IT Firm Gifts Cars: ఉద్యోగులకు బంపర్ ఆఫర్.. గిఫ్ట్ గా వందమందికి కార్లు!

చెన్నైకి చెందిన ఇన్ఫర్మేషన్ టెక్నాలజీ (IT) కంపెనీ తమ సంస్థకు చెందిన 100 మంది ఉద్యోగులకు ఒక్కొక్కరికి బహుమతిగా కార్లను అందించింది. Ideas2IT అనే సంస్థ 10 సంవత్సరాలుగా కంపెనీలో వివిధ హోదాల్లో పనిచేస్తున్న’ 100 మంది ఉద్యోగులకు మారుతి సుజుకి కార్ల బహుమతిని అందించినట్లు తెలిపింది. Ideas2ITలో మొత్తం 500 మంది ఉద్యోగులు ఉన్నారు. అందులో ప్రతిభ కనబర్చిన, నమ్మకమైన ఉద్యోగులకు బంపర్ ఆఫర్ ను అందించింది.

“కంపెనీ విజయాలకు, వృద్ధికి పాటుపడుతున్న ఉద్యోగులకు కార్లను బహుమతిగా ఇచ్చారు. ‘‘10 సంవత్సరాలకు పైగా మాలో భాగమైన 100 మంది ఉద్యోగులకు మేం 100 కార్లను బహుమతిగా ఇచ్చాం. కంపెనీ లాభాల్లో కొంత ఉద్యోగులకు తిరిగి ఇవ్వాలనేది మా భావన” అని ఐటీ సంస్థ యాజమాన్యం తెలిపింది. ఈ సందర్భంగా కంపెనీ వ్యవస్థాపకుడు, ఛైర్మన్, మురళీ వివేకానంద్ మాట్లాడుతూ.. ఇది బహుమతి కాదనీ, ఉద్యోగులు తమ కష్టంతో సంపాదించుకున్నదే అని, భవిష్యత్తులో ఇలాంటి మరిన్ని కార్యక్రమాలు చేపట్టాలని ప్లాన్ చేస్తున్నామని చెప్పారు. ‘‘గతంలో ఉద్యోగులకు iPhoneలు, బంగారు నాణేలతో సహా బహుమతులు కూడా అందించి గొప్ప మనసును చాటుకుంది. “సంస్థ నుంచి బహుమతులు స్వీకరించడం ఎల్లప్పుడూ గొప్పది. ఇప్పుడు కార్లను అందించడం పెద్ద విషయం’’ అని ఉద్యోగి ప్రసాద్ తెలిపారు. వందమంది ఉద్యోగులకు కార్లను పంపిణీ చేసిన ఫొటోలు ప్రస్తుతం సోషల్ మీడియాలో వైరల్ గా మారుతున్నాయి.

Tamil Nadu | An IT firm, Ideas2IT, in Chennai, gifts 100 cars to 100 of its employees

"It's always great to receive gifts from the organization; on every occasion, company shares its happiness with gifts like gold coins, iPhones. Car is a very big thing for us," said an employee pic.twitter.com/iiTF9NHIJ7

— ANI (@ANI) April 11, 2022