Credit Cards: గేమ్ ఛేంజర్.. UPIలో క్రెడిట్ కార్డ్‌ పేమెంట్స్ తో మరో ఆర్ధిక విప్లవం..!

Credit Card

ఇప్పటిదాకా UPI పేమెంట్.. బ్యాంక్ అకౌంట్, డెబిట్ కార్డు మాత్రమే లింక్ అయ్యేవి. ఇకపై క్రెడిట్ కార్డ్స్ (Credit Cards)ను కూడా UPI పేమెంట్స్ కోసం వాడొచ్చు. ఈ విప్లవాత్మక మార్పు.. UPI లావాదేవీలను రాకెట్ వేగంతో పెంచుతుందని మార్కెట్ వర్గాలు అంచనా వేస్తున్నాయి. రానున్న రోజుల్లో చిన్న చిన్న షాపుల్లోనూ క్రెడిట్ కార్డు ద్వారా UPI పేమెంట్స్ జరగనున్నాయి. వాస్తవానికి రిజర్వ్ బ్యాంక్ ఆఫ్ ఇండియా (RBI) 2022 జూన్ లోనే UPIతో రూపే క్రెడిట్ కార్డ్‌లను లింక్ చేయడానికి అనుమతించింది. ఈ పరిణామం క్రెడిట్ కార్డుల ద్వారా జనం చేసే ఖర్చులను బాగా పెంచుతుందని బ్యాంకింగ్ నిపుణులు చెబుతున్నారు.

ఇందువల్లే 2022 డిసెంబర్ లో రూపే రూ. 1.27 లక్షల కోట్ల విలువైన 25.6 కోట్ల లావాదేవీలను నిర్వహించింది. ఈ గణాంకాలు 2022 డిసెంబర్ కి సంబంధించిన మొత్తం UPI లావాదేవీల సంఖ్యలో 3 శాతం, లావాదేవీల విలువలో 10 శాతం మాత్రమే కావడం గమనార్హం. భవిష్యత్ లో ఈ సీన్ చేంజ్ కానుంది. క్రెడిట్ కార్డ్స్ తో upi పేమెంట్స్ భారీగా పెరగనున్నాయి. ఈ బిజినెస్ క్యాచ్ చేసేందుకు క్రెడిట్ కార్డు కంపెనీలు రెడీ అవుతున్నాయి.మన దేశంలోని 260 మిలియన్ల UPI వినియోగదారులకు..వారి లావాదేవీలకు కొత్త నిధుల వనరుగా రూపే క్రెడిట్ కార్డ్‌లను అందించడానికి క్రెడిట్ కార్డ్ కంపెనీలు ఏర్పాట్లు చేస్తున్నాయి. 2022 జూన్ నుంచే క్రెడిట్ కార్డు కంపెనీలు ఈ పనిలో బిజీగా ఉన్నాయి. UPIతో క్రెడిట్ కార్డ్‌లను లింక్ చేయడం వల్ల కలిగే లాభాలు మరియు నష్టాలను ఇప్పుడు చూద్దాం..!

■కస్టమర్లకు ప్రయోజనాలు

క్రెడిట్ కార్డ్‌లు ఇప్పుడు UPI చెల్లింపులను అంగీకరించే ఏ వ్యాపారి వద్ద అయినా ఉపయోగించబడతాయి. కూరగాయలు అమ్మేవాడు, పాల వ్యాపారి, వార్తాపత్రిక విక్రేత మొదలైనవాటి కోసం కూడా వాడొచ్చు.ఇకపై క్రెడిట్ కార్డును తీసుకెళ్లాల్సిన అవసరం లేకుండానే .. యూపీఐ క్రెడిట్ కార్డు లింక్ ద్వారా పేమెంట్ చేయొచ్చు. తద్వారా క్రెడిట్ కార్డులకు సంబంధించిన మోసాలు, నష్టాలు కూడా తగ్గుతాయి.

■కస్టమర్లకు ప్రతికూలతలు

కస్టమర్స్ క్రెడిట్ కార్డు upi పేమెంట్స్ కు అడిక్ట్ అయ్యే ఛాన్స్ ఉంటుంది. ఇకపై అన్ని ఖర్చులను క్రెడిట్ కార్డ్‌ పై ఆధారపడి చేసే ముప్పు ఉంటుంది. ఫలితంగా అప్పులు పెరుగుతాయి. ఖర్చులు కూడా భారీగా పెరిగే ముప్పు ఉంటుంది.

■క్రెడిట్ కార్డ్ జారీచేసే వారికి ప్లస్ పాయింట్స్

పెరుగుతున్న ఖర్చులు ఈజీగా తీర్చుకోవడానికి కస్టమర్లకు హెల్ప్ చేసి బిజినెస్ పెంచుకోవచ్చు.
డెమోగ్రాఫిక్ ప్రొఫైల్‌లలోని కస్టమర్‌లు తమ కార్డ్‌లను ఉపయోగించడానికి అనేక కొత్త అవకాశాలను కనుగొంటారు. కాబట్టి ఇది యాక్టివేషన్, ఎంగేజ్‌మెంట్‌కు కూడా సహాయపడుతుంది.

■క్రెడిట్ కార్డ్ జారీచేసే వారికి ప్రతికూలతలు

చిన్న వ్యాపారులపై చేసే ఖర్చులు క్రెడిట్ కార్డు కంపెనీలకు ఎలాంటి పరస్పర మార్పిడి ఆదాయాన్ని తీసుకురావు. వర్గీకరణ సరిగ్గా లేకుంటే మరియు/లేదా ఇంటర్‌చేంజ్ రేట్లు సరిగ్గా సమలేఖనం కానట్లయితే పెద్ద వ్యాపారుల నుంచి కూడా పరస్పర మార్పిడిని కోల్పోయే ప్రమాదం ఉంది. UPIతో కార్డ్‌లను ఏకీకృతం చేయడం వల్ల సరికొత్త వినియోగ సందర్భాలను తెరుస్తుంది. కాబట్టి మెరుగుపరచబడిన మోసం రిస్క్ మేనేజ్‌మెంట్ అవసరం కూడా ఉంటుంది .

■ నాడు.. నేడు.. లెక్క ఇదీ

2016 ఏప్రిల్ లో ప్రారంభించి నప్పటి నుంచి మన దేశంలో UPI వేగంగా వృద్ధి చెందుతోంది. NPCI వెబ్‌సైట్ ప్రకారం.. 2016 జూలైలో రూ. 38 లక్షలకు సమానమైన దాదాపు 90,000 లావాదేవీలు (21 సభ్య బ్యాంకుల్లో) జరిగాయి. 2022 డిసెంబర్ లో రూ.12.8 లక్షల కోట్లు విలువైన రూ. 7.8 బిలియన్ లావాదేవీలు (382 సభ్యుల బ్యాంకుల్లో) జరిగాయి. దీన్నిబట్టి upi లావాదేవీల బూమింగ్ ఏ స్థాయిలో ఉందో అర్థం చేసుకోవచ్చు.

Follow us