగులు చేసింది. ఈ సమయంలో ఆమె హాఫ్ సెంచరీ కూడా సాధించింది. ఇది కాకుండా 110 వన్డే మ్యాచ్‌లలో 1907 పరుగులు చేసింది. ఈ కాలంలో వ్యాట్ 5 అర్ధ సెంచరీలు, 2 సెంచరీలు సాధించింది. కాగా డేనియల్ వ్యాట్ 156 టీ20 మ్యాచ్‌ల్లో 2726 పరుగులు చేసింది. టీ20లో 14 హాఫ్ సెంచరీలు, 2 సెంచరీలు సాధించింది.

ఈ పెళ్లిపై నెటిజన్ల స్పందన ఇదే

వ్యాట్, హాడ్జ్ వారి వివాహానికి సోషల్ మీడియాలో చాలా అభినందనలు అందుకుంటున్నారు. ఒక వినియోగదారు ఓహ్, మై గాడ్ అని రాశారు. వీరిద్దరి జోడీ చాలా అందంగా కనిపిస్తోంది. అభినందనలు అని మరొకరు వ్యాఖ్యానించారు. డానీ అండ్ జార్జికి ఆల్ ది బెస్ట్! మీరిద్దరూ చాలా అందంగా కనిపిస్తున్నారు అని మరొకరు కామెంట్ చేశారు. అద్భుతం. మీ ఇద్దరికీ వివాహ శుభాకాంక్షలు’ అని భారత మహిళా క్రికెటర్లు షెఫాలీ వర్మ, సుష్మా వర్మ వ్యాఖ్యానించారు.

We’re now on WhatsApp : Click to Join


Follow us

Tags