Water Tax : నీటి పన్నుపై రూ. 85.81 కోట్ల వడ్డీ మాఫీ – ఏపీ ప్రభుత్వ కీలక నిర్ణయం
Water Tax : ఈ నిర్ణయంతో 2024-25 సంవత్సరానికి పెండింగ్లో ఉన్న మొత్తం రూ. 85.81 కోట్ల నీటి పన్ను వడ్డీని ప్రభుత్వం ఒక్కసారిగా మాఫీ చేసింది
- Author : Sudheer
Date : 31-07-2025 - 6:59 IST
Published By : Hashtagu Telugu Desk
ఆంధ్రప్రదేశ్ రాష్ట్ర ప్రభుత్వం రైతులకు, ప్రజలకు ఊరటనిచ్చే కీలక నిర్ణయం తీసుకుంది. నీటి పన్ను(Water Tax)పై వడ్డీని మాఫీ చేస్తూ ఈరోజు అధికారిక ఉత్తర్వులు జారీ చేసింది. ఈ నిర్ణయంతో 2024-25 సంవత్సరానికి పెండింగ్లో ఉన్న మొత్తం రూ. 85.81 కోట్ల నీటి పన్ను వడ్డీని ప్రభుత్వం ఒక్కసారిగా మాఫీ చేసింది. ఇది రాష్ట్ర ప్రజలపై ఉన్న ఆర్థిక భారాన్ని గణనీయంగా తగ్గిస్తుందని భావిస్తున్నారు.
AP: అన్నదాత సుఖీభవ’ అమలుపై అధికారులతో సీఎం చంద్రబాబు సమీక్ష
ఈ వడ్డీ మాఫీ నిర్ణయం రాష్ట్ర ఆర్థిక పరిస్థితిపై ప్రభావం చూపినప్పటికీ, రైతులు, సామాన్య ప్రజలకు ఉపశమనం కలిగించాలనే ఉద్దేశంతో ప్రభుత్వం ఈ చర్య తీసుకుంది. పెండింగ్లో ఉన్న వడ్డీ భారం వల్ల చాలా మంది నీటి పన్ను చెల్లింపుల్లో ఇబ్బందులు ఎదుర్కొంటున్నారు. ఈ మాఫీ ద్వారా పన్నుల వసూళ్లకు కూడా ఒక స్పష్టమైన మార్గం ఏర్పడుతుందని అంచనా.
ప్రస్తుత ప్రభుత్వం అధికారంలోకి వచ్చిన తర్వాత ప్రజలకు మేలు చేసే పలు నిర్ణయాలు తీసుకుంటోంది. నీటి పన్ను వడ్డీ మాఫీ కూడా అందులో ఒక భాగమే. ఈ నిర్ణయం రైతాంగానికి, వినియోగదారులకు ఆర్థికంగా తోడ్పాటునిస్తుంది. భవిష్యత్తులో కూడా ప్రజలకు ప్రయోజనం చేకూర్చే మరిన్ని నిర్ణయాలు ఉంటాయని ప్రభుత్వం సంకేతాలు ఇస్తోంది.
Follow us
