Ireland: ప్రపంచ కప్‌కు అర్హత సాధించలేకపోయిన ఐర్లాండ్.. జట్టు కెప్టెన్సీని వదులుకున్న ఆండ్రూ బల్బిర్నీ..!

Ireland: క్రికెట్‌లో అతిపెద్ద మహాసంగ్రామం అంటే నాలుగు సంవత్సరాలకు ఒకసారి జరిగే ప్రపంచకప్ అని క్రికెట్ అభిమానులకు తెలిసిందే. ప్రపంచకప్ ఆడాలని ప్రతి దేశ జట్టు కలలు కంటుంది. అయితే ఈసారి భారత్‌లో జరగనున్న ప్రపంచకప్‌లో వెస్టిండీస్, జింబాబ్వే, ఐర్లాండ్ (Ireland) జట్లు కనిపించవు. వెస్టిండీస్, జింబాబ్వేతో పాటు, ఐర్లాండ్ (Ireland) కూడా ప్రపంచ కప్‌కు అర్హత సాధించలేకపోయింది. ఆ తర్వాత జట్టు కెప్టెన్ ఆండ్రూ బల్బిర్నీ కెప్టెన్సీని వదులుకుంటున్నట్లు ప్రకటించాడు.

కెప్టెన్సీ నుంచి తప్పుకున్నాడు

ఐర్లాండ్ క్రికెట్ జట్టు ప్రపంచకప్ నుంచి నిష్క్రమించిన తర్వాత వైట్ బాల్ క్రికెట్‌లో కెప్టెన్సీని వదులుకుంటున్నట్లు ఐర్లాండ్ క్రికెట్ జట్టు కెప్టెన్ ఆండ్రూ బల్బిర్నీ ప్రకటించారు. ఈ విషయాన్ని ఐర్లాండ్ క్రికెట్ స్వయంగా ధృవీకరించింది. 2019 వన్డే ప్రపంచకప్ నుంచి ఆండ్రూ బల్బిర్నీ జట్టుకు కెప్టెన్‌గా ఉన్నాడు. ఇప్పుడు అతని స్థానంలో ఓపెనర్ పాల్ స్టిర్లింగ్‌ను తాత్కాలిక కెప్టెన్‌గా ఐర్లాండ్ క్రికెట్ నియమించింది.

Also Read: Ajit Agarkar: టీమిండియా చీఫ్ సెలెక్టర్‌ అజిత్ అగార్కర్ ముందున్న సవాళ్లు ఇవే..!

👉 BREAKING NEWS

Andrew Balbirnie steps down from white-ball captaincy with immediate effect, Paul Stirling has been named interim captain.

Read more: https://t.co/pvjsyyEDdv#BackingGreen   ☘️🏏 pic.twitter.com/HjJoJCwKXd

— Cricket Ireland (@cricketireland) July 4, 2023

కెప్టెన్సీ నుంచి తప్పుకున్న తర్వాత ఆండ్రూ బల్బిర్నీ ఏం చెప్పాడంటే..?

ఆండ్రూ బల్బిర్నీ మాట్లాడుతూ.. చాలా ఆలోచించిన తర్వాత, నేను ODI, T20I కెప్టెన్సీ నుండి వైదొలగాలని నిర్ణయం తీసుకున్నాను. గత కొన్నేళ్లుగా ఈ జట్టుకు నాయకత్వం వహించడం గొప్ప గౌరవం. నా సహచరులు నాపై నమ్మకం కొనసాగించడాన్ని చూడటం, నాకు మద్దతు ఇవ్వటం. ఆటగాళ్లు, కోచ్‌లు, అభిమానులకు నేను కృతజ్ఞుడను అని అన్నాడు. ఇది నాకు సరైన సమయం అని నేను భావిస్తున్నాను. అయితే నేను ఈ జట్టు కోసం నా ఉత్తమమైనదాన్ని అందిస్తూనే ఉంటాను. బ్యాట్‌తో కూడా సహకరించడానికి కృషి చేస్తాను. రాబోయే కొన్ని సంవత్సరాలు మాకు మంచిగా ఉంటాయని ఆశిస్తున్నాను. ప్రతి ఒకరికి ధన్యవాదాలు అంటూ పేర్కొన్నాడు.