Ben Stokes: వన్డే రిటైర్మెంట్పై బెన్ స్టోక్స్ యూటర్న్..? ప్రపంచకప్ కోసం ఇంగ్లండ్ జట్టులోకి రీఎంట్రీ..?
గతేడాది ఇంగ్లండ్ టెస్టు జట్టు కెప్టెన్ బెన్ స్టోక్స్ (Ben Stokes) వన్డే ఫార్మాట్కు వీడ్కోలు పలికిన సంగతి తెలిసిందే.
- By Gopichand Published Date - 06:32 AM, Tue - 15 August 23
Ben Stokes: గతేడాది ఇంగ్లండ్ టెస్టు జట్టు కెప్టెన్ బెన్ స్టోక్స్ (Ben Stokes) వన్డే ఫార్మాట్కు వీడ్కోలు పలికిన సంగతి తెలిసిందే. అయితే ఇప్పుడు తన నిర్ణయంతో యూ టర్న్ తీసుకోవచ్చు. ఈ ఏడాది భారత గడ్డపై వన్డే ప్రపంచకప్ జరగనుంది. బెన్ స్టోక్స్ ప్రపంచకప్లో ఇంగ్లాండ్ జట్టు వన్డే’జెర్సీలో కనిపిస్తాడని సమాచారం. మీడియా నివేదికల ప్రకారం.. బెన్ స్టోక్స్ ప్రపంచ కప్లో ఆడేందుకు తన రిటైర్మెంట్ నిర్ణయం నుండి U-టర్న్ తీసుకునే మూడ్లో ఉన్నట్లు తెలుస్తుంది.
ఇంగ్లండ్కు శుభవార్త
బెన్ స్టోక్స్ ప్రపంచకప్ ఆడేందుకు సిద్ధంగా ఉన్నాడు. బెన్ స్టోక్స్ పునరాగమనం ఇంగ్లండ్ అభిమానులకు రిలీఫ్ న్యూస్. అయితే ఐపీఎల్ టీమ్ చెన్నై సూపర్ కింగ్స్ కు పెద్ద దెబ్బ తగలనుంది. నిజానికి 2024 టీ20 ప్రపంచకప్లో ఆడేందుకు బెన్ స్టోక్స్ ఐపీఎల్లో ఆడడని చెబుతున్నారు. ఒకవేళ బెన్ స్టోక్స్ ఐపీఎల్లో ఆడకపోతే చెన్నై సూపర్ కింగ్స్కు గట్టి దెబ్బ. IPL 2023 వేలంలో చెన్నై సూపర్ కింగ్స్ భారీ మొత్తాన్ని వెచ్చించి బెన్ స్టోక్స్ను తమ జట్టులో చేర్చుకుంది.
బెన్ స్టోక్స్ 2023 ప్రపంచకప్లో ఆడనున్నాడు
అదే సమయంలో బెన్ స్టోక్స్ 2023 ప్రపంచ కప్లో స్పెషలిస్ట్ బ్యాట్స్మెన్గా ఆడతాడని, అంటే అతను బౌలింగ్ చేయడని సమాచారం. అలాగే 2023 ప్రపంచకప్లో బెన్ స్టోక్స్ ఇంగ్లండ్ మిడిల్ ఆర్డర్లో బ్యాటింగ్లో కనిపిస్తాడని చెబుతున్నారు. గత సంవత్సరం బెన్ స్టోక్స్ టెస్ట్ ఫార్మాట్పై దృష్టి పెట్టడానికి వన్డే ఫార్మాట్కు వీడ్కోలు పలికాడు. కానీ ఇప్పుడు అతను మరోసారి వన్డే ఫార్మాట్లో ఇంగ్లాండ్ జెర్సీలో కనిపించే అవకాశం ఉంది.
2019లో స్టోక్స్ అద్భుత ఆటతీరుతోనే తొలిసారిగా ఇంగ్లండ్ జట్టు వరల్డ్కప్ గెలుచుకుంది. అయితే గతేడాది అతను వన్డే ఫార్మాట్కు వీడ్కోలు పలికాడు. పునరాగమనం చేయాలని తనను ప్రస్తుత కెప్టెన్ జోస్ బట్లర్ అడిగితే ఆలోచిస్తానని స్టోక్స్ చెప్పినట్టు అక్కడి మీడియాలో కథనాలు వినిపిస్తున్నాయి.
Related News
Artificial Intelligence: ఆర్టిఫిషియల్ ఇంటెలిజెన్స్ ద్వారా ప్లేయింగ్ ఎలెవన్ ఎంపిక.. ఆసక్తికర విషయాలు చెప్పిన కోచ్
ఇంగ్లండ్ తమ ప్లేయింగ్ ఎలెవన్ను ఎంపిక చేసుకునేటప్పుడు ఆర్టిఫిషియల్ ఇంటెలిజెన్స్ ని ఉపయోగిస్తోందని మహిళల హెడ్ కోచ్ జోన్ లూయిస్ వెల్లడించారు.