HashtagU Telugu
Telugu
  • English
  • हिंदी
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • స్పెషల్
  • ఆఫ్ బీట్
Telugu
  • English
  • हिंदी
Hashtagu Logo
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • ఫోటో గ్యాలరీ
  • స్పీడ్ న్యూస్
  • హెల్త్
  • లైఫ్ స్టైల్
  • ఆధ్యాత్మికం
  • ఆఫ్ బీట్
  • Trending
  • # IPL 2025
  • # Revanth Reddy
  • # KTR
  • # PM Modi
  • # ChandrababuNaidu
  • # JaganMohanReddy

  • Telugu News
  • >Sports
  • >All Round Rajasthan Royals Thrash Sunrisers

IPL 2023 : రాయల్‌గా రాజస్థాన్ విక్టరీ.. సొంతగడ్డపై సన్ రైజర్స్ ఫ్లాఫ్ షో..!!

  • By hashtagu Published Date - 07:29 PM, Sun - 2 April 23
  • daily-hunt
Ipl
Ipl

గత ఏడాది రన్నరప్ రాజస్థాన్ రాయల్స్ ఐపీఎల్ 16వ (IPL 2023) సీజన్ ను గ్రాండ్ విక్టరీతో మొదలుపెట్టింది. ఉప్పల్ స్టేడియంలో సన్ రైజర్స్ హైదరాబాద్ ను 72 పరుగుల తేడాతో చిత్తు చేసింది. ఈ మ్యాచ్ లో సన్ రైజర్స్ హైదరాబాద్ అట్టర్ ఫ్లాపైంది. అటు బౌలింగ్..ఇటు బ్యాటింగ్ ఎందులోనూ స్థాయికి తగిన ఆటతీరు కనబరచలేకపోయింది. మొదట బ్యాటింగ్ కు దిగిన రాజస్థాన్ రాయల్స్ భారీస్కోర్ సాధించింది. ఓపెనర్లు యశస్వి జైశ్వాల్ , జాస్ బట్లర్ , సంజూ శాంసన్ దంచికొట్టారు. పవర్ ప్లేలో హైదరాబాద్ బౌలర్లకు ఈ ముగ్గురూ చుక్కలు చూపించారు. ముఖ్యంగా బట్లర్ విధ్వంసకర ఇన్నింగ్స్ ఆడాడు. భారీ షాట్లతో చెలరేగిన బట్లర్ కేవలం 22 బంతుల్లోనే 7 ఫోర్లు, 3 సిక్సర్లతో 54 పరుగులు చేశాడు.

జైశ్వాల్ , బట్లర్ తొలి వికెట్ కు కేవలం 5.5 ఓవర్లలోనే 85 పరుగులు జోడించారు. దూకుడుగా ఆడుతున్న బట్లర్‌ను బౌల్డ్ చేసి ఫరూఖి హైదరాబాద్‌కు తొలి బ్రేక్ ఇచ్చాడు .తర్వాత సంజూ శాంసన్ మెరుపు హాఫ్ సెంచరీతో అదరగొట్టాడు. టీమిండియాలో ప్లేస్ కోసం ఎదురుచూస్తున్న సంజూ ఈ సీజన్ ను హాఫ్ సెంచరీతో ఆరంభించాడు. కాన్ఫిడెంట్ గా కనిపించిన ఈ కేరళ యువక్రికెటర్ 32 బంతుల్లో 3 ఫోర్లు, 4 సిక్సర్లతో 55 పరుగులు చేశాడు. ఒక దశలో రాజస్థాన్ 220కి పైగా స్కోర్ చేస్తుందనుకున్నారు. అయితే చివర్లో పుంజుకున్న సన్ రైజర్స్ బౌలర్లు రాజస్థాన్ జోరుకు కళ్ళెం వేశారు. దీంతో రాయల్స్ 20 ఓవర్లలో 5 వికెట్లకు 203 పరుగులు చేసింది. సన్ రైజర్స్ బౌలర్లలో ఆఫ్ఘనిస్థాన్ పేసర్ ఫరూఖీ 2 , నటరాజన్ 2 , ఉమ్రాన్ మాలిక్ 1 వికెట్ పడగొట్టారు. కాగా ఈ మ్యాచ్ తో సన్ రైజర్స్ హైదరాబాద్ ప్లేయర్ హ్యారీ బ్రూక్ ఐపీఎల్ అరంగేట్రం చేశాడు.

ఛేజింగ్ లో సన్ రైజర్స్ హైదరాబాద్ కు తొలి ఓవర్ లోనే కోలుకోలేని ఎదురుదెబ్బ తగిలింది. రాజస్థాన్ పేసర్ ట్రెంట్ బౌల్ట్ రెండు వికెట్లు పడగొట్టి దెబ్బకొట్టాడు. అభిషేక్ శర్మతో పాటు రాహుల్ త్రిపాఠీని డకౌట్ గా పెవిలియన్ కు పంపాడు. దీంతో సన్ రైజర్స్ ఖాతా కూడా తెరవకుండానే 2 వికెట్లు కోల్పోయింది. 13.25 కోట్లు పెట్టి కొనుగోలు చేసిన హ్యారీ బ్రూక్ కూడా అంచనాలకు తగ్గట్టు ఆడలేకపోయాడు. తొలిసారి భారత్ పిచ్ లపై ఆడుతుండడంతో అంత సౌకర్యవంతంగా కనిపించలేదు. కేవలం ఒకే ఒక ఫోర్ కొట్టిన బ్రూక్ 21 బంతుల్లో కేవలం 13 పరుగులకే ఔటయ్యాడు. మిగిలిన బ్యాటర్లలో ఎవ్వరూ పెద్దగా రాణించలేదు.

ఇంపాక్ట్ ప్లేయర్ గా వచ్చిన అబ్దుల్ సమద్ ఆరంభంలో నిదానంగా ఆడాడు. చివర్లో భారీ షాట్లు కొట్టినా స్కోర్ 130 దాటేందుకే ఉపయోగపడింది. రాజస్థాన్ బౌలర్లు అందరూ అద్భుతంగా బౌలింగ్ చేసారు. సన్ రైజర్స్ బ్యాటర్లకు భారీ షాట్లు కొట్టే అవకాశం ఇవ్వలేదు. దీంతో 10 ఓవర్లు పూర్తయ్యేటప్పటికే రాజస్థాన్ విజయం ఖాయమైపోయింది. అబ్దుల్ సమద్ 32 , ఉమ్రాన్ మాలిక్ 8 బంతుల్లో 19 రన్స్ తో నాటౌట్ గా నిలిచారు. రాజస్థాన్ బౌలర్లలో చాహల్ 4 , బౌల్ట్ 2 , అశ్విన్, హోల్డర్ తలో వికెట్ పడగొట్టారు. మొత్తం మీద ఈ మ్యాచ్ లో సన్ రైజర్స్ హైదరాబాద్ అన్ని విభాగాల్లోనూ విఫలమైందనే చెప్పాలి. బౌలర్లు పేలవ ప్రదర్శన కనబరిస్తే.. వారికి పోటీగా బ్యాటర్లు కూడా నిరాశపరిచారు. బౌలర్లలో నటరాజన్ , ఆదిల్ రషీద్ తప్పిస్తే… మిగిలిన వారంతా ఓవర్ కు 10కి పైగా పరుగులు సమర్పించుకున్నారు. కాగా సన్ రైజర్స్ హైదరాబాద్ తన తర్వాతి మ్యాచ్ లో ఏప్రిల్ 7న లక్నో వేదికగా లక్నో సూపర్ జెయింట్స్ తో తలపడుతుంది.


Follow us
HashtagU Telugu Google News HashtagU Telugu Facebook twitter-icon instagram whatsapp telugu-hashtagu

Tags

  • IPL
  • IPL 2023
  • rajasthan royals
  • Royal victory for Rajasthan
  • sunrisers

Related News

Dravid

Dravid: రాజ‌స్థాన్ రాయ‌ల్స్‌కు ద్ర‌విడ్ గుడ్ బై చెప్ప‌టానికి ప్ర‌ధాన కార‌ణాలీవేనా?

అయితే రాజస్థాన్ రాయల్స్ లోపల ఏం జరుగుతుందో ఎవరికీ తెలియదు. ఇప్పుడు రాహుల్ ద్రవిడ్ తర్వాత రాజస్థాన్ రాయల్స్ కొత్త హెడ్ కోచ్‌గా ఎవరు అవుతారో చూడాలి.

  • Dravid

    Rahul Dravid: రాజస్థాన్ రాయల్స్ జట్టుకు షాక్‌.. హెడ్ కోచ్ ప‌ద‌వి నుంచి త‌ప్పుకున్న ద్రావిడ్!

Latest News

  • Green Chillies : ప్రతిరోజూ పచ్చిమిర్చి తినడం ఆరోగ్యానికి మంచిదేనా?..అస‌లు రోజుకు ఎన్ని తిన‌వ‌చ్చు..?

  • Khairatabad ganesh : గంగమ్మ ఒడికి చేరిన శ్రీ విశ్వశాంతి మహాశక్తి గణపతి

  • Renault Cars : జీఎస్టీ 2.0 ఎఫెక్ట్.. రెనో కార్లపై భారీ తగ్గింపు

  • South: ఏఐడీఎంకెలో ఉత్కంఠ.. పళణి స్వామి కీలక నిర్ణయాలు

  • Chandra Grahan 2025 : 7న సంపూర్ణ చంద్రగ్రహణం..జ్యోతిష్య ప్రభావంతో ఏ రాశులకు శుభం? ఏ రాశులకు అశుభం?..!

Trending News

    • Yograj Singh: ధోనితో సహా చాలా మంది ఆటగాళ్లు వెన్నుపోటు పొడిచారు: యువ‌రాజ్ తండ్రి

    • Sara Tendulkar: సచిన్ కుమార్తె సారా టెండూల్కర్‌కు నిజంగానే ఎంగేజ్‌మెంట్ జ‌రిగిందా?

    • IPL Tickets: క్రికెట్ అభిమానులకు తీపి, చేదు వార్త.. ఐపీఎల్‌పై జీఎస్టీ పెంపు, టికెట్లపై తగ్గింపు!

    • New GST: జీఎస్టీలో కీల‌క మార్పులు.. రూ. 48,000 కోట్లు న‌ష్టం?!

    • GST Slashed: హెయిర్‌కట్, ఫేషియల్ చేయించుకునేవారికి గుడ్ న్యూస్‌.. ఎందుకంటే?

HashtagU Telugu
  • Contact Us
  • About Us
  • Privacy & Cookies Notice
Category
  • Telangana News
  • Andhra Pradesh News
  • National News
  • South
  • Entertainment News
  • Trending News
  • Special News
  • Off Beat
  • Business News
Trending News
  • Health Tips
  • Movie Reviews
  • 2024 Olympics
  • Life Style
  • Nara Lokesh
  • Nara Chandrababu Naidu
  • Revanth Reddy
  • kcr

follow us

  • Copyright © 2025 Hashtag U. All rights reserved.
  • Powered by Veegam Software Pvt Ltd