Revanth Counter : మీ పంపకాల పంచాయతీలో మమ్మల్ని లాగకండి – కవిత కు రేవంత్ కౌంటర్

Revanth Brs

తాజాగా బీఆర్ఎస్ నాయకురాలు కల్వకుంట్ల కవిత చేసిన వ్యాఖ్యలకు ముఖ్యమంత్రి రేవంత్ రెడ్డి గట్టి కౌంటర్ ఇచ్చారు. బీఆర్ఎస్ పార్టీలో జరుగుతున్న అంతర్గత కలహాలను ఉద్దేశించి మాట్లాడుతూ..”మీ పంపకాల పంచాయతీలో మమ్మల్ని లాగకండి” అని రేవంత్ రెడ్డి అన్నారు. ఈ వ్యాఖ్యలు ఇప్పుడు రాజకీయ వర్గాల్లో హాట్ టాపిక్‌గా మారాయి.

AI Training For Journalists: తెలంగాణలో జర్నలిస్టులకు తొలి ఏఐ శిక్షణ!

గతంలో బీఆర్ఎస్ ప్రభుత్వం అక్రమ కేసులు పెట్టి అమాయకులను జైళ్లకు పంపిందని రేవంత్ రెడ్డి విమర్శించారు. ఇప్పుడు దోచుకున్న అవినీతి సొమ్ము పంపకాల్లో గొడవలు రావడంతో కడుపులో కత్తులు పెట్టుకుని కౌగిలించుకుంటున్నారని ఎద్దేవా చేశారు. తాను అలాంటి “చెత్త గాళ్ల” వెనుక ఉండనని, నాలుగు కోట్ల తెలంగాణ ప్రజల నాయకుడిగా ముందుంటానని రేవంత్ రెడ్డి స్పష్టం చేశారు. ఈ వ్యాఖ్యలు కేసీఆర్ కుటుంబంలో జరుగుతున్న విభేదాలపై కాంగ్రెస్ పార్టీ వైఖరిని స్పష్టం చేస్తున్నాయి.

బీఆర్ఎస్ కుటుంబ సభ్యుల మధ్య పంచాయతీలు వస్తే, కుటుంబ పెద్ద దగ్గరకు వెళ్లాలని, అక్కడ తెగకపోతే కుల పెద్ద దగ్గరికి పోవాలని రేవంత్ రెడ్డి సూచించారు. అక్కడ కూడా తేలకపోతే మంత్రగాడి దగ్గరకు వెళ్ళి తేల్చుకోవాలని వ్యంగ్యంగా అన్నారు. తమ కుటుంబ సమస్యలను పరిష్కరించుకోవడానికి కాంగ్రెస్ ప్రభుత్వాన్ని ఇందులోకి లాగవద్దని ఆయన స్పష్టం చేశారు. ఈ పరిణామాలు తెలంగాణ రాజకీయాలను మరింత వేడెక్కించాయి మరియు ప్రజలలో ఈ అంశాలపై ఆసక్తిని పెంచాయి.

Follow us