Gold Prices: త్వ‌ర‌లో భారీగా పెర‌గ‌నున్న బంగారం ధ‌ర‌లు..?

Gold- Silver Buying Tips

Gold Prices: రానున్న రోజుల్లో బంగారం ధరలు (Gold Prices) పెరిగే అవకాశం ఉంది. బలమైన అంతర్జాతీయ సంకేతాలు, బలమైన డిమాండ్ కారణంగా బంగారం ధ‌ర‌ మెరుగుపడే అవకాశం ఉంది. ఢిల్లీ బులియన్ మార్కెట్‌లో 10 గ్రాముల బంగారం ధర రూ.67,350 స్థాయికి చేరుకుంది. అయితే బంగారం ధర త్వరలో రూ.69,000 దాటవచ్చని నిపుణులు చెబుతున్నారు.

హెచ్‌డిఎఫ్‌సి సెక్యూరిటీస్ కమోడిటీ అండ్ కరెన్సీ హెడ్ అనూజ్ గుప్తా మాట్లాడుతూ.. బంగారం, కామెక్స్ బంగారం పెరుగుదల కొనసాగుతుందని అంచనా వేశారు. గోల్డ్ జూన్ ఫ్యూచర్ కోసం మొదటి అడ్డంకి రూ. 68,300 అని, ఆ తర్వాత అది రూ. 69070కి చేరుకోవచ్చని ఆయన చెప్పారు. రూ.66780, రూ.66300 మద్దతు స్థాయిలు ఉన్నాయని తెలిపారు. అంతర్జాతీయ మార్కెట్‌లో కామెక్స్ బంగారం ఔన్స్‌కు 2145 డాలర్లు ఉంటే, ఔన్స్ ధర 2320 డాలర్లకు చేరుకోవచ్చని ఆయన అన్నారు.

Also Read: RCB vs KKR Highlights: హోం గ్రౌండ్ లో బెంగుళూరుకు షాక్… కోల్ కత్తా నైట్ రైడర్స్ కు రెండో విజయం

అమెరికా ద్రవ్యోల్బణ గణాంకాల దృష్ట్యా బంగారం ఔట్‌లుక్‌పై MCXలో బంగారం ధర రూ.66,830కి చేరుకుందని కామా జ్యువెలరీస్ ఎండి కొలిన్ షా తెలిపారు. గత ద్రవ్యోల్బణం డేటా ,తాజా ద్రవ్యోల్బణ డేటా అంచనాల కారణంగా బంగారంలో సానుకూల ర్యాలీ కనిపిస్తోంది. అలాగే ఫెడ్ రిజర్వ్ వడ్డీ రేట్లను తగ్గించే సంకేతాల కారణంగా బంగారం ధరలపై దాని ప్రభావం విపరీతంగా కనిపించింది. ఒక్కసారి ద్రవ్యోల్బణం గణాంకాలు వెలువడితే బంగారం ధర మరింత పెరిగే అవకాశం ఉందన్నారు.

సెంట్రల్ బ్యాంకింగ్‌తో సురక్షితమైన పెట్టుబడి ఆస్తిగా బంగారం పెట్టుబడిదారులకు చాలా ప్రయోజనకరంగా ఉందని కోలిన్ షా చెప్పారు. బంగారంపై పెట్టుబడి పెట్టడం ద్వారా ద్రవ్యోల్బణానికి వ్యతిరేకంగా ప్రజలు రక్షణ కల్పిస్తున్నారు. ప్రకటించబోయే అమెరికా ద్రవ్యోల్బణ రేటు డేటా అక్కడి వడ్డీరేట్ల తగ్గింపు దిశను నిర్ణయిస్తుందని ఆయన అన్నారు. సహజంగానే అమెరికాలో వడ్డీ రేట్ల తగ్గింపు తర్వాత బంగారం ధరలు మరింత పెరగవచ్చు. 10 గ్రాములకు రూ.70,000 స్థాయికి వెళ్లవచ్చు.

We’re now on WhatsApp : Click to Join

Follow us