Delhi Airport Roof Collapses: ఢిల్లీ ఎయిర్ పోర్టులో కూలిన పైకప్పు.. ప‌లువురికి గాయాలు!

Delhi Airport Roof Collapses: భారీ వర్షం కారణంగా ఢిల్లీ విమానాశ్రయంలో ఈరోజు ప్రమాదం జరిగింది. బలమైన ఈదురు గాలులు, భారీ వర్షం కారణంగా ఇందిరా గాంధీ అంతర్జాతీయ విమానాశ్రయం టెర్మినల్-1 పైకప్పు (Delhi Airport Roof Collapses) కూలిపోయింది. దీని కారణంగా కారులు ధ్వంసం అయ్యాయి. ఈ ప్రమాదంలో కారులో ఉన్న నలుగురికి గాయాలయ్యాయి. అయితే ప్రజలు రెస్క్యూ ఆపరేషన్ ప్రారంభించి ఇరుక్కుపోయిన వాహనం నుండి నలుగురిని రక్షించి ఆసుపత్రికి తరలించారు. ప్రమాదం గురించి సమాచారం అందిన వెంటనే పోలీసులు, అగ్నిమాపక సిబ్బంది కూడా సంఘటనా స్థలానికి చేరుకున్నారు.

ఢిల్లీ-ఎన్‌సీఆర్‌లో తొలి రుతుపవన వర్షపాతం వేడి నుండి గొప్ప ఉపశమనాన్ని అందించగా, ఇది ప్రజల ఇబ్బందులను కూడా పెంచింది. శుక్రవారం తెల్లవారుజామున ఈదురు గాలులతో కూడిన వర్షం కురవడంతో రోడ్లన్నీ జలమయమయ్యాయి. దీంతో పాటు ఢిల్లీలోని ఇందిరాగాంధీ అంతర్జాతీయ విమానాశ్రయం టెర్మినల్-1 పైకప్పు కూడా కూలిపోయింది. ఈ ప్ర‌మాదంలో ప‌లు కార్లు ధ్వంసం కాగా.. న‌లుగురికి గాయాలైన‌ట్లు తెలుస్తోంది.

సమాచారం అందుకున్న వెంటనే పలు అగ్నిమాపక యంత్రాలు ఘటనా స్థలానికి చేరుకుని సహాయక చర్యలు చేపట్టారు. ఢిల్లీ ఫైర్ సర్వీస్ అధికారి ఒకరు మాట్లాడుతూ.. ఉదయం 5.30 గంటల సమయంలో ఢిల్లీ విమానాశ్రయం టెర్మినల్ 1 వద్ద పైకప్పు కూలినట్లు మాకు సమాచారం అందింది. మూడు అగ్నిమాపక యంత్రాలు సంఘటనా స్థలానికి పంపించామ‌ని ఆయ‌న తెలిపారు.

Also Read: Children: పిల్లలు జంతువులతో గడపడం వల్ల కలిగే లాభాలు ఇవే

#WATCH | "A roof collapsed at Terminal-1 of Delhi airport. 3 fire tenders were rushed to the spot", says an official from Delhi Fire Services

(Video source – Delhi Fire Services) pic.twitter.com/qdRiSFrctv

— ANI (@ANI) June 28, 2024

ఈ ప్రమాదం తర్వాత, కేంద్ర పౌర విమానయాన శాఖ మంత్రి రామ్మోహన్ నాయుడు కింజరాపు Xలో ఈ విధంగా పోస్ట్ చేశారు. ఢిల్లీ విమానాశ్రయం T1 వద్ద పైకప్పు కూలిన సంఘటనను నేను వ్యక్తిగతంగా పర్యవేక్షిస్తున్నాను. ఘటనా స్థలంలో ఫస్ట్ రెస్క్యూ టీమ్‌లు పనిచేస్తున్నాయి. అలాగే T1 వద్ద బాధిత ప్రయాణీకులందరికీ సహాయం చేయాలని విమానయాన సంస్థలకు సూచించాం. క్షతగాత్రులను ఆసుపత్రికి తరలించారు. రెస్క్యూ ఆపరేషన్ ఇంకా కొనసాగుతోందని పేర్కొన్నారు.

టెర్మినల్ భారీ పైకప్పు వాహనాలపై పడిపోయిన ఈ ప్రమాదం చిత్రాలు కూడా వెలువడ్డాయి. దీంతో కారులో కూర్చున్న వారికి కూడా తీవ్ర గాయాల‌య్యాయి. అతి కష్టం మీద వారిని రక్షించారు. ఈ ప్రమాదంలో పలువురికి తీవ్ర గాయాలు కాగా, వారిని చికిత్స నిమిత్తం ఆస్పత్రికి తరలించారు. శుక్రవారం తెల్లవారుజామున వాతావరణం ఒక్కసారిగా తారుమారై బలమైన గాలులతో కూడిన వర్షం కురిసింది. నోయిడా, ఢిల్లీ, పరిసర ప్రాంతాల్లో గంటకు పైగా భారీ వర్షం కురిసింది. ఈ వర్షం వేడి నుంచి ఉపశమనం కలిగించగా, రోడ్లు కూడా చాలా చోట్ల జలమయమయ్యాయి. దీంతో ఢిల్లీ-ఎన్‌సీఆర్‌లో ఉదయం వరకు వాహనాలు నిలిచిపోయాయి. బలమైన గాలుల కారణంగా అనేక చెట్లు విరిగిప‌డ్డాయి.

We’re now on WhatsApp : Click to Join