Wimbledon: వింబుల్డన్ టెన్నిస్ టోర్నమెంట్ లో క్వార్టర్ ఫైనల్‌లోకి ప్రవేశించిన రోహన్ బోపన్న జోడీ

Resizeimagesize (1280 X 720)

Wimbledon: మంగళవారం జరిగిన వింబుల్డన్ (Wimbledon) టెన్నిస్ టోర్నమెంట్ పురుషుల డబుల్స్‌లో భారత స్టార్ ప్లేయర్ రోహన్ బోపన్న, ఆస్ట్రేలియాకు చెందిన మాథ్యూ ఎబ్డెన్ (Bopanna-Ebden) జోడీ క్వార్టర్ ఫైనల్లోకి దూసుకెళ్లింది. నెదర్లాండ్స్‌కు చెందిన డేవిడ్ పెల్, అమెరికాకు చెందిన రెసీ స్టాడ్లర్‌ల జోడీని బోపన్న-ఎబ్డెన్ జోడీ గట్టిపోటీలో ఓడించింది. ఆరో సీడ్ జోడీ బోపన్న-ఎబ్డెన్‌లు తమ ప్రీ-క్వార్టర్‌ఫైనల్ మ్యాచ్‌లో 7-5, 4-6, 7-6తో అన్‌సీడెడ్ పెల్-స్టాడ్లర్ జోడీని ఓడించారు. క్వార్టర్ ఫైనల్‌లో బోపన్న, ఎబ్డెన్‌లు నెదర్లాండ్స్ జోడీ టెలోన్ గ్రీక్స్‌పూర్, బార్ట్ స్టీవెన్స్‌తో తలపడనున్నారు. రెండో రౌండ్‌లోని మరో మ్యాచ్‌లో ఈ జంట 7-5, 6-4తో వరుస సెట్లలో బ్రెజిల్‌కు చెందిన మార్సెలో మెలో, ఆస్ట్రేలియాకు చెందిన జాన్ పీర్స్ జోడీని ఓడించింది.

దీనికి ముందు బోపన్న, అబ్డెన్ సోమవారం బ్రిటిష్ జోడీ జాకబ్ ఫియర్న్లీ, జోహన్నెస్‌లను ఓడించారు. కేవలం గంట వ్యవధిలో బోపన్న, అబ్డెన్ 7-5, 6-3 తేడాతో 16వ రౌండ్‌కు చేరుకున్నారు. అంతకుముందు మ్యాచ్‌లో బోపన్న, ఎబ్డెన్‌ల జోడీ నెమ్మదిగా ఆరంభించి 1-3తో వెనుకబడింది. అయితే సమయానికి లయను గుర్తించిన ఇండో-ఆస్ట్రేలియన్ జంట స్కోరును 4-4తో సమం చేసింది. బ్రిటీష్ జోడీ కూడా స్వల్ప పోరాటాన్ని ప్రదర్శించింది. అయితే బోపన్న- ఎబ్డెన్ మ్యాచ్‌ను నియంత్రించి తిరుగులేని విజయాన్ని నమోదు చేశారు.

Also Read: Ajinkya Rahane : నాలో ఇంకా చాలా క్రికెట్ ఉంది.. వైస్ కెప్టెన్సీపైనా రహానే ఆసక్తికర వ్యాఖ్యలు

భారత ఆటగాడు రోహన్ బోపన్న ఇప్పటివరకు గొప్ప కెరీర్‌ను కలిగి ఉన్నాడు. అతను మాస్టర్స్ 1000 ఫైనల్స్‌లో మంచి ప్రదర్శన కనబరిచాడు. బోపన్న తన భాగస్వామి ఐసామ్-ఉల్-హక్ ఖురేషీతో కలిసి పారిస్ ఛాంపియన్‌షిప్ 2011లో టైటిల్‌ను గెలుచుకున్నాడు. దీని తర్వాత 2012లో మహేశ్ భూపతితో కలిసి టైటిల్ గెలుచుకున్నాడు. అతను 2015లో మాడ్రిడ్ ఛాంపియన్‌షిప్‌ను గెలుచుకున్నాడు. 2013లో కూడా బోపన్న ఇండియన్ వెల్స్ విజేతగా నిలిచాడు. ఇందులో కూడా అతని భాగస్వామి మాథ్యూ ఎబ్డెన్.

Follow us