Game Changer : గేమ్‌ ఛేంజర్‌లో అంజలి కీ రోల్‌..!

Game Changer

Game Changer : గ్లోబల్ స్టార్ రామ్ చరణ్ హీరోగా, సెన్సేషనల్ డైరెక్టర్ శంకర్ దర్శకత్వంలో తెరకెక్కిన సినిమా ‘గేమ్ చేంజర్’ జనవరి 10న ప్రేక్షకుల ముందుకు రాబోతుంది. ప్రస్తుతం సినిమా ప్రమోషన్స్‌లో వేగంగా నడుస్తోంది. ఈ నెల చివరిలో ట్రైలర్ విడుదల కానుందన్న ఊహాగానాలు వినిపిస్తున్నాయి. ‘ఇండియన్ 2’ ఫ్లాప్ తర్వాత శంకర్, ఈ ప్రాజెక్టును ప్రెస్టీజియస్‌గా తీసుకుని తెరకెక్కిస్తున్నాడని తెలుస్తోంది. మేకర్స్ ప్రకారం, రామ్ చరణ్ కెరీర్‌లో ఈ చిత్రం అతిపెద్ద హిట్‌గా నిలిచే అవకాశముందని వారు నమ్మకంగా ఉన్నారు.

ఈ సినిమాలో రామ్ చరణ్ ద్విపాత్రాభినయం చేయబోతున్నాడు. తండ్రి, కొడుకుల పాత్రల్లో రెండు వేరు వేరు క్యారెక్టర్స్ పోషిస్తున్నాడు. యువ రామ్ చరణ్ పాత్రకు జోడీగా కియారా అద్వానీ నటిస్తుంది. అలాగే, తండ్రి పాత్రకు జోడీగా అంజలి నటిస్తోంది. అయితే, శంకర్ ఈ సినిమాకు సంబంధించిన అంజలి పాత్రను ఇప్పటి వరకు రివీల్ చేయలేదు. ఈ చిత్రంలో అంజలి పాత్ర చాలా ప్రత్యేకంగా ఉంటుందని డైరెక్టర్ శంకర్ ఇప్పటికే చెప్పాడు.

Nitish Kumar Reddy Century: వాషింగ్టన్ సుందర్ సహకారంతోనే నితీష్ సూపర్ సెంచరీ

సినిమా కథలో ఒక కీలకమైన మలుపు తీసుకునే క్యారెక్టర్‌గా అంజలి కనిపిస్తుందని సమాచారం. చాలా కాలం తర్వాత, అంజలి తెలుగులో ఒక పెద్ద చిత్రంలో నటిస్తోంది. ఆమె పాత్రలో ప్రత్యేకత ఉంటేనే ఆమె సినిమాలకు గ్రీన్ సిగ్నల్ ఇస్తుందని చెప్పవచ్చు. శంకర్ డైరెక్ట్ చేస్తున్న సినిమాల్లో హీరోయిన్ల పాత్రలు ఎప్పుడూ బలంగా ఉంటాయి. ఈ సినిమాను అంజలి పాత్రను కూడా చాలా బలంగా డిజైన్ చేసినట్లు తెలుస్తోంది.

‘గేమ్ చేంజర్’లో అంజలి పాత్ర ఆన్‌స్క్రీన్ గేమ్ ఛేంజర్‌గా మారిపోతుందని పలు ఊహాగానాలు వినిపిస్తున్నాయి. ఈ సినిమా కథలో ఆమె పాత్రను పెద్దగా సర్ప్రైజింగ్‌గా ఉంచారని కూడా చెబుతున్నారు. అంజలికి యూత్‌తో పాటు ఫ్యామిలీ ఆడియెన్స్‌ నుంచి కూడా మంచి ఫ్యాన్ ఫాలోయింగ్ ఉంది. ‘గేమ్ చేంజర్’ సినిమా హిట్ అయితే, అంజలి కెరీర్‌కు మరింత బూస్ట్ వచ్చిపోవడం ఖాయం. ఇప్పుడు, ‘గేమ్ చేంజర్’ సినిమాలో అంజలి పాత్ర ఎలా క్లిక్కవుతుందో చూడాలి.

Plane Explosion : రన్‌వేపై ల్యాండ్ అవుతూ.. విమానం పేలి 179 మంది మృతి

Follow us